eu

LIPSOR (Laboratoire d’Investigation en Prospective, Stratégie et Organisation), 3IE (Institut d'Innovation Informatique pour l'entreprise), EPITA (Ecole pour l'Informatique et les Techniques Avancées) eta beharrezko sponsors -ei esker edozeinek jaitsi eta erabili ditzake prospektiban eta estrategian sarri erabiltzen diren MIC-MAC eta MACTOR programa informatikoak.

Normalean, MICMAC softwarea sistema (sektore, enpresa, erakunde, lurralde, herri, ...) egituraren analisi prospektiboa egiteko erabiltzen da. Hau da, etorkizunari begira eraginkorrak izango diren faktoreak ezagutu eta aztertzeko. MICMAC izen zelebrea frantzesetik dator eta Matrice d'Impacts Croisés Multiplication Appliqués à un Classement esan nahi du. Baina hizkuntza propioa duen MicMac izeneko herri bat dago. Mi'kmaq (Mi'kmawi'simk, Mi'kmaw, Micmac, Mikmaq) hizkuntza duena.

Aldiz, MACTOR programa sistemetan aktore eraginkorrek duten harremanak eta eraginak aztertzeko erabiltzen da. Erronka eta helburu jakin batzuen aurrean, aktoreen arteko adostasunak eta ezadostasunak aztertzeko, eta ondorioz, aliantza edota gatazka aukerak eta politikak aurreikusteko.

Informazio gehigarria, gazteleraz

Oraindik behin behinekoak dira, baina ahaztu ez nadin hobe apuntatzea: datorren urtean ESTE -ko Prospektiba klaseak astearte eta ostegun goizetan izango ditut.

Konturatu gabe, datorrena klaseak ematen ditudan seigarren urtea izango da. Aurtengo urtea oso ona izan da, normalean baino motibatuagoak ikusi ditut ikasleak, eta motibazioaz aparte maila ona zekarten. Horrela gustora ematen dira klaseak!

Zahartzapenaren azterketa eta ezagutzak sekulako aurrerapenak izan dituzte azken 10 urteetan. Gaur egun, askoz hobeto ezagutzen dira zaharkitzean ingurumenak edo faktore biologiko, kimiko eta genetikoek duten eragina.

Telomeroak (Telomeres), edo mitokondriak (mitochondria), edo elikapen hobekuntzak aipatzen dira, besteak beste. Horren ondorioz, zenbaitek diote XXI mendean populazioaren bataz besteko bizitza itxaropena bikoiztu egin daitekeela eta gaur ezagunak diren aurkikuntzak aplikatuz gizakiok 175- 200 urte bizitzera ailegatzeko moduan gaudela.

Baina, horrelako bizitza luzapenak berez onuragarria dirudi arren, eta anti-aging negozio berri askotarako aukera eman arren, egia esanda aldaketa asko ekarriko ditu gizarte antolakuntzan.

Erretreta sistema, erretreta adina, osasun sistema, hezkuntza sistema eta etengabeko ikaskuntza, ekonomia eta lehiakortasuna, baloreak, inmigrazioak, hiri planifikazioa eta abarrei buruz ditugun ikuspuntuak berraztertu beharko ditugu eta adostu.

Gaiari buruz asko hitz egiten ari da azken boladan, Artikulo labur hau , interesgarria, eta era berean kezkagarria, Frantziako Senatuak prospektiba ikerketetarako duen Prospective taldearen buru den René Trégouët-ek idatzitakoa, aurkitu nuen joan zen astean.

Europa osoan ari dira luzapen horren ondorio posibleak aztertzen, Europar Komisioa barne.

El diseño de escenarios en el ámbito empresarial da liburu berriaren izenburua, eta Pirámide argitaletxeak kaleratu du.

José Miguel Fernandez Güell-ek Universidad Politécnica de Madrid delakoaren irakaslea da, Hirigintza eta Lurralde Antolaketa Sailekoa. Orain arte, hirien plangintza aztertu du gehien bat.

Bertsolaritza ahozko kulturaren aztarna legez hartzen dugun garai hauetan, William Crosman -en esanetan, Comspeak 2050 (CompSpeak 2050 Institute for the Study of Talking Computers and Oral Cultures) Institutuaren sortzailea, aurrerapen teknologokoari esker 2050 urtearen inguruan gizakiok idatzizko kultura utzi eta ahozko kulturara bueltatuko gara.

Crosman-en iritziz, XXI mendean konputagailuak VIVO izenarekin ezagutuko dira: Voice In, Voice Out (ahotsa sartu, ahotsa atera). Ordenagailuak ez dute izango teklaturik, ez dute testu idatzirik izango, eta ahotsarekin erabiliko ditugu. Era berean, VIVO-ek digitalki sortutako ahotsaren bidez emango dizkigute informazioa eta emaitzak, eta orain dela 6.000 urte sortutako kultura idatzia, guztiz zaharkiturik geldituko zaigu etorkizunean.

Izan ere, oinarrian, idatzizko hizkuntza orain dela 6.000 - 10.000 urte informazioa gorde eta errekuperatzeko sortu zen teknologia bat da, eta etorkizunean VIVO-ek gauza bera egingo dute ahoz, askoz arinago eta hobeto.

VIVO konputagailuak informazioa gorde eta errekuperatu egingo dute ere, baina askoz arinago eta hobeto. Pertsona guztiek erabili ahal izango dituztenez, irakurtzea eta idaztea ez da izango beharrezkoa. Ondorioz, ez da izango funtsezko arrazoirik eskoletan irakurtzen eta idazten irakasteko.

Crosman futuristaren iritziz 2050 urte inguruan herrialde aurreratuak ahozko kulturak bihurtuko dira; eta beranduago, 2150 urte inguruan, planeta osoan ahozko kultura bakar bat zabalduko da.

VIVO-ak garatzeko gaur eguneko ahaleginak gizaki bilakaeraren beste aurrera pausua da, idatzizko hizkuntzaren mugak gainditu nahian eta gizakion komunikazioaren eta informazioaren erro pre-alfabetiko, biogenetiko eta entzun-ahozkoei itzuli nahian.

W C -en esanetan, gazteei liburuak, idaztea edo irakurtzea baino gehiago telebista ikustea, telefonoa, musika edo konputagailu jokoak gustatzeak ez da alfertasunaren edo eskola txarren ondorioa, baizik eta gizaki eboluzioaren adierazle garbia.

VIVO-ak etorkizuneko giza aktibitate guztiak aldatuko dituzte: hezkuntza, arteak, giza harremanak, politika edota merkataritza.

Informazioa bereganatzeko, milioika analfabetok VIVOak erabiliko dituzte eta VIVO-ak erabiltzeko eskubidea XXI mendeko giza eskubideen artean aldarrikatuko da!

Ingelesez gehiago irakurtzeko klik hemen

Eusko Jaurlaritzak datozen lau urteetarako ikerketa lerroak definitzen dihardu. Besteak beste, 2010 urterako I+G egindako inbertsioa Euskal BPGaren %3ra ailegatzea da helburua. Azken finean zifra hau jarri du Europak helburutzat ERA - European Research Area(Europar Ikerkuntza Eremua) eraikitzeko.

2005-2008 Zientzia, Teknologia eta Gizarte Planak ardatz eta lan lerro ezberdinak ditu eta dagoeneko Saretek, Zientzia, Teknologia eta berrikuntzaren Euskal Sareak, argitaratu ditu arlo bakoitzeko lehen dokumentu edo ponentziak .

Hausnarketa bideratzeko, ponentzia askok, ez guztiak, arlo teknologikoaren justifikazio atalean Enpresen beharrak, gizarte eskaera, ahalbide edo gaitasunak eta Prospektiba ataltxoa daukate. Batzutan luzeagoa edo osotuagoa da, beste batzuetan laburragoa, baina metodologia zuzena dirudi etorkizunari begira izan behar duen planaren helburuak eta lan arloak definitzeko orduan.

Zientzia, Teknologia eta Gizarte Planean lantzen ari diren eremu giltzarriak eta programak, honako hauek dira:

Lehiakortasuna

• Garraioaren Kudeaketa Integratua eta Sistema Adimendunak
• Garraioaren Segurtasuna eta Ingurumen Eragina
• Garraiobidetarako Teknologiak
• Materialak eta beren Prozesuak
• Industri Prozesuak eta Ekoizpena
• Produktuaren diseinua eta garapena. Bizi-zikloa
• Mikro eta nanoteknologiak
• Eraikuntza

Energia eta Ingurumena

• Energia Berriztagarriak
• Energiaren Integrazioa eta Banaketa
• Energi eraginkortasuna eta aurreztea
• Ingurumen Teknologiak

Informazioaren Gizartea

• Hizkuntzaren Teknologiak
• Elektronika eta Komunikazio Teknologia
• Informatika Teknologiak
• Informazio Gizartearen Zerbitzuak
• Enpresa Digitala

Biziaren Zientziak eta Bioteknologia

• Biomedikuntza eta Ikerketa Farmazeutikoak
• Bioteknologia eta Oinarrizko Biologia
• Osasunerako Teknologiak

Gizartea eta Bizi-kalitatea

• Jakintzaren Gizartearen garapena
• Gizartearen Ongizatea, Kohesioa eta Ekintza
• Lurraldearen Ingurumen Kudeaketa
• Turismoa, aisia eta kirola
• Ondarea zaintzea

Baliabide biziak eta elikadura

• Elikadura Teknologiak
• Nekazaritza eta Arrantza Teknologiak
• Natura zaintzea

Informazio osagarriak:

Ikerketa eta garapena Euskadi-n

Direktorioa

Zientzia, Teknologia eta Berrikuntzarako Plana 2001-2004

Gehitua. 2004/07/19

Hau argitaratu eta gero, 2005-2008 Zientzia, Teknologia eta Gizarte Planaren Hizkuntzaren Teknologiak atalean parte hartzera gonbidatu gaituzte.

Hemen daude argitaratuta CodeSyntax -etik egin diren lehen ekarpenak.

Ingalaterrako Foresight programak etorkizunerako hainbat erronka aztertzen ditu. Besteak beste uholde arriskuak eta kostaldearen babesa kontutan hartzen ditu.

Eta ez dira makalak, ikusi mapan: 2080 urterako eszenategiak egin dituzte!

Programa indartsua, FloodRanger izeneko Uholde simulagailuak , txosten ugari, denbora eta tresna asko darabilena. Hori bai, kontutan izan behar dugu aurreikusitakoaren arabera, 1,7 miloi etxebizitza uholde arriskuko tokietan kokatuta dituztela eta izugarrizko kostuak izango lituzketela okerreneko eszenategia gauzatuko balitz.

Sarean dago Mexikon argitaratzen den Prospecti...va, Construyendo Futuros aldizkariaren 2. zenbakia.

Artikulo interesgarriak, Prospektibaren inguruko albisteak eta hausnarketak Latinoamerika eta Karibetik ikusita. Herrialde hauen etorkizunari buruzko hausnarketak dira nagusi zenbaki honetan, eta prospektibaren alderdi soziala eta gizarte azterketa dira artikulu gehienen ardatz nagusiak.

Frantsesez argitaratzen den Futuribles aldizkaria eta ingelesezko The International Journal of Futures Studies eta Futures Research Quarterly -rekin batera gaiari buruzko aldizkari hedatuenak. Baina azken hauetan testu osoa ez dago Internet-en. Aldiz, Prospecti...va Construyendo Futuros aldizkariak ale osoa irakurgarri jartzen du.

Ingalaterrako South West lurraldean (Bristol, Southampton, Salisbury,...) South West Scenarios 2026 proiektua ipini dute martxan bertako Garapen Agentziak, South West Regional Development Agency (SWRDA) , eta Regional Assembly edo Lurralde Biltzarrak, South West Regional Assembly .

Eszenategien bitartez, etorkizunerako garapen proiektua osatzea da helburua. Hori dela eta sei arlo nagusi aztertuko dituzte:

• Gizartea: zahartzaroa, migrazioak, kontsumoa, erretretak, kultura aniztasuna, komunikabideen indarra, ...
• Teknologia eta zientzia: IKT-ak, nanoteknologia, genetika, domotika,...
• Ekonomia: ekonomia berria, enplegua, MSKa,...
• Ingurugiroa: nekazal eremuak, aldaketa klimatikoa, kostaldearen babesa,...
• Politika: Gobernantza, legitimitatea, demokrazia berria, botereen arteko egituraketa,...
• Erronka berriak edo ezusteko aldaketak: terrorismoa, aldaketa genetikoa, kapitalismoaren porrota, aldaketa klimatikoa edo golfoko ur-korrentearen desagerpena,...

Ez da oso normala azken arloko gaiak ikustea, baina egia esan joko asko eman dezakete hausnarketa prospektibo soil batean. Zailago gai horien inguruko hausnarketak programetan, estrategian edo plagintzan aplikatzea.

Irailaren 16 eta 17an ospatuko da Prospecta Peru II CONGRESO NACIONAL DE PROSPECTIVA. Iaz bezala Lima hirian egingo da.

Kongresua Peruko Consejo Nacional de Ciencia y Tecnologia delakoak antolatzen du, beste erakunde batzuekin elkar lanean.

Informazioa kongresuaren webgunean dago, baina, era berean, antolatzaileek latinoamerika ingururuko Prospectiva Regional edo Lurraldeetako Prospektiba ereduak jaso nahi dituzte, Prospectiva postazerrendara bidali duten mezu honetan eskatzen dutenez.

En el Perú estamos elaborando una Guía de Prospectiva Regional para apoyar la difusión y el empleo de la prospectiva en el interior del país para colaborar con su proceso de ordenamiento territorial.

Nos gustaría insertar un capítulo con experiencias exitosas iberoamericanas, para lo cual les pido su apoyo.

Indar handia hartzen ari du Prospektiba ikuspuntuak Latinoamerika aldian. Izan ere, duela hiru urte sortu nuen espainolezko Prospectiva postazerrendako parte hartzaile gehienak Hegoamerika, Mexiko eta Karibe ingurukoak dira gaur egun.

Irakaslearen rol tradizionala aldatzen doa. Nahitaez harreman berriak sortzen ari dira ikasleen eta irakasleen artean.

Gaur egun, irakaslea ez da ezagueraren trasmisioarako iturri bakarra: hor dago Internet, askoz ere aukera gehiago eta zabalagoak ematen dizkio ikasleari irakasleak buruan edo apunteetan duena baino.

Ikasketa-prozesua gehiago izango da ezagutzen elkartruke bat, orain arteko ezagutzen transferentzia hutsa baino. Beraz, Europar Komisioak dioen bazala:

• Irakaslea ikasketa-prozesuaren bideratzailea izan behar du: aholkulari-tutorea.
• Ikaslea bere ikasketa-prozesuaren zuzendari eta kudeatzailea izan behar du.
• Ikas-sare efikazak antolatu behar dira: Internet-ek eskaintzen dituen aukerak erabiliz.

Bide hori jorratzen hasi eta blog bat klaseetarako laguntza gisa erabili izan dut. Klaseak gazteleraz dira eta horregatik: http://www.codesyntax.com/es/prospectiva edukietarako eta http://www.codesyntax.com/es/prospectiva/foro blog estilora erabiltzen dut.

Oraingo eibar.org sareko Prospektiba blog hau, gaia berdina euskaraz jorratzeko nere lehen saiakerak dira.

Normalean, gunea klaseetan azaldutakoa gehitzeko, erreferentziak emateko, apunteak uzteko, etabar erabiltzen dut.

Ikasleek erantzun edo galdetu dezakete blog bidez, baina egia esan nahiago izaten dute pribatuan e-posta mezuen bidez galdetzea.

Horretan blogak abantaila du: kolektiboki blog batean erantzutea ekonomikoagoa da irakaslearentzat eta ikasle batek galdetzen duena, klase guztiak entzuten du.

Baina konbentzituta nago ikasleen inplikazioa askoz handiagoa izan daitekela eta Internetek asko erraztu dezakela klase dinamikan parte hartzea. Eta Blogintza bideetariko bat izan daitekela.

Justu gaur Cybereuskadin argitaratu dute albistean, Unibertsitateetako ikasleen blog erabilera aipatzen da.

Hiru kasu aipatzen dira, horietariko bik eibar.org komunitateko blogen teknologia berdinarekin: Zope (Coreblog , Zope produktu bat da eta CodeSyntax -en euskaratu dugu)

• Deustuko filologia fakultateko littera , Joseba Abaitua lagunak eramaten du eta ikasle bakoitzak lantzen du bere bloga, testu berriak sortuz blog erara. Euskaraz, nahiz gazteleraz edo ingelesez. Joseba ren esperimentu interesantea, nere ustez.
• Nafarroako Unibertsitateko, Komunikazio Fakultatekoa Diseño Audiovisual ikasgaikoa, ez dut jarraitu baina irakasleak sona du Internet munduan.
• EHU-ko Kazetaritza Fakultatekoa, Aulaweblog apur bat jarraitu dut eta, orokorrean, ikasleek sorkuntza baino gehiago, beste toki batzuetatik hartutako albisteen kopia hutsa baino ez dute egiten. Hala ere, medio berrian murgiltzeko lehen pausu bat da.

Beno, adibide batzuk baino ez dira eta komunikazio-filologia-kazetaritza-literaturarekin lotuta, baina esan bezala konbetzituta nago Internetek argitaratzeko ematen duen erraztasunak joko handia eman dezakela, eta ez bakarrik letretan, milaka gune daude non ikasleek bere aurkikuntzak, programazio lanak, etabar konpartitzeko erabiltzen duten, Software libre komunitateen ereduari jarraituz.

Deuston bertan ikasleek antolatutako e-ghost talde nahiko indartsua http://www.e-ghost.deusto.es martxan dabil. Aste honetan makina bat ikastaro auto-antolatu dituzte

Adibideak baino ez dira, prospektiban etorkizunaren haziak esaten diegu.

Gehituta 2004/07/22an

Blogen inguruko saiakuntzen batuketa: Into the Blogosphere , Minnesota-ko Unibertsitateko ikerlariak egindako zerrenda.

Internet munduko tresnak enpresetan barneratzen doaz pixkanaka. Baina beste tresna asko bezala, erabilera ematen jakin behar zaie.

Corporate Blogging webguneak informazio eta adibide ugari ditu, blogen erabilerataz enpresa eta erakundeetan.

Guide to Corporate and Organizational Blogging - basics, possibilities, blogger interviews, news and European Corporate Blog listings bezala definitzen da, ez da gutxi.

Funtsean enpresa eta erakundeetan blogak erabiltzearen balioa defendatzen du: barne komunikazioa, ezagueraren kudeaketa, prentsa bulegoa, bezeroarekiko hartuemanak, adituak sortzeko, produktuen test-ak egiteko, marketing eta beste gauza askotarako balio dute.

Gainera, Europar blog korporatiboen gida egin nahi du.

Esate baterako, Wales-en erakunde publikoek eta pribatuek bultzatu duten Opportunity Wales Gales-ko lurralde atzeratuenak (Europar Objektibo 1) garatzeko proiektua da: negozio berriak, turismoa, merkataritza elektronikoa,... sortu eta bultzatzeko. Horretarako, besteak beste, bloga, Opportunity Wales Weblog , erabiltzen dute.

Ez ditut aipatutako webgunean ikusi baina badaude gazteleraz edo kalalanezko blog korporatiboak.

• Fundazioak: Jose Saramago presidentetzat duen Alonso Quijano Fundazioa, bloga Barataria deitzen da. Literarioa batez ere, baina Fundazioaren albisteekin, jakina.
• Sindikalak: SOFTGAL, S.A. enpresa komitearena, Web del currito de Softgal izena duena . Aholkuak, gatazkak, epaiketak, konbenio negoziaketak,...
• Politikoak: PSC-eko Miquel Icetarena, El Diari del Portaveu del PSC deitzen dena. Astero albiste edo blog sarrera bat.
• Ikerkuntza zentroak: RODA proiektuaren bloga . Red de Conocimiento Descentralizado a través de Anotaciones. Baina proiektua bukatu zenetik nahiko geldirik.
• Enpresak: batzutan enpresa barnean erabiltzen dira, beste batzuetan kanpora begira, zerrenda amerikar honetan ageri direnen kasuan bezala.

Beno, nahiko berria izan arren, aholkuak, definizioak, artikuluak, erreferentziak, The Economist esate baterako, eta beste gauza asko aurkitu daitezke blogak korporazioetan jorratzen duen Corporate Blogging delako horretan.

Albiste kuriosoa dakar New Scientist aldizkariak: soldaduei banatzen dizkieten janari-ano edo razioak pisu gutxiago eta horrela gerrate eta maniobretan erabilgarriagoak eta erosoagoak izan daitezen, AEB-etako ikerlari militarrek poltsetan sartzeko janari-ano deshidratatu berriak aztertzen ari dira.

Gaur, egun guztirako banatzen diren razioak, gutxi gora behera, 3,5 kilogramo pisatzen dute. Janaria deshidratatuz - oraingoz arroza eta oilazkoaren egin dituzte frogak -, eta deshidrataziorako, konserbatzio eta garraiorako egokiak diren zelulosazko poltsa berezietan sartuta 0,4 kg baino ez izatea lortu dute.

Gero, poltsa horiek osmosis bitartez re-hidratatzen dira eta barnekoa jangarria da. Aspaldidanik erabiltzen da janari deshidratatua armadan, baina saiakera hauek janari-razioen pisua jaistera eta suntsiezinezko razioak lortzera doaz. BBC-k dioen bezala indestructible sandwich -ak lortzeko!

Harrigarriena: janaria re-hidratatzeko ez ur edangarria edo garbia bakarrik, askotan zaila da nahiko ur garbi aurkitzea eta, baizik edozein urgeldi, potzu zikineko ura edo norberaren pixak balioko duela!

La guerra de Gila baino gogorragoa, egia esan. :-) .

Askotan, ikerketa militarra alperrik xahututako dirua da, baina beste ikerketa-emaitza asko eraman izan dira bizitza zibilera: jantziak, materialak, segurtasun sistemak, estrategiak, eta abar.

Ausartuko dira mendizaleak edo bidaiariak, esate baterako, horrelako janaria erabiltzera?

Goikoa, Nicole-Anne Boyer -en Fuzzy Signals. extracting the signal from the noise blog etik ateratako irudia da. Irudi orijinala 2001 urtean Pulitzer Saria irabazi zuen Ann Telnaes-ena da.

Mundua, estatua, lurraldea, herriaren ikuspegia zeharo diferentea da norberaren ardatzaren arabera.

Shell enpresak eszenategiak egiteko erabilitako dokumentu batean: Shell scenarios izenekoan goian ageri den bezelako irudi kuriosoak daude. .

Besteak beste, Scenarios as a Tool for the 21 st Century dokumentuak 2050 urterako eszenategiak aztertzen duen hausnarketa da.

Esan bezala, irudiak dakartza. Behekoa ankaz gora egindako mapa dirudi guretzat, baina ez beraientzat, agian. Berdin gertatzen zaigu estatu, herri ezberdinentzat dugun irudiarekin. Bakoitzak berea.

Duela urte batzuk ikusi nuen australiar ume batek egindako munduko mapa. Ez dut aurkitu, baina gutxi gora behera hemen azpian doanaren antzekoa zen:

Harritu egin ninduen hasiera, gero ez hainbeste.

Beste batean aipatu behar dut dokumentu horren arabera, petroleren ikuspuntua etorkizunari buruz, edo gutxienez Shell-ena .

Global Business Network -ek liburu berria jarri du sarean. What If? The Art of Scenario Thinking for Nonprofits izenekoa. Eszenategiak sektore publikoan eta irabazi asmorik gabeko erakundeetan lantzeko metodoak eta gaia jorratzen ditu.

2004.ko uztailean bukatutako liburu berri hau sarean dago .pdf formatoan.

Lau kapitulu ditu, eta lau zatitan, kapitulu bakoitzeko bat, edo osorik jaitsi daiteke. Hauek dira zatiak:

• Scenario Thinking Defined (sarrera gisa eszenategiak zer diren eta abar)
• Scenario Thinking in Practice (eszenategiak eraikitzeko GBN-k erabiltzen dituen bost faseen prozesua eta aholkuak)
• Stories from the Field (adibideak irabazi asmorik gabeko erakundeetan eta sektore publikoan)
• Resources (Errekurtsoak: bibliografia, glosarioa, ...)

Egileak Diana Scearce eta Katherine Fulton dira.

GBN-k erabiltzen duena ez da eszenategiak egiteko dagoen metodologia bakarra, pertsonalki gehiago erabili izan dut prospektibazko frantsez eskola bezala ezagutua den eta Parisko CNAMeko Laboratoire d’Investigation en Prospective, Stratégie et Organisation (LIPSOR) inguruan erabiltzen den metodologia.

Future Now blog interesgarrian irakurri dut Washington-en dagoen Center for Strategic and International Studies (CSIS) -ek etorkizunari buruzko hausnarketa berria argitaratu duela: 7F, Seven Futures Seven Revolutions, Looking Out to the Year 2025 ....

Etorkizunari, 2025 urteari, begira egindako hausnarketa da, eta lana egituratzeko zazpi arlo eta zazpi eremu geografiko erabili dira.

CSIS-en lanetan ageri diren eszenategi edo etorkizuneko irudiak kontutan hartzen dituzten zazpi arloak honako hauek dira:

• Populazioa
• Errekurtsoak
• Teknologia
• Ezaguera eta Informazio Gizartea
• Ekonomia
• Gatazkak
• Gobernantzea

Aztertutako zazpi eremu geografikoak honako hauek dira:

• Latin Amerika eta Karibea;
• Europa;
• Ekialde Erdia eta Ipar Afrika;
• Afrika subsaharianoa;
• Errusia/Eurasia;
• Sud-Asia; eta
• Asiako Ekialde eta Hego-ekialdea.

Gainera ariketen bidez, etorkizunean eragina izango duten hainbat gaiei buruzko gure ezaguera maila frogatzeko aukera dago webgunean bertan.

Adibidez:

Populazioari buruzko galdetegia

Informazio eta ezagueraren gizarteari buruzko galdetegia

Stricto sensu ez da prospektiba, baina bai futurismoa, artea, ingeniaritza eta diseinua nahasturik.

Irailaren 30arte, Berkeley-ko University of California-n dagoen Institute of Transportation Studies -ek Internet bidez ikus dezakegun erakusketa kurioso eta didaktikoa antolatu du: joan zen mendean zehar, garraio antolaketara dedikatu diren ingeniarien etorkizunerako diseinuak.

Transportation Futuristics: Visionary Designs in Transportation Engineering da erakusketaren izenburua eta Berkeley-ko Liburutegiak Interneten ipini du bisitatzeko eta ikusteko moduan: autoak , itsas ontziak, helikopteroak, garraio pertsonala, eta garraiorako hainbat tramankulu ezberdinak.

Beste pare bat blogetan ikusi ditut erakusketa honen aipuak: near near future eta worldchanging. another world is here blogetan.

Garraioaren etorkizuna gaur eguneko kezka

Erakusketan ageri diren irudi batzuk barregarriak iruditu arren, garraioa eta garraoiaren etorkizuna izugarrizko erronka da gaur egun gizakiontzat. Konpondu gabekoa eta ikerkuntza programa edo azpiegitura plangintza askoren ardatz nagusia. Adibide batzuk baino ez:

• Garraio jasangarria edo iraunkorra, Europar Komisioko programetan bezala
• Garraio Inteligentea, EAB-ko http://www.its.dot.gov/ adibidez.
• Teknologia berriak hirietako garraioa hobetzeko, Washington Unibertsitatean bezala.
• ...

eta beste milaka ekimen mundu osoan ... eta gure inguruan ere, jakina: AHT, Eibar-Gasteiz, Bilboko sareak, Donostiako sahiesbidea, Hondarribiko aireportua, Ospitaleko aparkalekuak, tranbiak, errepide eta sahiesbide berriak, ... Asmatzen eta aurreikusten jarraitu behar, nahi eta nahi ez.

Kanada University of New Brunswick-eko Enpresa Fakultateko MBA programa barnean, blogak eta enpresa munduaren arteko harremanei buruzko ikerketa bat egiten ari dira.

The Blog as a Meaningful Business Tool izenekoa. Ikerketa burutzeko, blogei buruzko galdetegia prestatu dute.

Ikerketan erabilitako aldagaiekin lotutako galderak: dedikazioa, helburuak, blogaren estiloa Roche-ren teoria jarraituz, onurak, emaitzak, teknologia, egilearen ezaugarriak,... aurkituko ditugu.

Inkesta askotan gertatzen den legez, erantzun bakarreko galderak aurkitzen ditugu. Analisia errezten dute, baina batzutan erantzun egokia ematea saila da.

Ikerketaren emaitzak ezagutzeko aukera bat inkesta betetzea da.

Uztailaren 27an egin den Eusko Jaurlaritzaren Gobernu Batzordeko bileran onartu da 2004-2006 Onlineko Administraziorako Plan Estrategikoa.

Epe apur bat laburra iruditzen zait, baina egia da azkar mugitu eta aldatzen den sektorea dela, eta Planak gainera kontutan izan behar duen e-Europe 2005 Plana 2006 urtean berrikusiko dela.

Dena den, onartu berria den Plan Estrategiko hau, asmo handiko eta egokia dirudien Euskadi Informazio Gizartearen Egitarauaren ondorengoa da, Batzordeko oharrak adirazten duenez:

Bertan, 2002 urtean onartutako "Euskadi Informazio Gizartearen Egitarauak" bere atal batean zehazten dituen proiektuak eta beste proiektu berri batzuk biltzen ditu Eusko Jaurlaritzaren Administrazioa Euskadiko hiritarrei hurbiltzearren.

Euskadi Informazio Gizartearen Plan osoa (.pdf-a, 1,5 MB)

Euskadi Informazio Gizartean Planaren laburpen exekutiboa (.pdf-a, 1,3 MB)

Administrazioak hiritar, enpresa edo administrazioekin (udalak, aldundiak, autonomiak, estatua) izango dituen harremanak aldatu egingo dira, azkartuz eta hobetuz printzipioz.

Onartu den 2004-2006 Onlineko Administraziorako Plan Estrategiko horren proiektu nagusienen artean, hauek:

• zerbitzuak digitalizatzea,
• Administrazioarekin transakzioak egiteko sinadura elektronikoa,
• beste administrazioekin lan bateratua,
• Administrazioaren langileen formazioa bermatzea eta
• e-Administrazioa euskal gizartearen aurrean zabaltzea.

Gobernu batzorderen oharrean zehaztapen gehiago daude

Duela urte batzuk Zarautzen ezagutu nuen Francisco José Mojica kolonbiarrak idatzi dit datorren astean, abuztuaren 12an, bi liburu berri aurkeztuko dituztela esanez.

Liburuak Latinamerikaren etorkizunari buruzkoak dira:

• América Latina y el Caribe, perspectiva y prospectiva de la globalización eta
• Escenarios Futuros sobre la Globalización y el Poder Mundial

Egileak Kolonbia eta Mexikoko irakasleak dira. Izan ere, liburuak Universidad Externado de Colombia delakoaren Especialización en Pensamiento Estratégico y Prospectiva eta Universidad Nacional Autónoma de México delakoaren Centro de Estudios Internacionales sailen arteko elkarlanaren fruituak dira.

Liburuen aurkezpenean izango diren irakasleak: Francisco López Segrera, Francisco José Mojica, Manuel Ramiro Muñoz, Eduardo Raúl Balbi eta Víctor Batta Fonseca.

Parisen doktoregoa egiten zegoenean Euskal Herrira etorri zen Francisco Mojica. Goierri 2005 Plangintza Estrategikoaren bilera batzuetan parte hartu zuen kolonbiarrak, eta hartutako esperientzia Kolonbian ezartzen saiatu zen. Ez da lan erraza, baina saiakerak egin ditu. Geroago, bisitan izan ginen Bogota ondoan dagoen La Sabana Unibertsitatean zegoenean, bertan Primer Encuentro Latinoamericano de Estudios Prospectivos egin zelako. Gaur egun Mojica Prospectiva latinoamericana delakoaren guruetariko bat da eta Universidad Externado de Colombia -n dago.

Loturak:

Universidad Externado de Colombia

Universidad Nacional Autónoma de México

Australiako ABC, hau da Australian Broadcasting Corporation, irrati eta telebistak 2024 dreaming joko-programa dauka sarean.

Hemen: 2024 dreaming

Bertan 2024 urtea amesteko aukera ematen digute. Amets selektore baten bitartez gure etorkizuneko bizitzaren lau eremu nagusi imagina ditzakegu: etxebizitza, lana, janaria eta etorkizuneko garraioak.

Flash irudiei esker 2024 urteko bizitza amestu dezakegu: hirian zehar ibili, oinez, bizikletaz, hidrogeno bidez mugitutako trenean, gure adinerako egokia den jatetxea eta menua aukeratu (ordurako Omega-3 eta antioxidante askorekin, noski), eta abar luzea ... Baina, jakina, etorkizuna ez dago inon idatzita: beste etorkizun batzuk izan ditzakegu ;-)

Aste honetan Linzen hasten den 2004 Ars Electronica Festival ,Festival for Art, Technology and Society delakoan, etorkizunaren aurreikuspenekin lotuta dagoen eta esperimentu kultural bezela definitzen duten saiakera bat ipini dute martxan: Timeline+25.

Timeline+25 esperimentuaren Internet helbidea hau da: http://www.aec.at/predictions/ , eta Ars Electronica Festival-ean instalazio publiko bezela aurkeztuko da Irailaren 2tik 7ra.

Aurreikuspenak urtez urtekoak dira: 2006, 2007, ..., 2028, 2029, 2030. Gaia librea: teknologia, gizartea, giza harremanak, .... Edozeinek idatzi eta argitaratu dezake aurreikuspen bat, aurreikuspen onenak aukeratzeko edozeinek bozka dezake aurreikuspen baten alde edo aurka.

Marterekin lehen IPv6 Komunikazioak 2020 urterako (video-streaming Martetik Lurrera via multicast), oinarrizko kuota ordainduz doako telefono deiak mundu osoarekin 2009 urterako, zarata edo soinu gardenek musika ordezkatuko dute 2030 urtean, Totimorphous-ak gaur egun ezagutzen ditugun estatu-nazioak ordezkatuko ditu 2029 urtean, Windows baino Linux gehiago 2014 urterako, baina baita ... software librearen bukaera ... 2005 urterako, Hillary Clinton AEB-ko presidentea 2012 urterako, ... eta beste ehundaka aurreikuspen.

Esperimentu kulturala? etorkizun posibleak?

PS: Creative Commons, Cyberarts 2004 NET VISION saria

Blog honek eta beste askok erabiltzen duten Creative Commons, creativecommons.org -ek, irabazi du Net Vision saria Linz-en egiten den Ars Electronicak antolatzen duen International Competition for Cyberarts 2004: Cyberarts 2004 winners -en.

Argazkian Creative Commons-ek Austrian eta Ars Electronica jaialdiaren barnean banatutako Open Source Water Ur Boteilak

Beste irabazle batzuk Digital Communities Saria atalean: Wikipedia, www.wikipedia.org eta IHES-aren aurkako The World Starts With Me, www.theworldstarts.org

Web interesanteak atal hauetako aipamen honorifiko eta goraipamenetan

Kronikak zuzenean

Elastico Net webgunean Ars Electronica-ko zuzenezko kronikak aurkitu ditut Tiraré el maldito retrovisor por la maldita ventana porque no quiero saber de donde vengo, sino a donde voy , Postales desde Linz , eta suposatzen hurrengo egunetan gehiago bidaliko dituztela.

Alain Etchegoyen, filosofoa, irakaslea eta aholkularia, da gaur egun Frantziako Commissaire au Plan edo Frantziako Plan orokorraren zuzendaria.

Frantziako planifikazioan izugarrizko garrantzia du Commissariat Général du Plan delakoak, Estatuko Plan orokorraren, Le Plan-aren, definizioa eta kudeaketaren ardura duelako.

Bigarren Gerraren ondoren, 1947 urtean, I Plana edo Plan Monnet ipini zen martxan eta 1953 urterarte igaro zuen. Gero beste hamar plan etorri dira. Estatuaren planifikaziotaz gain, hau da makroekonomia, azpiegitura orokorra, eta abar... Planak Estatua eta Lurralde edo erregioen arteko harremanak definitzen ditu: les contrats de Plan Etat-Region delakoak.

Zeregin horretan prospektibak pisu garrantzitsua izan du Frantziako azken Planetan, baina indarrean dagoen Planaren Misioa Prospective de l’Etat Stratège edo Estatu estrategaren prospektiba da.

Hau da, Planaren zeregin nagusia datozen urteetarako Estatuaren erronka nagusiak definitzea eta nola aurre egin zehaztea da.

Horretarako, Etchegoyen -ek zuzentzen duen Frantziako Planak lau eremu edo Estatuaren lau lehentasun definitu ditu. Lan talde eta arlo asko aztertzen dira, baina hauek dira lau lehentasunak:

• Ikerketa - berrikuntza - hazkundea eta garapen jasangarria.
• Enplegua - lanbideak - formakuntza
• Integrazio soziala
• Osasun publikoa - arreta printzipioaren aplikazioa

Jarraitu nahi izanez gero, argitalpena kaleratzen dute: Regards prospectifs sur l’Etat stratège.

Abuztuan kaleratu dute lehen zenbakia: Regards prospectifs SUR L'ETAT STRATEGE en ligne

Korporazio, enpresa edo erakunde weblogak erabilgarritasuna eta eragina izan dezakete arlo ezberdinetan . Horregatik gero eta gehiago dira albistegiak martxan dituzten enpresa eta erakundeak.

Corporate Weblog Manifestoak era laburrean 20 aholku eskeintzen ditu blog korporatiboentzat. Egia esan blogentzat ezezik, aholkuak beste gauza askotarako balio dute. Lehenengo bostak hemen doaz:

• Egia esan beti. Ez ibili gezurretan, nahi eta nahi ez jendeak egia aurkituko du
• Azkar argitaratu, albiste onak eta txarrak. Gutaz zeozer txarra esaten badute, aipatu eta linkatu. Azkartasunak garrantzi handia du. Ezingo dugu albiste txarrak denbora luzean eskutatu.
• Erabili giza ahotsa, ulergarria izan dadila. Ez erabili korporazio abokatuak edo profesionalak diskurtsoa garbitzeko. Arintasuna galduko dugu.
• Erabili azken estandarrak, softwarea, Internet, weblogak,... Zer den W3C, RSS feed-ak, weblogs, googlek nola lan egiten duen, eta abarretaz enteratu behar dugu.
• Narru lodia eta jasankortasua izan. Beti egongo da norbait gutaz gaizki hitz egin edo idatziko duena.

Beste 15 aholku aurkituko ditugu (ez ahaztu slashdot, akatsak onartu, hitzik ez jan, ... eta abar) Corporate Weblog Manifesto orijinalean .pdf-an

Kontramanifestoa

Oso puntu onak direla eta manifestoaren balioa onartuz, kritika interesagarria egiten diote The Corporate Weblog CounterManifesto honetan. Open Standarrak erreibindikatuz, URL-ak aldatzearen garrantzi erlatibotasunataz, idazteko orduan egoera psiko-pertsonalaren garrantziataz, etabar. Eta kritikari gaur erantzun dio orijinalaren egileak, Robert Scoble .

Ikas urtea hastear dagoen iraila honetan, etorkizunerako joera bezala Internet erabilera hezkuntzan aipatzea ezinbestekoa da. Zalantzarik gabe, gazteen - eta helduen - etorkizunerako prestakuntzan Internetek gero eta pisu gehiago izango du.

EDUCAUSE aldizkariak, Iraila-Urriko zenbakian, gaiari buruzko monografikoa egin du. Izan ere, alearen izenburua Tresna Berriak Eskola Itzulerarako: Blogak, Swarmak, Wikiak eta Jokoak da. New Tools for Back-to-School: Blogs, Swarms, Wikis, and Games EDUCAUSE Review, vol. 39, no. 5 (September/October 2004)

Stephen Downes-ek kanadiarrak blogen erabilera eskoletan aztertzen duen artikulua idatzi du: Educational Blogging. Hamabi orriko artikulu hau, erreferentzia eta bibliografia ugariarekin, html formatoan edo .pdf formatoan, 309 kb dago eskuragarri.

Errepaso luzetxoa egiten die blogintzari, tresna ezberdinei, hosting zerbitzuei eta abar, baina blogen erabilerari buruz ondo dokumentatuak aipatzen diren bost funtzio laburtzen ditut hemen:

• Lehendabizi, weblogak irakasleen ohizko web orriak ordezkatzen dituztela. Ordutegiak eta arauak, egin beharrekoak, irakurketa gomendatuak, ariketak eta abar posteatzen dira. Dataren arabera ordenatzen direnez, jarraipena errazagoa da ikaslearentzat.
• Normalean, osagarri gisa Interneteko erreferentzien loturak eskaintzen dira eta honekin batera ikasleei zuzendutako komentarioak.
• Gelako eztabaidak antolatzeko erabil daitezke blogak. Gai jakin baten inguruan antolatutako eztabaidak, alegia.
• Mintegiak antolatzeko eta irakurketen laburpenak eskaintzeko aproposak dirudite. Honen bidez taldeko blogak sortzen dira: ikasle talde batek egindako bloga.
• Azkenik, ikasgaiaren barnean ikasleek idatzi dezakete bere blog propioetan, egunero irakurri edo ikasi dutenari buruzko pare bat parrafo idatziz. Aurrerago aipatu nuen bezala , badaude gure inguruan ariketa hau Unibertsitate mailan erabiltzen duten irakasleak. Agian badago, baina ez du ezagutzen horrelakorik gure inguruko lehen edo bigarren mailako hezkuntzan.

Downes-ek dioen legez, webloga erakargarri egiten duena, bai heziketan bai orokorrean Interneten, erraztasuna da. Normalean ez da beharrezkoa orrien formatoa ezagutu edo zaintzea edo html jakitea eta.

Gerta daikezke, eta gertatzen dira, arazoak, gatazkak edo disziplina arazoak erakunde/irakasle eta ikasleen artean. Batez ere, blogetan idatzitakoa iraingarria bada edo erakudearen aurka badoa. Eta sortzen dira, bai.

Baina, era berean, ikasle batzuek diotenez, arreta gehiago jartzen dute idazterakoan, idazkera gehiago zaintzen dute, blog batean idatzitakoa edozeinek irakur dezakela bait dakite.

Quebec-eko Institut St-Joseph institutoko esperientzia zuzendariaren esanetan: This last group of students, eight or so at a time, fire up their browsers and log into their cyberportfolios, a publication space or a virtual extension of the classroom. This virtual space is composed of three sets of weblogs, or blogs: a classroom Web space, where announcements are displayed and work of common interested is posted; a public, personal communication zone, where students post the results of their work or reflection; and a private personal space, reserved for students thoughts and teacher guidance.

Mario Asselin, Institut St-Joseph institutoko zuzendaria: Weblogging at the Institut St-Joseph

Hausnarketa interesgarria kaleratu du gaur Jabi Zabalak astero Berriarako idazten duen artikuluan eta bere Interneteko bitakoran, Sarean.com , argitaratzen duena.

Makinek aurrea hartuko digute? galdetzen du Jabik, eta horren harira aurrerapen teknologikoak hartu duen abiadak sortzen dizkigun galdera, amets, ezinegon, kezka,... batzuk aipatzen ditu. Hemen dago aipatutako artikulua

Ondo dioen bezala, zientzia-fikzioaren lelo, mintza, irudika edo mintzagai nagusia izan da, baina kezka gero eta zabalagoa da, era orokorrean gure ezinegona areagotzen doa...

Horrela, zientzia-fikzio idazle edo filmagiletaz aparte, makina eta gizakion harreman hori azken boladan ikerlari, injeniari, mediku, filosofo, soziologo edota antropologoen aztergai bihurtu da.

Esate baterako, Cyborg-en, - Cybernetic Organism-aren laburpena -, inguruan eztabaida eta hausnarketa ugari sortzen ari dira.

Cyborg bat bere gorputzaren zati bat edo gehiago protesi mekanikoekin ordezkatuta duena da.

Gero eta jende gehiago ezagutzen dugu protesi mekaniko horiek erabiltzen dituena gure inguruan. Gero eta teknologikoki aurreratuagoak dira protesi horiek eta gizakiok makina horiekin dugun harremana gero eta estuagoa da, onerako eta txarrerako.

Gorputzean ezartzen ditugun makinak, zenbat eta hobeak eta aurretuagoak izan, harremanak konplikatuagoak sortzen omen dira. Makinarekiko menpekotasunak, kontrola, hasarreak, ordezkapenak,... eta gure buruetan erreakzio konplikatuak sortzen dira/dute. Norantz bilakatuko dira harremanak? nolako eragina gizakiotan?

Momentuz nire gorputzak ez du orban elektronikorik, ez silikonazko txipik, ez gorputzadar mekaniko edo elektronikorik, ez begi edo entzumen inplanterik, ... Andy Clark filosofoak esango lukeen bezala elektronikoki birgina naiz, baina nor daki zenbat igaroko dudan horrela.

Etorkizunean gizakiok makina hauekin izango dugun erlazioari buruzko eztabaida indar handiarekin planteiatzen da.

Bestalde, Josu Azpillaga lankideak komentatu didan bezela, makinek ondo lagundu dezakete zailak diren kontzeptu edo sensazioen ezaguera gizakion artean trasmititzen: usaina, zaporea, esperientzia,... zailak dira azaltzeko. Baina makinek parametrizatu ditzakete eta lagundu beste bati ezaguera horiek trasmitzeko orduan. MIT-Massachusetts Institute of Technology bezalako Ikerketa Zentru aurreratuetan aspalditik pentsatzen eta aztertzen ari dira prozesu hauei buruz, adibidez ikasgai , edo ikerketa programa bezala.

Future Now blogean, gaiari buruz Andy Clark Natural Born Cyborgs Minds, technologies and the future of human intelligence (Oxford, 2003) liburuaren egileari elkarrizketa interesgarria egin zioten.

Gaur irakurri dut bozketa elektronikoa, baina paperean erregistroa utziz, egin dutela lehen aldiz Amerikako Estatu Batuetako estatu batean: Nevadan.

Primary hauteskundeetan izan da eta esperientzia Techdirt blog teknologikoak jaso duenez ez omen da txarra izan

Seguruenez, paperezko erregistroa jasotzerakoan hiritarrak botoa ematerakoan zerbait "erreala" egin duenaren "seinalea" du. Boto ematerakoan ez du ezer birtuala egin, baizik guztiz erreala.

EAE-n lantzen ari da bozketa elektronikoa. Legea badago: Hauteskundeei Buruzko Euskal Araudiak jasotzen du boto elektronikoa. Egin dira esperientzia batzuk: Unibertsitatean, esate baterako. Ikerketa landu da Demotek-en bitartez. Beraz, ez goaz oraingoan amerikanoak baino askoz atzerago.

Europako hainbat lurraldeen helburua (Frantzia, Alemania,...) epe laburrean boto elektronikoaren erabateko ezarpena da. 2006rako Alemanian

Aurrerapen teknikoak, segurtasuna eta diru aurrerapenak nabariak dira. Hala ere, badaude kontrako iritziak. Ikus bestela informatikari frantzes honen kexuak: Le scandale du vote electronique arrive en France

Arazo teknikoak izan daitezke, baina apur bat zailagoa, nere ustez, e-demokrazia deitzen den kontzeptuan sakontzea, egunerokotasunean.

Urte batzuk barru hauteskunde eta era guztiko bozketa prozesu orokorrak erreztu, merketu eta arindu egingo dira nabari.

Erregistroaz edo erregistrorik gabe, e-demokraziaren itxaropenak betez, ohituko gara hiritarrari maizeago galdetzera?. eta iritziak kontutan izatera?

Ez da izango bihar bertan, baina baikorra naiz.

Marketing munduari zuzendutako CMO aldizkariaren lehen zenbakiak Future Shock izeneko artikuloa dakar. Guztiongan eragina duen arlo honetan datorrenaren aurrerapena eta Marketing munduaren prospektibarekin lotuta.

Marketing mundua astinduko dituzten 5 teknologia aipatzen dira artikuluan. Marketing-era dedikatzen direnak kontutan izan beharko dituztenak:

Internet Data Mining-ak sekulako bultzakada jaso du Interneten zabalkuntzari esker eta merkatu eta bezeroen ezaguera sakona bideratzen du. Etorkizunean, Internet unibertsalagoa egiten den neurrian, indar eta eragin gehiago izango du.

Virtual Worlds edo Mundu birtualak sortzeko teknologia eta aplikazioen aurrerapenei esker asko merketuko dira marketing azterketak, askoz errazago da egoera zehatzen erreproduzioa.

Decision Markets kontzeptua, etorkizuneko merkatuekin, erabaki onenak eta aurreikuspenekin zerikusia handia du. Noren (zein produktu, enpresa edo zerbitzu) alde egingo dugu? zeinek dauka posibilitate gehiago? ...

Neuromarketing-a gogor datorren kontzeptu berria da. Saltzea bezeroa seduzitzea da. Beraz, merkataritzan bezeroaren erosketa gogoa astindu eta bultzatzea da garrantzitsuena. Nola sakatzen dugu Erosi! botoia? Teknika berriak erosketa prozesuan gure burmuinen funtzionamendua nolakoa den ezagutzeko: zer gertatzen da gure burmuinek erostera (edo beste edozein erabaki hartzera) bultzatzen gaituztenean. Hori jakiteko elkarrizketak ez dira nahikoak, marketingera zuzendutako ikerkuntza neurologikoa sortzen ari da.

Teknologia berriei esker Jokabide eta portaeren ezaguera automatizatua (Automated Behavior Recognition) lortzen ari da, marketing ikuspuntutik kontsumitzailearen ezaguera hobea izateko. Ikusi eta ikasi nolako portaera duen kontsumitzailek, baina RFID Radio Frequency Identification teknologiak erabiliz. Hau da, gure jokaeren jarraipen zehatza posiblea da (pelikuletan ikusten dugun bezala) eta erosle mapak egiteko gai izango dira, eroslearen portaera hobeto ezagutuz.

Azken finean, teknologia hauei esker gure kontsumitzaile jokaera ondo ezagutuko dute Marketing gizon-emakumeek eta askoz ere produktu eta zerbitzu egokiagoak eskeiniko dizkigute edo... gure erosketa-erabakiak gero eta gehiago baldintzatzeko tresnak izango dituzte esku artean? Hor dago kezka.

Afrikari buruzko Ikerketa prospektiboa - batez ere frankofon eta anglofono lurraldeei zuzendutakoa - argitaratu dute.

African Futures-en argitaratua: http://www.africanfutures.net

Lau eszenategi izenburu metaforikoekin.

• the lions are trapped ; leoiak arrapatuta
• the lions are hungry ; leoiak goze dira
• the lions come out of their den ; leoiak bere gordelekutik ateratzen dira
• the lions mark their territory. leoiak bere lurraldea markatzen dute

Edo "bestela":http://www.africanfutures.net/af/af2025.htm .

Biharko aurpegiak, The Face of Tomorrow, artea eta antropologia nahasten dituen proiektua da.

Sudafrikan jaiotako Mike Mike artistak gizon eta emakume ezberdinen argazkiak atera ditu munduko hiri ezberdinetan eta morphing softwarearekin toki bakoitzerako aurpegi berriak sortzen ditu: Nahastu eta bataz besteko aurpegiak lortzen ditu gizonezko eta emakumezkoentzat. Ankara, Instanbul eta Damaskon bakarrik gizonezkoen argazkiak hartu zituen.

Normalean sortzen diren aurpegiak erakargarriagoak, xarmangarriagoak dira. Argazkietan agertzen direnen bataz besteko adina 25 urtekoa denez, etorkizunean ezagutuko ditugun aurpegi motak aurreikusteko aukera ematen digute.

Gaur egun mundu osoko 25 hirietako argazkiak daude: Sao Paulo, Sidney, Bogota, Buenos Aires, Hong Kong, Tokyo, Tel Aviv, London, Budapest, .... eta Iruña!

Hemen dituzue proiektuko hiri guztiak

Iruñako etorkizuneko argazkiak dira hemen ageri direnak. Nafarroako Unibertsitatean 20 argazki atera zituzten eta guztiak nahastearen emaitza dira.

Proiektua open source bezala definitzen du artistak. Irekia da, argazkiak nola atera behar diren eta nola gehitu daitezken zehazten du The Face of Tomorrow webgunean .

Gehitua (2004-09-16)

World Changing. Another World is here blogean irakurri dudanez, sareko IDFuel-ek elkarrizketa egin zion atzo albistean aipatzen zen Mike Mike argazkilariari, The (Not So Evil) Face of Globalization izenpean.

Sareko Guardian Unlimited-ek txosten berezia kaleratu du: The World in 2020 izenekoa.

Txosteneko testuak http://www.guardian.co.uk/2020/ helbidean aurkitu daitezke. Futures blogean diotenez paperezko edizioan grafiko eta irudi pila datoz. Baina, testuak behintzat Interneten daude.

Gai ezberdinak The World in 2020 txostenean: Hirien garapena, energia eta petroleoa, aldaketa klimatikoa, ura munduan, ur gabezia eta banaketa, munduaren kontrola eta Txinaren papera, IHESaren garapena Txinan, krisiak, gerrak eta David McKie-n ikuspuntua ...

Hala ere, zenbait gai garrantzitsu faltan daudela iruditzen zait: lan berriak eta lan banaketa, populazioa, ondasun banaketa, enpresa antolakutza, sareak eta sareko lanak, azpiegiturak, garraioak, ingurugiroa, ...

Ikastetxeen Zuzendaritzari buruzko Nazioarteko IV. Biltzarra egingo da egun hauetan Bilbon, Deustuko Unibertsitatean.

Egia esan, trebetasun handia dute jesuitek hezkuntza eta enpresa zuzendaritzan. Munduko Unibertsitate ospetsuenetarikoen artean daude jesuitek kudeatzen dituztenak. Aznar irakasle asoziatu bezala kontratatu duen Georgetown Unibertsitatea barne.

Parentesi artean esan beharra dago Aznarrek irailaren 20an hasten omen dituela Georgetownen Europear Politikari buruzko klaseak, baina ez dakit nola moldatuko dituen Espainako Kongresuko M-11 Ikerketa Komisioan egin beharreko aitorpenak eta klaseak.

Klaseak, fundazioak eta konferentziak ematea ditu orain ogibidetzat. Google addwords en ikusi dut Aznar konferentziantearen iragarkiak, http://www.thinkingheads.com enpresaren eskutik. Hobeto.

Beno, Deustuko Kongresuari bueltatuz, aurten, Berrikuntzarako Zuzendaritza izango da gai nagusia, eta Europatik eta Latinoamerikatik heldutako 160 adituak ikastetxeak ezagutzaren gizartean sartzeko moduaz arituko dira.

Gaia interesantea eta partaidetza ere. Norbait azpimarratzekotan Massachusetts Institute of Technology-ko Peter Senge (Unibertsitatean ezezik, erakundeen aldaketan aditua), Torontoko Unibertsitateko Kenneth Leithwood eta Cardiff-ko Ray Bolam.

Unibertsitateko webgunean - nahiko aldrebesa eta traketsa, eta nere ustez asko hobetu daitekeena - iragarritako albistea

Teknologia transferentzia sustatzeko eta berrikuntza eta teknologia berrietan errekurtsoak eta proiektuak koordinatzeko erakunde berria sortu du Conselleria de Empresa, Universidad y Ciencia delakoak.

"Agencia de Acreditación, Evaluación y Prospectiva" izendatu duten erakunde honekin, Generalitateak gizarte eremu guztietako I+G+B (Ikerketa + Garapena + berrikuntza) programak bultzatzea nahi ditu.

Yahoo Noticias albistegian diotenez, Valentzian sortu nahi duten erakunde berria etorkizuneko proiektuen bideragarritasuna eta aukera berrien azterketa eta ikerketara zuzenduko da.

Erakunde propioen beharra

Ezagueraren gizartean eta edozein lurralderen garapen sozioekonomikoan ikerkuntza, garapena eta berrikuntza programak berebiziko garrantzia dute.

Baina, zoritzarrez orain arte arlo hauek nahiko zentralizatuak izan dira, esate baterako, CSIC-eko ikerkuntza zentru gehienak Madrilen daude edo, beste askok bezala, Euskal Autonomia Erkidegoak ez ditu ikerketa eta garapenerako konpetentziak transferituak.

Argi dago Valentzian sortutako ekimen hau ezinbesteko deszentralizazioaren bidean doala. Era berean, transferentizak ez izan arren, Jaurlaritzaren azken urteetako lehentasunen artean ikerketa eta garapenera zuzendutako inbertsio portzentaia Europako mailara iristea da.

Ikerkuntza lerro nagusiak Europako Programekin - Research Framework Program delakoekin - adostuak izanik, argi dago edozein lurraldek behar duela bertako enpresetan ikerkuntza bultzatu eta teknologia transferentzia errazteko erakunde propioak.

Albistea gazteleraz:Nueva Agencia de Acreditacion, Evaluacion y Prospectiva en Valencia

Enpresa eta erakundeen kultura, lehentasunak eta ohiturak oso ezberdinak dira. Erakunde batetik bestera aldaketa asko dago, baina Line56 taldearen albistegi elektronikoan argitaratutako Intranet Trends to Watch For artikuluaren arabera, hurrengo urteetarako Intranet joera amankomun batzuk azpimarra daitezke.

Argi dago ondorioak Ipar Amerikako erakunde eta enpresen esperientzietatik daudela hartuak, eta ez hemengoak, baina hala ere, hona hemen laburtuta aipatzen diren joerak:

• Intranetak berriz sailen edo azpisailen eskura bueltatuko dira (garai batean enpresa edo erakunde osorako zentralizatzeko joera eman zen)
• Espedienteen kudeaketa eta sail legalak inplikatu egingo dira intranetetan, orain arte ez bezala.
• Enpresako lankide guztiak editatzen inplikatuko dira, edo inplikatu beharko lukete.
• Intraneta ez da gehiago izango telefonoen gida korporatibo hutsa (enpresa askotan hori izanda Intranet izarra, erabilera bakarra). Baina hori aldatu egingo da eta aplikazioek indarra hartuko dute
• Erraza ez izan arren, ezagueraren kudeaketarako tresna bihurtuko da Intraneta.
• Informazioa momentuan, azkar (real-time information) ezartzeak, gero eta garrantzi gehiago izango du. Enpresako beste makinek informazio sistemek ematen digutena.
• Intranetetik informazioa berreskuratzea oraindik ere arazoak emango ditu, baina egoera hoberuntz egingo du. (Gaur egun erabiltzaileen %40ak arazoak ditu Intranetetan informazioa bilatzerakoan
• Kontutan izanik zenbat denbora ematen den Intraneten aurrean, estetikak eta erabilgarritasunak garrantzi gehiago hartuko du.

Informazioaren Gizarteari buruzko azken inkestatik - IGI enpresak delakoa - ataratako datuen arabera, EAE-n 10 langile baino gehiago duten enpresen ia %90ak konektatuak daude Internetera, eta gainera asko dira intranetak ezarrita dituztenak, baina potentzialki oso eraginkorrak izan arren (informazioa, ezaguera kudeaketa, proiektuen jarraipena, errekurtsoen kudeaketa, ...) askoren iritziz Intraneten erabilera oraindik oso urria da.

Azken hilebeteetan CodeSyntax -en Intranetak garatzeko Software libreko tresna interesgarria lantzen eta euskaratzen gabiltza. Baina, tresna teknikoki ezin hobea izan arren, erabilera bultzatzea eta onura guztia ateratzean dago gakoa!

Normalean Prospektiba erakundeen estrategia eta etorkizunari buruzko hausnarketan erabili izan da. Normalean, epe luzeari begira hartu behar diren erabakietan lagungarri gisa: plangintza estratejikoan, alegia.

Egon badira Prospektiba Marketingarekin lotu izan duten autoreak. Esate baterako, Marketingeko guru den Jean-Jacques Lambin-ek bere Marketing Estrategico (Mc Graw Hill) liburuan (Le Marketing Estrategique originalean) kapituloa eskaintzen dio behintzat nik dudan espainolezko hirugarren edizioan: Necesidad de un enfoque integrado: el metodo de los escenarios (281 orrialdean et.)

Gaur aurkitu dut beste aipamen bat erdi-ertain epera zuzendutako marketinga prospektibarekin lotzen duena: Perspective (s) d une prospective client artikuluan.

Duela ez asko Bilbon egon zen Lambin-ek erreferentziako merkatuaren erakargarritasunaren azterketarako proposatzen du prospektiba eta eszenategien metodoaren erabilera.

Aldiz, egia esateko gehiegi sakondu ez arren eta era apur bat nahasi erabiliz, Denis -en webgunean aurkitutako erreferentziak bezeroarengan jartzen du arreta. Denis-en eritziz prospektibak orain arte kontutan izan ez duena:

"De fait dans les analyses, le client est quasi - inexistant ou considéré comme un simple acteur de la demande et résumé sour le terme consommateur au sens économique du terme et non marketing".

"La perspective d’un client dynamique, complexe, proteïforme n’est donc pas intégré dans les analyses qui sont de ce point de vue quelque peu réductrices."

Azken honetan, konplexutasunean, eta epe luzeari eta merkatura begira egindako hausnarketak bat egitearen beharrean jartzen du arreta.

A suivre....

Berrikuntza eta sorkuntza ez omen datoz eremu konkretu batean egindako sakontze lanetik: arlo, ideia, kontzeptu, disziplina eta kultura ezberdinen gurutzagunearen emaitza da. Berrikuntza sortzen duen enfoke nahasketa horri, Frans Johansson-ek Medici efektua deitzen dio.

Irudian ageri den The Medici Effect liburua ez dut irakurri (aipamenak eta egilearen bloga ikusi, bai), baina autorearen arabera berrikuntza ez dator hainbeste industria sektore kontretu baten barnetik edo ezagueraren disziplina konkretu batetik, baizik eta, gero eta gehiago, askoren elkargunetik. Hau da, Medici efektuaren fruitua da.

Ez da ideia guztiz berria. Enpresetan edo erakundeetan diziplina eta kultura ezberdinetatik datorren jendea elkartzeak dakarren onurak aspaldidanik goraipatu izan dira. Disziplina aniztasunaren eta kultur aniztasunaren aberastasunaren defendatzaileen zerrenda luzea da. Enfoke honek enpresa kudeaketa eta estrategian, esate baterako pertsonal eremuan, eragin zuzena du.

Baina, izen berria asmatu du Frans Johanssonek eta berrikuntzaren sorrerarekin eta kreatibitatearekin lotzea asmatu du. Psikologia, ekonomia eta enpresen kudeaketa arloetan larregi jorratu ez den ikuspuntua. Beraz, meritoa du.

Gainera, Harvard Business School-ak, HBS Working Knowledge aldizkari elektronikoan, arreta eskaintzen dio Johansson ikasle ohiaren liburuari.

Eta azken boladan normala bihurtzen ari den bezala liburuaren osagarri garrantzitsuak Interneten:

1. Liburu berriak webgunea du: http://www.themedicieffect.com
2. Johanssonek liburuari buruzko weblog-a dauka: Stories From the Intersection Stories about breakthrough insights at the intersection of fields, disciplines and cultures based on my new book The Medici Effect
3. Promozioaren osagarri gisa, egileak mezuak bidaltzen ditu beste blog batzuetara bere libuaren berri emanez.
4. Liburua Interneten saltzen da. Eta ez toki bakarrean, The Medici Effect Amazon Interneteko liburudenda generalistan aurkitu dezakegu edo Interneteko ekonomia eta enpresa liburudenda espezializatuetan: esate baterako, The Economist edo Harvard Business Online famatuetan.

Hau da, Internetek protagonismo handia hartzen ari du liburuen promozioan.

Filmekin gertatu zen bezala, liburuak argitaratzearekin batera promoziorako weba edo bloga sortzea normala bilakatu da.

Egun hauetan Prospectiva Madrid 2014 mintegia egiten ari dira, datozen 10 urteetan Comunidad de Madrid delakoaren garapenerako aukera egokienak aztertu nahiean.

Zazpi hilabete iraungo duen proiektuak hiru fase nagusi ditu: lehenengoa Madrilgo ekonomia egoera eta aurreikuspenen azterketa, bigarrena hamar urteko epean eman daitezken eszenategiei buruzko hausnarketa eta hirugarrenean emaitzak eta estrategiak azaldu.

Gaur lehendabizikoa aurkeztu dute , eta fase honetan nazioarteko ingurunea eta inguruko erregioak, garapen ekonomikoa, demografia eta migrazioak, bizitza kalitatea, azpiegitura eta proiektuak (Joko Olinpikoak barne), sektore produktibo nagusiak eta teknologia berriak aztertu dituzte.

Prospectiva Madrid 2014 eta lurralde prospektiba

Ikerketaren ardura Universidad Antonio de Nebrija -k izango du, Emilio Fontela-ren gidaritzapean, eta prospektiba arloan ezagunak diren beste aditu eta erakunde batzuen laguntzarekin: Futuribles erakundeko Hugues de Jouvenel, Centro de Estudios Económicos Tomillo (CEET), Centro de Predicciones Económicas (CEPREDE) edo COTEC Fundazioarena, esate baterako.

Orain eszenategien hausnarketari ekingo diote. Normalean, lurralde batentzat posible diren eszenategi guztiak edo gehienak kontutan izaten dira prospektiba azterketetan, gero adierazgarrienak edo kontutan izan beharrezkoenak sakonago aztertzeko.

Gipuzkoa 2020 hausnarketa estrategikoan, beste hipotesi askoren artean eta azkenean baztertua izan arren, egoera politikoaren bilakaeraren arabera 2020 urtean Gipuzkoa Foru lurraldea - ondasun eta legedi konpetentziarik gabekoa, Batzar nagusirik gabekoa, ... -, izan ez zitekeela planteiatu genuen.

Planteiatuko dute Madrid 2014 ikerketan, hipotesi bezala sikiera, Madril estatu deszentralizatuago baten hiriburua izan daitekela? Beraz azpiegitura eta zerbitzuen hazkunde tasa murrizketa handiarekin? Gaur egun baino lurralde txikiagoa duen estatu baten hiriburua izan daitekela? EU-ren luzapenarekin pisu gutxiago izan dezakela Europa barnean? Ikerketa zuzentzen duten batzuk ezagunak ditut, saiatuko naiz txostenak lortzen... gustora irakurtzekoak, seguru.

Eguneratua 2005/03/07

Gaur egun, ikerketaren izena Prospectiva Madrid 2015 da. Eszenategien urte-muga edo epea aldatu egin da, 2014tik, 2015era pasatuz.

Battelle Institutoa 1929 urtean sortu zen AEBetan, administrazio eta enpreseentzat teknologia eta produktu berriak garatzeko. Gaur egun, 7.500 enplegatu eta 60 egoitza ditu Estatu Batuetan eta bat Europan, Geneve edo Ginebran.

Battelle -ek Prospektiba Teknologikoa (Technology Forecast, terminoa erabiltzen dute) lantzen du eta teknologia eta produktuen arloan etorkizunari buruzko aurreikuspenak argitaratzen ditu noizeanbehin.

Horrela, 2020 urteari begira 10 Teknologia Estrategikoen zerrenda egin du, Strategic Technologies by 2020 izenpean. Battellek duen ospea eta eskarmentuagatik baino ez bada, kontutan izatekoak.

Orijinala laburtzen saiatuz, hauek dira aipatutako 10 arlo edo teknologia estrategikoak:

1. Genetikan oinarritutako medikuntza eta osasuna
2. Potentzia handiko energia biltegiratzea
3. GrinTech (Green Integrated Technology). Ingurugiroa zaintzeko teknologia integratuak edo.
4. Konputazioaren nonahikotasun.
5. Nanomakinak
6. Garraio publiko pertsonalizatua
7. Janari eta uztaldi diseinua
8. Merkantzia inteligenteak
9. Ur merke eta kutsatu gabekoa mundu osoan
10. Super sentsoreak

Ikusten denez, teknologiak eta esparru teknologiko-estrategikoak dira aztergai, baina Battellen badituzte beste arlo batzuetara zuzendutako aurreikuspenak: energia, kontsumoa, etxeak, osasuna etxean, ...

Informazioa eta ezagueraren trukaketarako eredu libreen inguruko eztabaida jasotzen duen artikulua argitaratu dute frantziako CNRS (Centre national de la recherche scientifique ) -ren menpean dagoen @rchive SIC Archive Ouverte en Sciences de l'Information et de la Communication iniziatibaren webgunean.

Artikuluaren titulua Libre acces a l'information scientifique et technique: etat de l'art et perspectives esanguratsua da, eta duela gutxi argitaratu zuten Les modeles libres pour l'acces a l'information artikuluaren jarraipena litzateke.

Gaia pil-pilean dago eta, orain arte, gure inguruan jakimin handia sortzea lortu ez badu, mundu osoan eztabaidatzen eta ikertzen ari da.

Open Archives Initiative

Ikertzaile, ikertzaileen komunitate, editore, liburutegi edo informazio eta dokumentazioko zentru eta profesionalentzat, ezaguera eta informazioen zabalkuntzaren etorkizunari dagokionez, eredu libreen garapena erronka nagusia da.

ICSTI -k (International Council for Scientific and Technical Information ), informazio zientifiko teknikoa publikoa izan behar duela argi eta garbi defendatzen du.

Aipatutako artikuluan Parisen egindako jardunaldien laburpena egiten da eta informazioa libreki trukatzearen inguruko gai interesgarriak ukitzen dira.

Esate baterako, Open Archives Initiative protokoloa, metadatoen bilketari dagokiona, sakon eztabaidatu zen jardunaldietan.

Open Archives Initiative -k zerbitzari edo informazio hornitzaile ezberdinetan bilaketak egite errazten ditu, interface edo sistema bakarra erabiltzerakoan, gero informazio osorako libre akzesoa izan, edo ez izan, berdin delarik.

Merkea, erabiltzeko erraza, flexiblea eta oso azkarra dela azpimarratzen da. Figaro (Federated Initiative of GAp and Roquade) bezalako Proiektu Europearrak, unibertsitaterako edizio digitalerako eredua proposatzen duena, OAI protokoloa erabiltzen du.

CodeSyntax eta Deli taldeak Open Archives Initiative protolokoan oinarritutako Open Archive Cataloger edo OAC proiektua lantzen ari gara, horregatik interesgarria iruditu zaizkit Parisen izandako jardunaldi hauek.

Aipatutako erakunde edo aktore guztientzat Open Archives Initiative-ren erabilerak ez du inolako eragozpen teknikorik. Izan ere, OAI-k ikertzaile, editore, liburutegi, informazio profesionalentzat,... onura handiak ekar ditzake. Baina, funtzionamendu moduaren aldaketak suposatzen ditu: konpartitzearen onurak ikustea, zerbitzu berriak eskaintzearen aukera, paperak definitzea,...

Artikuluan ondo esaten den bezala:

"Les consiquences du recours ` ce protocole pour les institutions, les bibliothhques et les chercheurs ont iti ivoquies, pour dimontrer surtout l'iliment perturbateur, au sens positif du terme, qu'il a pu reprisenter, obligeant ` repenser le mode de fonctionnement et ` clarifier, voire redifinir, le rtle de chacun. En effet, si l'utilisation de cet outil ne pose pas de problhme majeur, il en pose bien plus lorsqu'il s'agit d'initier un changement culturel, poussant ` innover dans la proposition de services."

BioMed Central

BioMed Central aipatzen da Open Archives Initiative-ren erabilera onaren adibide moduan.

BioMed Central-ek Medikuntza eta Biologiari zuzendutako argitalpenak batzen ditu. Egun, 100 aldizkari zientifiko baino gehiago ditu eta The Faculty of 1000 Evaluation zerbitzua gehituta dauka. Ebaluaketa sistema honen bitartez artikuluen kalitatea, interesgarritasuna, edo berrikuntza maila ebaluatu egiten da

Baina, beharbada etorkizunari begira erabilgarriena BioMed Central and the Open Archives Initiative atalean aurkitu daiteke. Hau da, nola BioMed Centralek OAI protokoloa erabiliz informazioa eta artikuluen erreferentzien banaketa eta zabalkuntza egiten duen

Hauek dira banaketarako helbideak:

http://www.biomedcentral.com/oai/2.0/ (gomendatua)

http://www.biomedcentral.com/oai/1.1/

http://www.biomedcentral.com/oai/1.0/

Funtzionalitate hauei esker edozeinek aurki dezake BioMed Centralen dagoena, webgunea bisitatu gabe!

Ez da egoera bat, baizik eta Ezagueraren Gizartearen Prospektiba proiektu baten izena. EUFORIA, Knowledge Society Foresight.

Horrela izendatu zuen Dublinen egoitza duen Bizitza eta Lan Baldintzen Kalitatearen Hobekuntzarako Europear Fundazioak etorkizuneko ezagueraren gizarteak dakarkiguna aurreikusi nahiean egin den prospektiba proiektua.

Proiektuan landutako txosten ezberdinak eta azpiproiektu guztiak - Delphi azterketak, lurraldeetako txostenak, eta abar-, Manchester Unibertsitateko webgune bakarrean batu dituzte: Knowledge Society Foresight Reports atalean.

FUTURIST UPDATE, News & Previews from the World Future Society. October 2004 (Vol. 5, No. 10) aldizkariaren urriko zenbakiaren laburpena sarean dago.

Aipatutako ONLINE bertsioa http://www.wfs.org/futupoct04.htm helbidean dago.

Urriko alearen artikulu nagusiak honako hauek dira:

• Predicting Innovations (lotura )
• Homeschools as Solution to Violence? (lotura)
• Beware of Happy Workers (lotura)
• Cultural Revolution Needed for Foresight (lotura)
• Click of the Month, edo hileko lotura: FutureLife , Suizako familia bat etorkizuneko etxean...

Era berean, deialdia egiten da World Future Society's 2005 annual meeting, WorldFuture 2005 jardunaldietarako ponentziak aurkezteko. Chicago-n izango da, datorren urteko uztailaren 29tik 31ra.

Zenbaki interesgarria, mamitsua eta ondo egina Business Week online aldizkarian: The Innovation Economy izeneko ale berezia.

Aipagarriak argazki eta testu errotan antolatuta dauden Argazki saiakerak. Horrelako sei saiakera edo Photo Essay daude . Denak gomendagarriak, (argazki errotaren abiadura norberak egokitu dezake), baina neretzat bereziki hauek:

• The Best of What's New
• Idea Factories
• Lessons from SciFi

Beste atal eta artikulu interesgarri asko, berritzaileekin elkarrizketak eta berritzaileen bio-ak zenbaki berezirako eginak eta azken boladan interneterako pilatzen joan direnak.

Gertuago etorriz, baina berrikuntza gaiaren inguruan, gaur EuskoNews-k pare bat artikulu kaleratu ditu:

• Teresa Salak Mikel Navarro ri egiten dion elkarrizketa: Zientzia da bultzatu behar duguna: unibertsitateak berritu, abangoardiako taldeak sortu, zentro teknologikoen egitura aberastu dio Mikelek. Mikel Navarro eta Mikel Buesa Sistema de Innovación y Competitividad en el País Vasco txostenaren egile nagusiak dira.
• Mari Jose Aranguren irakaslearen artikulua Ekintzailetasuna Euskal Autonomia Erkidegoan izenekoa.

Mikel Navarro eta Marijo Aranguren Deustuko Unibertsitateko, Ekonomia eta Enpresa Zientzien Fakultatea, ESTE-ko, irakasleak dira.

Oharra: argazkikoa Business Week aldizkariaren 1929 urteko azala da, irailaren 7koa. Duela 75 urte!!

Larunbatean Mateo Guilabert kazetari eibartar jubilatuarekin topo egin nuen bidai batean.

Mateo jubilatua dago, baina geldirik ez. Hamaika proiektu eta zereginetan sartuta dago. Besteak beste, ostegunean e-Gipuzkoa planaren aurkezpen batean parte hartu zuela kontatu zidan: Infoinklusioa. Informazioaren gizartea pertsona guztientzat . Eta IKT-ei esker Mateoren parte hartzearen bideoa ikusi eta entzuteko aukera dugu. (Real Player instalatua izanez gero eta sarearen konjestioa larregizkoa ez bada behinik behin)

Kontua da Mateok Izarbide proiektuan parte hartzen duela .

Izarbide, Gipuzkoako borondatzezko adinekoen informatika arloko elkartea da. Zazpi herritan dauden zortzi zentro osatzen dute Izarbide sarea: Donostia (2), Irun, Errenteria, Bergara, Legazpi, Eibar eta Zumaian.

Baina bazuen kexa bat Mateok: Catalunyatik etorritako La Caixa aurrezki kutxak Izarbide zentruak ordenagailuekin hornitu eta monitoreak ordainduz bultzatu dituela. Aldiz, neurri handian Foru Aldundiaren menpe dagoen Kutxa-k ez dietela batere laguntzen. Kexa doblea Mateoren esanetan, eibartar moduan, Wenceslao Orbea eibartarrak Caja de Ahorros Provincial delakoa (gaur Kutxa) fundatu zuelako.

Infoesklusioaren aurkako borroka, baztertze dijitalaren aurkakoa, garrantzia handia du. Zaharrak gero eta gehiago dira eta bizitza itxaropena gero eta luzeagoa da, beraz pixu handia dute gizartean. Txalotzekoa batez ere jubilatuen artean egindako elkartea eta batzuk besteak laguntzeko duten kemena.

Baina, Teknologia Berriak eta Informazioaren gizartea pertsona guztiei ailegarazten esfortzu handia egin behar du gizarte osoak, aurrezki kutxek barne. Zaharrekin edo emakumeekin egiten duten bezala, La Caixak edo bestelako aurrezki kutxek baztertze sozialaren arriskuan dauden gazteekin egin beharreko ahalegin horretan lagundu beharko lukete. Etorkizunari begira garrantzitsuagoa dirudi.

Ingurumen Adimenak etorkizunean bizitza, lanean edo ikerketetan eragina izango duelakoan, Zamudion, Bizkaiko Teknologia Parkean, gaiaren inguruan antolatu den jardunaldian izan naiz.

Ingurumen adimen kontzeptua zientzia fikzioa dirudien arren, nazioarte mailan, eta ikasketa zein industria eta gobernu mailako ikerketa eta garapen esparruetan hori errealitate bilakatzeko lan handiak egiten ari dira.

Batzuren iritzian Teknologia Berria baino gehiago, enfoke berria edo hitz berria baino ez da.

Nere ustez, gehienbat kontzeptu eta enfoke berria dago Ingurumen Adimenaren atzean. Erabiltzailea, gizakia, animalia, taldea, ... hausnarketa teknologikoaren erdian ipini eta hortik aurrera garatu.

Egia esan, mundu osan zehar ahalegin handiak eta ikerketa sakonak egiten ari dira eremu berri honen inguruan. Gaur aurkeztu dira batzuk:

Media Lab Massachusetts Institute of Technology (MIT)

Errefentzia ugari aurkitu daitezke Media Lab Massachusetts Institute of Technology webgunean. Walter Bender jaunak Ambient Intelligence (ingurumen-adimena) ahalbidetu eta ezartzearen inguruan hitz egin du.

Bere hitzaldiko aipamen batzuk baino ez: ikerketetan makinei eta makinekin ditugun harremanetan sare organikoak, afektoa edo zentzua izatea kontutan hartzen ari dira. Proiektu eta adibide asko. Arreta berezia jarri dut The Open Mind Commonsense proiektuan, sare semantikoak sortzen ari direnez.

Fraunhofer-Institute for Computer Graphics

ISTAG , INI-GraphicsNet eta Fraunhofer-Institute for Computer Graphics -eko presidentea den Jose Luis Encarnaçao irakasleak Ambient Intelligence (ingurumen-adimena) FP7an hau da hurrengo Europar Ikerkuntza Programa Nagusian (framework programme) gaiari buruz hitz egin du.

Hasieran aipatutako kontzeptuetan jarri du arreta Encarnaçao-k: erabiltzailea erdian jartzean, erabilgarritasuna eta irisgarritasunaren garrantzian. Zerbait aipatzekotan Pervasive Computing ak, edo inguruan ditugun objektu guztien konputazioak (etxeko tresnak, autoak, telefonoak, jantziak, ...), hartuko duen garrantzia.

Ingurumen adimena Euskal Ikerketan

Azkenik Ingurumen adimenak Euskal Ikerketa zentruetan duen garapenari buruz hitzegin da, eta honako hauek parte hartu dute:

Segurtasuna, Konfiantza eta Pribatutasuna Inguru Adimenduetan Ana Ayerbe and. ROBOTIKER INFOTECH-TECNALIAko zuzendaria

Inguru Adimenduekiko Elkarrekintza Naturala Julián Florez jn. Zuzendari Nagusia. VICONTECH

Elkarrekiko sistema operagarriak. Konektatzeko gaitasunetik harantz. D. Sergio Bandinelli jn. ESI-TECNALIA Egitasmo Arloko zuzendaria

Ezagutza Inguru Adimenduen oinarri Eduardo García jn. LABEIN-TECNALIA. I+Gko arduraduna informazio-sistema aurreratuetan

Jardunaldi osoaren informazioa

Sustatu -ko erreferentzia.

Erreferentzia gazteleraz

Egun gutxi barru, urriaren 26an, Ikerlan ikerketa zentroaren 30. urteurrena delako jardunaldia egingo da Donostian: Berrikuntza Lehiakortasunaren Motorea izenpean

Bertan, Philips Research Labs -eko Evert. J. Van Loenen Ingurune Adimenari buruz hitz egingo du.

Goizeko 11etatik aurrera, Ikerlan-en 30 urteurrena dela eta, jardunaldia Kursaal Jauregian:

Berrikuntza lehiakortasunaren motorea

Oharra: jardunaldia ez da irekia, gonbidapean baizik

Egitaraua

• Ongi Etorria: Txomin García, Ikerlan Iñaki Telletxea, Eusko Jaurlaritza
• IKERLAN: IRAGANA, PRESENTEA eta ETORKIZUNA Carlos Redondo, Ikerlan
• INGURUNE ADIMENA Evert. J. Van Loenen, Philips Research Labs
• BERRIKUNTZA eta TEKNOLOGIA ZENTROAK. Pablo Mongelos,
• BERRIKUNTZA eta ENPRESA GARAPENA. Jesús Catania
• AMAIERA Joaquín Villa

Sustatu -ko erreferentzia.

Erreferentzia gazteleraz

OCS , Observatorio para la Cibersociedad delakoak antolatzen du: II Congres ONLINE OCS: Cap a quina societat del coneixement?

Kongresuaren berezitasuna OnLine izatea da. Hau da, parte hartzea Internet bidez.

Gainera, kongresuan parte hartzea doakoa da, baina nahi izanez gero 36 euroko kuota bat dago eta parte hartzearen agiria bidaliko dizute.

Kongresua lan taldeka antolatuta dago eta normalena lan talde baten apuntatzea da.

Mota guztiko lan taldeak, edozein interes asetzeko. Hona hemen adibide batzuk:

GT-9 - Cibergeografía: territorios y territorialidad

GT-43. Weblogs, ¿un nuevo genéro de comunicación?

GT-88. Digital Media y el apagón analógico del 2012

GT-23. Ciencia, ficción y posmodernidad: metáforas tecnoculturales en la nueva cibersociedad del espectáculo (from `I robot´ to `Matrix´).

GT-41. Creative Commons y su nuevo arte regulativo: hacia un ambientalismo digital en Internet.

GT-91 - Una Sociedad del Conocimiento Accesible para Todos.

GT-87. Software Libre

GT-92 - Conocimiento Compartido y Web Semántica

...

Eta abar luzea. Onena bakoitzak bere gustokoa aurkitzea.

Zibergizartearen Behatokiak antolatzen duen On Line Kongresuko lan taldeen artean Hizkuntza Katalana Ezaguera Gizartean izeneko taldea dago: GT-86 - La llengua catalana a la Societat del Coneixement .

Taldearen aurkezpenean hausnarketa interesgarriak iragartzen dira: Ezagueraren gizartea ez dela elebakarra, hizkuntza katalanak teknologia berrien aldeko apostua egin duela, erronka dela etorkizunean katalana nola egokitu eta egokituko den Teknologia Berriei, eta abar. Aztertuko dituzten proiektuak edo lanak hauek dira:

• traducció de programes (tecnologia)
• premsa digital (comunicació)
• docència en línia de català (ensenyament)
• associacions pro-llengua catalana a Internet (foment de la llengua)
• projectes de recerca d'universitats sobre llengua i NNTT (investigació)
• innovació terminològica (normativa lingüística)
• treballs sobre llengua que s'usa als nous sistemes de comunicació: sms, missatgeria instantània, xat, email, etc. (vitalitat de la llengua)
• i qualsevol altre iniciativa unipersonal, grupal o institucional de recerca vinculada a la llengua catalana i Societat del Coneixement.

Itzulpen automatikoa kongresuan

Bestalde, hauxe da Hizkuntza Katalana Ezaguera Gizartean taldearen aurkezpen orrian aurkitu daiteken oharra: (gaztelerazkoa kopiatzen dut)

"La organización del congreso garantiza la traducción automática de todas las comunicaciones entre el catalán, castellano e inglés en todas las direcciones, gracias a Comprendium. Por este motivo animamos a usar la lengua catalana a quien la tenga como propia."

Katalanek garatuta dituzte itzulpen automatikorako sistemak eta, esate baterako, prentsa idatzian edo Interneten erabiltzen dituzte. Hizkuntzaren egitura dela eta, gu baino dexente errazago dute.

Jaurlaritzak Euskarak garapen teknolinguistikoan dituen erronken artean kokatzen du itzulpen automatikoa . Baina ez da izango erronka erraza, euskararekin emaitzak lortzeko asko landu eta frogatu beharreko sistemek beharko ditugu.

Arratsaldean Telebistan Bakarrik etxean pelikula egin zuen aktorearen Ume aberatsa edo Richie Rich filmaren zati bat ikusi dut. Bertan, miloiak balio duen erle mekanikoa agertu da.

Sarritan, teknologiaren bidez natura imitatzen saiatzen gara. Eta eredu biologikoak jarraitzen dituzten robotak asmatzen ditugu: "argot-ean" Robot biomimetikoak bezala ezagutzen dira.

iSprawl, familia hortako lehen robot autonomoa. 11 zm ditu.(Argazkia: Center for Design Research at Stanford University via Roland Piquepaille's Technology Trends)

Gaur, gaiari buruzko artikulu interesgarri batean aipatzen ziren robot mota hauek Roland Piquepaille's Technology Trends blogean. Bertan ageri dira hainbat Biomimetic Robot edo Robot biomimetiko ezberdinak.

Stanford Unibertsitatean, U.C. Berkeley, Harvard eta Johns Hopkins Unibertsitateekin batera, the Biomimetic Robotics MURI programa izan zuten. Gaur egun, RiSE (Robots in Scansorial Environments) programa izatera pasatu dutena, baina robot biomimetikoak lantzen jarraitzen dute. (ah! Standforden ere, "Wikiak" ikerkuntza proiektuetarako :-) )

Ez dakit noraino den egia, baina sarean komentatzen da amerikar zientzialariek normalean zomorro itxura ematen dizkietela asmatzen dituzten robotei, aldiz japoniarrek gizaki itxura emateko joera dute. Kafka eta Samuraien eragina? Lortuko dute Asierren txorien itxurarik hartzea?

Sustatuko Jamaika atalean Software Sozialari buruz Joxe Aranzabalek eta beste hamaika lagunek gehitutako artikulu interesgarria ikusi dut: Tracing the Evolution of Social Software

Software soziala kontzeptuaren bilakaeraren azterketa egiten da artikuluan. Baina, bilakaera ezezik etorkizunari buruzko gogoetatxo interesgarria ere egiten da artikuluan: 2010 — Future Thoughts on Social Software.

Laburbilduz: Software sozialaren etorkizunetaz kezkatuta agertzen da egilea. Terminologikoki eta kontzeptualki onarpena eta abegi ona lortzeko hainbeste borrokatu duen Software Sozialak, ez ote den bukatuko, uselessness edo groupware legez, produktu, izen edo marka komertzial hutsa izaten beldur da Christopher Allen .

Zorionez, beste ikuspuntu batzuetatik Ezagueraren kudeaketarekin , erakunde ikasketarekin edo elkarlanaren kulturarekin lotu dute Software sozialaren etorkizuna.

Gehituta: 2004/10/18

Erantzunetan adierazten didaten bezala, Blog komunitate honetan Gizarte-softwarearen garaia. Ezagutzaren kudeaketari deitzeko modu berriak izeneko artikulua idatzi zuen Luistxok bere blogean duela hilebete batzuk.

Hausnarketa orokorra kontzeptu bien arteko loturari buruz eta adibide praktikoarekin gainera.

CIO aldizkariko elkarrizketa honetan Ray Kurzweil-ek dio egunen batean softwarea eta konputagailuak gure barnean izango ditugula. Eta ez hain urruti. 2020 urterako burmuinetan Nanobot-ak aurreikusten ditu Kurzweilek gure neuronekin harremanetan. uff!

Kurzweileren ustetan, makinak eta gizakiok bat egingo dugu, fusionatu. Informazio teknologia sailak goitik behera aldatu egingo dira. Ez dugu izango konputagailu gehiago mahai gainetan.

Etorkizun harrigarria ezta? Baina ez da aurreikusten eta esaten duen gauza bakarra. Bere esanetan, 2030 urtean biologikoki oso alde txikia izango omen da 30 urte eta 120 urteko jendearen artean!

Zientzia fikzioa? Ezagutuko dugun errealitatea?

Ray Kurzweil -ek lehen irakurle optikoen teknologian, lehen testu ahots sintetizadoreak, musika digitala edo ahotsa errekonozitzeko sistemen ikerketetan, ... ibilitakoa da. Famatua teknologia gaietan eta inbentore moduan. Beraz, Informazio Teknologien mundu hori ezagutzen du.

Ados ez egon arren, elkarrizketan gauza interesgarriak esaten ditu, baina sarean komentatzen duten legez, ez dakit nik oso normala den egunero 250 gehigarri dietekikoak hartzea norberaren gorputzaren biokimika ber-programatzeko eta urte batzuk gazteago emateko!

Aurrerago aipatu zen blog honetan Neuromarketing-a, etorkizunean marketing-a astinduko dituzten teknologia eta joeren artean, baina...

erreala da neuromarketina?

Aurreragoko blog sarreran horretan aipatzen zen CMO aldizkariko Future Shock artikulutik aparte, The Economist, New Scientist edo Newsweek bezalako argitalpen garrantzitsuak gai bezala hartu dute bere artikuluentzat.

Adibidez, Inside the mind of the consumer (Kontsumitsailearen buru barruan, The Economist), They know what you want (Zer nahi duzun dakite, New Scientist), edo Pushing the Buy (Erosketak bultzatzen Newsweek). Beraz, horrelako argitalpenen arreta lortu badu, kontutan izateko gaia dirudi.

Gainera, gure inguruan, aste honetan Zientzia.net, zientzia eta teknologiaren atariak, 7K-tik hartutako artikulua argitaratu du: Neuromarketina: etorkizuneko ogibidea (Ezin eman 7K-ko erreferentzia zuzena, ez bait du Interneteko eremurik).

Ez dakizula zer ikasketa aukeratu? Hemen duzu proposamen bat: neuromarketina. Alegia, garuna ikertzeko erabiltzen diren teknikak marketinean aplikatzea. Kontsumitzailea gauza bat ala bestea erostera zerk bultzatzen duen jakitea da helburua, eta, horretarako, orain arte medikuntzan erabili diren teknikez baliatzen ari dira. Gurea kontsumo-gizartea denez, badirudi dezenteko arrakasta izan dezakeela, nahiz eta etikoki eztabaidagarria den batzuentzat, adierazten da artikuluaren sarreran.

Esaten genuen bezala, Neuromarketing-a gogor datorren kontzeptu berria da. Saltzea bezeroa seduzitzea da. Beraz, merkataritzan bezeroaren erosketa gogoa astindu eta bultzatzea da garrantzitsuena. Nola sakatzen dugu Erosi! botoia? Teknika berriak erosketa prozesuan gure burmuinen funtzionamendua nolakoa den ezagutzeko: zer gertatzen da gure burmuinek erostera (edo beste edozein erabaki hartzera) bultzatzen gaituztenean. Hori jakiteko elkarrizketak ez dira nahikoak, marketingera zuzendutako ikerkuntza neurologikoa sortzen ari da.

Babbage, de Coulomb, Taylor, Fayol, ...-en denboretatik, enpresen kudeaketari ikuspegi zientifikoa (scientific management) ematen saiatu zirenetik, marketina izan daiteke, eta Mintzberg-ek management eta estrategiari buruz dioena salbu, oraindik arte edo arte-lanaren kutsu gehien duen enpresa arloa. Beharbada, neuromarketinak "zientifikotu" egin ditzake zerbait?

Etokizunean ikerketarako eta lanerako eremua izango dela, ezin ukatu.

Lurralde planifikazioan, prospektiba teknologikoan edo enpresa kudeaketan erabiltzen den bezala, eszenategien metodologia gatazken konpoketarako bide bezala erabili izan da. Catalunya aldetik dator metodologiaren erabilera hau.

Horren inguruan ikastaroa iragartzen duen mezua jaso dut gaur. Nuevas metodologías en GAC: del conflicto presente a la construcción del futuro DIALOGO APRECIATIVO Y ESCENARIOS DE FUTURO.

Urteetan Prospektiba aholkularitza egin eta gaiari buruzko ikastaroak eman ditugu. Beti komentatu izan dut askoz errazagoa dela eragileek ados ipintzea etorkizuneko irudi baten inguruan, gaur eguneko egoerari buruzko zerbaitetan baino.

Hau da, egindako lan eta proiektu guztietan parte hartzen duten eragileen artean (politikoak, elkarteak, enpresak, sindikatuak, herritarrak,...) adostasun handiago lortzen da hemendik 15-20 urtera edozein herri, eskualde edo sektorearen etorkizuna nolakoa izan behar duen definitzerakoan, hurrengo egunean hasi egin behar diren herri-lanak definitzerakoan baino.

Ez daukat komisiorik, baina batez ere aipatzen duten Escenarios de futuro delakoen metodologia nere klaseetan erabiltzen dudalako, eta antzerako zerbait saltsetan, esate baterako NIP (Nucleos de Intervencion Participativa) delakoetan, ibili naizelako, ailegatu zaidan ikastaroari propaganda apur bat egiten diot hemen:

Dialogo apreciativo y escenarios de futuro

Fechas: 3, 4 y 5 de noviembre 2004

Lugar: (Córcega 299, entresuelo)

Dirigido a: profesionales de la GAC, con especial dedicación a los ámbitos organizacional, medioambiental y comunitario. Profesionales del mundo empresarial y de la gestión de recursos humanos.

Las herramientas tradicionales de la Gestión Alternativa de Conflictos (mediación, arbitraje, conciliación y negociación, entre otras) diseñadas fundamentalmente a partir de la noción de bipolaridad, parten como supuesto de hecho de la existencia de un conflicto. Sin embargo la práctica de la GAC ha mostrado que las situaciones que se le presentan suelen exceder ese marco: la presencia de más de dos partes y la necesidad de una convivencia sostenida en el tiempo de los implicados muestra la insuficiencia de estas metodologías.

Tanto para estas situaciones como para los casos en los que se hace necesario proyectar el porvenir en contextos de incertidumbre, la metodología conocida como escenarios de futuro y la de los diálogos apreciativos proveen de herramientas nuevas.

Escenarios de futuro es una metodología ampliamente utilizada tanto en situaciones conflictivas dentro de la empresa (es ya tradicional el esquema de escenarios de Shell) como para la gestión de conflictos medioambientales y comunitarios donde se hace necesario trascender (resolviendo) el conflicto presente, para dar salida a la necesidad de proyección de los grupos involucrados. Se parte aquí del conflicto para ingresar, planificando, en el futuro.

Diálogo Apreciativo es la herramienta diseñada para atender situaciones donde no aparece un punto conflictivo, pero que se desenvuelve en un contexto crítico de inestabilidad (real o percibida) y de cambio que dificulta la capacidad de planificar de la organización, población o barrio. Es ideal para la gestión interna de empresas, asociaciones o grupos cohesionados en torno a un objetivo, y en ocasiones, sirve para la construcción y/o el fortalecimiento de actores que después serán parte de la resolución de un conflicto. En este sentido, su valor preventivo es indudable.

Ponts de Mediacio, como asociación de asociaciones, tiene entre sus misiones impulsar la introducción de nuevas tecnologías de resolución, que como tales aún no están lo suficientemente difundidas en nuestro medio. A partir de la propuesta de Visión Compartida, Ponts asume esa responsabilidad, que constituye a su vez en una oportunidad para transmitir a nuestros asociados un know-how que les aportará una nota diferencial respecto de otras personas dedicadas profesionalmente a la gestión de conflictos.

Profesorado y coordinación: Iago de Balanzó, Sergio Abrevaya (profesores), Gabriela Rodriguez Fernandez (coordinación)

Estructura del curso: tres mañanas y dos tardes.

Mañana día 1: Los conflictos multipartes en los ámbitos organizacional, medioambiental y comunitario.

Tarde día 1: Del conflicto al futuro: escenarios de futuro.

Mañana día 2: Tratando un caso con escenarios de futuro.

Tarde día 2: De la incertidumbre a la concreción de los sueños: diálogo apreciativo.

Mañana día 3: Diálogo apreciativo: planeando el futuro en un caso.

Philippe Herbaux ingeniariak Euskadiren egitura sozioekonomikoarekin antzekotasun batzuk dituen Nord-Pas de Calais Frantziako lurralde industrialari buruz egin berri duen azterketaren helburua, lurralde jakin batean eman daitezken aldaketei aurre egiteko eredua proposatzea da.

Ikerketa eskuragarri dago Frantziako CNRS-ren Archive Ouverte en Sciences de l Information et de la Communication zerbitzarian , .pdf formatoan Anticipation des ruptures affectant le territoire - Intelligence territoriale en REGION NORD-PAS DE CALAIS (104 Kb)

Horrela dio laburpenak:

L'incertitude des futurs du territoire oblige à prendre en compte un traitement différent de l'information au sein du local. L'arrêt brutal de site industriel (Métaleurop), l'apparition d'épidémies mortelles de type SRAS (syndrôme respiratoire aigu sévère), l'explosion de l'usine AZF de Toulouse ou encore la multiplication de cas de légionellose font du territoire un lieu des menaces à anticiper.

En retour d'action du plan régional d'intelligence économique Nord-Pas de Calais mis en oeuvre dès 2002, nous proposons une relecture des points d'appui nécessaires à la mise en oeuvre d'un schéma d'intelligence territoriale. Il s'adosse aux travaux que nous avons engagé depuis 2001 avec les acteurs du territoire mais ne prétend pas être un modèle directement transposable. Il expose une démarche de mutualisation des signaux et d'élaboration des conjectures entre les acteurs aptes à déjouer en partie les pièges du futur.

Diagnosia ikusi eta gure Nerbioi Ibaiaren Ezkerraldea etorri zait berehala burura: industria gune baten geldiketa bortitza, arnasa gaixotasunak, lantegi eztanda, etabar.

Interesgarria proposatzen duen, eta irudian ikus daitekeen, tokiko kulturaren garapenerako sailkapena: "spontanee", "pro-active" eta "anticipative". Normalean prospektiban etorkizunarekiko jarrerak sailkatzerakoan erabiltzen direnekin antzekotasun handia dute:

• Jarrera pasiboa: ezer ez egitea
• Jarrera erreaktiboa: su hiltzailearen politika
• Jarrera pre-aktiboa: aldaketei aurrea hartzea
• Jarrera pro-aktiboa: aldaketak norberak eragitea

Herbaux-en lanaren erreferentzia: Anticipation des ruptures affectant le territoire - Intelligence territoriale -. Philippe Herbaux. Communication, Colloque ASRDLF Bruxelles 1 et 2 septembre 2004. Soumis à évaluation.

Egun hauetan, Nazio Batuetako UNECE erakundeak (United Nations Economic Commission for Europe) robotikaren estatistikak, aplikazioa eta epe laburrerako aurreikuspenak jasotzen duen txostena kaleratu du: World Robotics 2004 – Statistics, Market Analysis, Forecast, Case Studies and Profitability.

Txosten horri buruz, web bidez UNECE-k kaleratu duen prentsa oharrean laburpen interesgarriak daude .pdf formatoan. Gaiaren arabera, laburpenak ingelesez, frantsesez, alemanez, italianoz eta espainolez daude.

Robotak industrian

Espainolez dagoen laburpenetik (249 KB .pdf-a formatuan) datu batzuk:

• Robot industrialetan eman den inbertsioak izugarri igo du azken urteetan. Hurrengo 2004-2007 urteetan, Europar Batasunean portzentaia urtero %7a igotzea espero da.
• Robotak gero eta hobeak dira (se produjeron mejoras espectaculares en el rendimiento de los robots - se hicieron más rápidos, más fiables, más exactos, más versátiles y se equiparon con procesadores mas potentes, incluyendo interacción de sensores (sic)), eta askoz merkeagoak dira: hamar urteetan, erlatiboki ia prezio laurdenera jaitsi direlako.
• Langileen soldatekin konparatuz, gero eta merkeagoak dira: En comparacion con la mano de obra, los robots son cada vez más economicos (sic).
• Automozio sektorean eta soldadura eta plastiko moldegintzan dira erabilienak
• Europar Batasunean, Alemania da pertsoneko robot gehien duen lurraldea, baina Japonen gehiago erabiltzen dira.

Otsein berriak: Robotak etxeetan 2007rako

World Robotics 2004 txostenak industriara zuzendutako robotak aztertzen ditu nagusiki, baina era berean roboten erabilera beste eremu batzuetan aipatzen du.

Txostenetik ateratako informazioarekin, ostiralean BBC News-ek Robots set to get homely by 2007 albistea osatzen zuen. Hau da, 2007rako robotak etxeetan laguntzen iragartzen zuen albistea.

Izan ere, World Robotics 2004 txostenaren arabera, 2007 urtean 4,1 miloi robot izango dira etxeetan lanean. Ez dira izango robot humanoideak baina garbiketan, segurtasunean eta aisialdian lagunduko dizkigute, hiru urte barru inteligenteagoak eta merkeagoak bihurtzen direnean.

Robotak paralisia jasan dutenei laguntzeko

Duela gutxi irakurri nuen, oraindik garestiak badira ere, robotak paralisia jasan dutenei laguntzeko erabiltzen hasiak direla. Lehendabiziko esperientziak martxan daude, esate baterako Lokomat sistema suidarrarekin.

Baina esan bezala, oraindik oso garestiak dira: 250.000 dolar robot-sistema bakoitzeko, behintzat Dallas -en erosi dituztenak.

Etorkizunerako joerak

Worl Robotics-ek etzidamurako, 2007rako, egin ditu aurreikuspenak eta, seguruenez, joera areagotu egingo da hurrengo urteetan 2007-2010-2015. Industriarako iragarritako igoera tasarekin, robot parkea erraz bikoiztu daiteke 9-10 urteko epean.

Etorkizunari begira eta etxeei dagokionez, industrian izan duten prezio jaitsierak ikusita, urte gutxitan prestazioak hobeak izango direla aurreikusita eta etxeen merkatua handia dela jakinda, badirudi laster izango ditugula otsein robotizatu berri hauek gure artean.

Baina, nik uste azken finean 2007ko etxeetako robotak , gaur egun erabiltzen dugun tresneriaren hobekuntza logikoa baino ez direla izango.

IKERLAN Ikerkuntza Zentruko Juan Carlos Beitialarrangoitiak idatzitako artikulu interesgarria zabaldu du Ezagutzaren Klusterrak, EAE-ko enpresen berritze-beharra aipatuz.

Besteak beste, Beitialarrangoitiak azaltzen du nola zenbait prospektiba-lanek jasotako joeren arabera, etorkizunean garrantzi handia izango duten berrikuntzaren inguruko funtsezko kontzeptu batzuk eta berritzera bultzatzen duten zenbait egoera aipatu daitezken:

• Zerbitzuaren kontzeptua (produktu hedatua: normalean banatuta egon ohi diren produktuak eta zerbitzuak konbinatzea).
• Balioaren kontzeptu berriak (nola garatu esperientziak bezeroekin).
• Globalizazioa-deslokalizazioa eta balio erantsi handiko produktuen eta teknologien beharra.
• Egonkortasunik gabeko konkurrentzia-egoerak.
• Malgutasuna eta erantzun azkarra etengabeko erronken aurrean.
• Ezagutzan oinarritutako enpresa.

Aurreko mezu batean aipatzen genuen Proaktibotasuna bultzatzeko berrikuntza-ereduak zabaltzeko beharra ikusten du egileak, baina Ikerlanen egindako ikerketetan ikusitakoaren arabera, enpresen beharretarako teorikoegiak dira eredu horiek eta enpresek praktikotasun handiagoko ikuspuntuak bilatzen dituztela.

Beraz, teoria eta praktikotasunaren arteko oreka bilatu beharra dago eta horretarako erreferentzia-ereduak pertsonalizatzea, enpresa bakoitzaren ezaugarrietara egokitzeko, berrikuntza martxan jartzeko metodoa eskaintzea, batez ere enpresen "Oso ondo, baina nola aplika dezaket hori?" galderari erantzuteko, berrikuntza martxan jartzeko, enpresaren estrategiak ezarritako konkurrentzia-bereizgarritasuna indartzea, motibazioa eta enpresa kultura lantzea eta berrikutzaren integrazioa, berrikuntza bultzatzen duten antolaketa, epe luzerako lankidetza-esparruak antolatu edo sensibilizazioareko ekintzak proposatzen ditu.

Berrikuntza Mintegia: Zaintzea, Sormena eta Roadmappinga mintegia.

Sensibilizazio ekintzen artean kokatzen den jardunaldia antolatu du Ikerlanek kontzeptualik aurreratuenak eta enpresetan egindako praktika errealak aurkeztuko diren mintegia, Enpresa-ereduak eta proposamen metodologikoak, alegia.

Mintegia Arrasaten izango da azaroaren 10ean, eta egitarau osoa hemen dago (120 KB .pdf formatoa)

Gaur goizean Enpresa Digitala ekimenaren eskutik, berriro bisitatu digu Internet munduan berritzaile izan den Alfons Cornella fisikalaria. Cornella-k 1995 urtean Extra-net! mezuekin hasi eta gaur egun infonomia.com ekimenaren sortzailetarikoa da. Produktibitate eta berrikuntza sareen inguruan bere esperientzia eta ideien berri eman digu, ordu eta erdiko hitzaldi, beti bezala, interesgarri batean.

Infonomia.com proiektuaren bitartez, azken bi urteetan, teknologia digitalen erabilera azkarragatik nabarmendu direlako, sektore pribatu eta publikoko 120 bat enpresa eta erakunderen kasuak identifikatu eta dokumentatu ondoren, ezaguera handia du Alfons Cornellák enpresa ezberdinetan IT teknologien erabilerari buruz.

Merkatuaren eskaera: enpresa berritzaile eta produktiboak

Merkatuak enpresa berritzaile eta produktiboak eskatzen ditu, baina honek etorkizunean gainditu beharko den kontraesana sortzen du enpresetan: produktibitateak zero akats eskatzen ditu, eta aldiz berrikuntzan arrakastatsua izateko askotan frogak egin, ideia asko sortu, erroreak izan eta behin eta berriro zuzentzea eta hobetzea behar ditugu.

Ondorio garrantzitsua, beraz: argi eta garbi bereiztu behar dira negozioa esplotatzeko (produktibitatearen aldetik) teknologien aplikazioak eta ideia berriak esploratzekoak (berrikuntza aldetik).

Produktibitatea eta Berrikuntzaren iturri ezberdinak

Produktibitatea hobetzeko produktu, tresna edo tecnología asko daude (400 baino gehiago identifikatita dituzte: messenger, IP telefonia - Skype-, etabar) baina ez direnak erabiltzen ez baldin badaude produktibitatea hobetzeko estrategia batean barneratuta.

Aztertutako enpresen ereduak azkar aurkeztuz, berrikuntzak hornitzaileen aldetik (SCM, B2B, logística koordinazioa, merkatu digitalak, inbentario integrazioak), bezeroaren aldetik (B2C, CRM,..), partner-etatik edo empresa barnetik (ERP edo etorkizunean garrantzia hartuko duen PLM – Produktuaren bizitza zikloaren kudeaketa) etor daitezkela aipatu du.

Merkatuak ezberdinak ikusi behar gaitu eta balorea sortu behar dugu

Bestalde, Cornellaren ustez, teknologiak ez dauka garrantzi handiegirik, palanka bat baino ez da. Gaur egun, merkatuak ezberdinak ikusi behar gaitu eta teknologia faktore diferentziatzailea izan badaiteke ere, estrategia da garrantzitsuena.

Beraz, galdera garrantzitsua egin behar diogu gure buruari: zer dakigu ondo egiten? Hortik, etorkizunean zer egin dezakegun ondo jakin ahal izango dugu eta gure ahalmenetan oinarriturik bezeroari balore berria eskein diezaiokegu.

Azken finean, enpresak guztientzat (bezero, enpresa, partner, hornitzaile, ...) balore sorreran fokalisatu behar da. Horretarako, besteen praktika onenetatik ikasi eta norberak ikasteko frogak egin behar dira, ez dago beste biderik.

Ez naiz bereziki musika zalea, baina bazter guztietan entzuten dugu Internet eta musika, top-mantak, pirateoa eta antzerako gaiei buruzko eztabaidak. Eztabaida gehienak bezala, ekonomia eta enpresa inguruko ikerketetan eta aldizkari "serioetan" gaia plazaratzen ari da.

Horregatik, azken boladan Musika eta Internet inguruko eztabaida eta Musika industriako negozio ereduen aldaketak jasotzen duen The Economist aldizkari famatuaren The music industry. Music's brighter future artikulua aipatu behar dagoela uste dut.

Argazkia: The Economist

Argi dago, dio The Economist-ek, Internet zoragarria izango dela musika erosleentzat, baina gaur egun musika merkatua dominatzen duten makro-diskoetxeentzat mehatsu handia da.

Internet Federation of the Phonographic Industry delakoaren datuen arabera, lau enpresen artean, Universal, Sony/BMG, Warner eta EMI, merkatuaren %75a baino gehiago kontrolatzen dute (AEB-n eta Europan %80a baino gehiago) eta diskoetxe independiente guztien artean gainontzeko %25a banatzen dira.

Aipatutako makro-etxeek ez dute, orain arte, Interneterekin ezer jakin nahi, ohizko negozio ereduari eutsi nahi izan diote, baina musika salmentak %20a jaitsi dira 1999 eta 2003 urteen artean.

Azken boladan, pleitu, eztabaidak eta ipini dituzten oztopoei esker, badirudi salmenten etengabeko jaitsiera gelditu egin dela eta, era berean, badirudi Internetetik doan jaitsitako kopia kopurua jaitsi egin dela ere.

Gauzak aldatzen doaz Musika industrian

Dena den The Economist aldizkariak dioenez, diskoetxe handien Internetekiko joera aldatu egin da, batez ere aintzindari izan zen Appleren iTunes eta Ipod-ei esker, makro-diskoetxeetako direktiboek Internetetik jaitsitako musika ordaindu egingo dela uste omen dutelako (naiz eta merkatu osoaren %5a baino ez izan orain)

Beraz, gauzak aldatzen doaz. Ohizko negozio ereduan diskoetxe handiek:

• ekonomia eskalaren abantailak zituzten,
• artista askoren eskubideak,
• behin eta berriz berrargitara daitezkeen katalogo handiak,
• irratiekiko hartu eman handia (edo kontrola: New York-eko Eliot Spitzer fiskalak eskupekoak ote dauden ikertzen ari da),
• musika inguruko kanal osagarrien kontrol ia osoa: CD banaketa, promozioak, zinema, iragarkiak eta publizitatea, zuzeneko musika birak eta abar.

Internet: musika disko-etxeen estrategia eta negozio eredu aldaketa

Internetek alda ditzake erabat aipatutako kanal osagarri horiek eta diskoetxe independientek edo artistek bere kabuz, handiek bezain erraz edo sail dute internet bidezko akzeso hori.

Normalean, musika industrian, diskoetxe txikiek askoz azkarragoak eta berritzaileak dira eta, ondorioz, handien ohizko estrategia independiente eta txikiak erostea, jatea edo irenstea zen.

IMPALA independienteen elkarte komertzialaren arabera, lau handien salmenten %65a duela 18 hilebete independiente batekin sinatu zuten artistetatik dator. Lehenago ere, independiente hauekin, indies hauekin, sinatu zuten Bob Marley, U2, Pink Floyd, Janet Jackson, Elvis Presley edo beste askok, lehen aldian.

Dena den, disketxe handiek ez omen daude, lehen bezain beste, diskoetxe txikien erosketa estrategia honen alde eta The Economist-aren arabera, etorkizunari begira hurrengo hamarkadarako handien estrategia arrisku teknologiko gehiago eta kreatibitate gehiagorekin jokatzean legoke.

Argazkia CITRIS proiektua

Tele-immersioa ingurune birtual berean talde ezberdinen arteko elkarlana bideratzen duen teknologia da. Berkeley Unibertsitatean horretaz ikertzen duen Gizarte Interesaren aldeko Informazio Teknologiaren Ikerketarako Zentroa dago: the Center for Information Technology Research in the Interest of Society, CITRIS

Eta CITRIS ikerkuntza zentroko talde ezberdinek aipatutako Tele-immersion teknologia garatzen eta lantzen ari dira. Hau da, denbora errealean irudian laburtzen diren hiru pausu egiten dira: objetu baten irudiak hartzen dira 48 kamara ezberdinekin; sare batera bidaltzen dira irudi horiek; mundu birtual batean sartu eta landu egiten dira irudi horiek.

Esate baterako, Campus ezberdinetako ikasle eta irakasleek birtualki bildu daitezke eta bisitatu zuzenean antzinako Sizilia, Grezia edo Erromako toki ezagunak.

Baina, teknologia honek balio dezake ez bakarrik ikerkuntza edo eztabaida zientifikoentzat. Teknologia honen bitartez etorkizunean, esate baterako, erizain batek diabetisak jota daukan gaixoari insulina txertoa nola ipini erakutsi diezaioke. Edo bilera birtualak egiteko, edo ... Baina, noski, horretarako kapazitate handiko sarea behar dugu.

CITRIS TELE-IMMERSION PROJECT ekimenari buruzko informazioa hemen

Bestalde, irailean Gipuzkoako Bazkundeak antolatutako Enpresa Internetera Konektatzearen Ebazpenak: Oraina eta Etorkizuna jardunaldian CSIC, Centro Superior de Investigaciones Cientificas delakoaren Victor Castelo ikerlariak, Internet de Nueva Generacion. INTERNET 2, GEANT ponentzian gaiari buruz hitz egin zuen.

Irudia, CSIC-eko Victor Castelo. University of North Carolina delakotik hartua

Castelo-k CITRIS zentruan aipatzen dituzten antzerako adibideak ipini zituen, gaur egun Global Terabit Research Network, Abilene edo Geant bezalako sareak erabiliz, Internet bidez egin daitezkenak: mikroskopioak munduaren punta batetik bestera manejatu, errealitate birtuala internet bidez, gazteleraz teleinmersion izendatzen zuena, tele-operazioak, etabar.

Irudia, CSIC-eko Victor Castelo.

Gaur egun, unibertsitateek eta ikerketa zentroek ikerkuntzarako garatzen ari diren internet sare horren bitartez egin daitezke horrelako gauzak.

Baina, argi dago sareen kapazitatea gehitzen doala eten gabe eta era berean komunikazioen kostoa jaisten dela. Ikerkuntzarako Internet sare berriek horretara doaz, sare arruntak ere bai, baina seguruenez urteak pasatu beharko dira maila horretako sareak enpresa, erakunde edo hiritarren artean ohizkoak eta erabilgarriak bihurtu arte.

Europako ekimenei buruz gehiago jakiteko the eInfrastructures initiative in Europe: http://www.einfrastructures.org ataria bisita daiteke.

Gipuzkoako Bazkundeak antolatutako jardunaldiaren dokumentazio guztia eskuragarri ipini du. Eskertzekoa.

Massive Change The Future of Global Design Bruce Mau eta Toronto City College-rekin lotuta dagoen The Institute without Boundaries -en (Mugarik gabeko Institutua) proiektua da.

Eta zertan datza proiektua ? Bada, interesgarria iruditu zait, baina ez da erraza azaltzea:

• erakusketa , The Vancouver Art Gallery-n 2005eko urtarrilerarte. Erakusketa Vancouver Art Galleryn ikus daiteke
• irrati saioak, Toronto-ko Unibertsitatetik eginak. Mp3 formatoan elkarrizketa eta irrati saioen artxiboa dute, jaisteko moduan.
• etorkizunari buruzko hitzaldi interesgarriak . Visionaries Speakers Series: Alvin Toffler, Andrew Zolli, ... ,
• edo produktuak . Oso kuriosoa nola lotzen duten produktu arruntak, hori bai oso ondo diseinatutakoak, eta etorkizuneko joerak: biodibertsitatea, hiri hazkundea edo telefono mugikorren erabilera.

Liburua (a Manifesto for the Future of Global Design) dago eta filma egiteko asmoa dute, proiektua beste toki batzuetara eramateko nahia eta konpromezua (Toronto, Chicago,...) baina, beharbada, interesgarriena gai ezberdinei buruz egindako design economies izeneko hausnarketak dira.

Orohar, proiektua diseinuari buruzko hausnarketa da eta garrantzia handia ematen diote diseinuari aldaketak bultzatzen duen indar gisa eta elementu globalizatzaile gisa:

We explore paradigm-shifting events, ideas, and people, investigating the capacities and ethical dilemmas of design in such systems as manufacturing, transportation, urbanism, military, health, living, energy, markets, materials, image, and information.

Design has emerged as one of the world’s most important forces, even nature itself has fallen to the regime of design. Design has placed us at the beginning of an unprecedented period of human possibility where all economies and ecologies are becoming totally global, relational, and interconnected.

10 x 10 / 100 Words and Pictures that Define the Time izeneko tresna asmatu dute.

Vaya Semanita edo beste tokietako "asteko hitzak" saioen estilora, ez hain barregarria baina askoz potenteagoa: Orduero munduko ehun argazki eta hitz garrantzitsuenak edo gutxienez popularrenak ematen dizkigu. Tresna kuriosoa...

Informazio iturriak

Jakina, iturriek garrantzi handia dute hitz edo irudi popularrenak ateratzerako orduan. Momentuz, hauek dira 10x10 webgunean erabiltzen direnak:

• Reuters World News
• BBC World Edition
• New York Times International News

Iturri errelebanteak, ezin ukatu.

Teknologia eta garatzaileak

10x10 garatzeko Perl, MySQL, PHP eta Macromedia Flash erabili omen dituzte, hau da gehienbat software libreko teknologiak.

Eta garatzaileak Jonathan Harris of Number27 eta Italiako Benetton etxearekin zerikusia duen the FABRICA communication research center izan dira.

Educación eta Prospectiva dira sarean dagoen Revista Prospecti...va, Construyendo Futuros aldizkariaren zenbaki berriaren ardatz nagusiak.

Mexikon argitaratzen den Prospektiba aldizkariaren 3. zenbakia da gaur sareratu dena.

Hori dela eta, Guillermina Baena Paz (Dirección General) eta Miguel Angel Pérez Wong (editor responsable) arduradunek bidali duten mezua jasotzen dut:

Por primera vez en estreno mundial un conjunto de prospectivistas de reconocido prestigio reunidos en torno al tema de educación y Prospectiva. Tomas Miklos, Francisco Mojica, Fabio Grobart, Raúl Garduño visten nuestras páginas electrónicas.

También de peso y solidez académica son el conjunto de autores e investigadores que complementan la comprensión del futuro de la educación desde distintos puntos de vista.

Trabajos sobre la prospectiva integran otro bloque, en ellos dos interesantes ensayos que contribuyen a la comprensión del tema.

Por si esto fuera poco, tenemos una primicia. El inicio de nuestra investigación sobre Seguridad humana, inspirada en el trabajo conceptual realizado por el Nodo Latinoamericano con el delphi sobre el tema. La indagación se centra en la búsqueda de una infraestructura emocional que permita defendernos ante las amenazas dominantes que provocan inseguridad.

También hemos trabajado con la Comisión especial de la cámara de Diputados de México para promover a la prospectiva, incluimos las resoluciones, información sobre el futuro y el evento anual de la World Future Society. En particular y con gran orgullo, presentamos a nuestra revista hermana Aldea Global que inició su primer número en julio y con la cual compartimos espacio.

Todos y cada uno de los rincones ciberespaciales de nuestra revista están llenos de encanto y de prospectiva, así es como seguimos … construyendo futuros.

Invitamos a todos a que hagan suya esta publicación.

Eurescom (European Institute for research and strategic studies in telecommunications) erakundeak, kaleratu egin ditu E-living - Life in a digital Europe ikerketa luzearen emaitzak.

Ikerketa 2001eko urtarrilean hasi eta 2004an bukatu da.

Ikerketa sei estatutan (UK, Italia, Alemania, Noruega, Bulgaria eta Israelen) eraman da eta bataz beste urtero, lurralde bakoitzean, 1.700 pertsona elkarrizketatuak izan dira.

Helburua, teknologia berriekin izandako hartuemanen arabera, europarren bizitza moduen bilakaera aztertzea zen.

Ikerketak txosten eta azterketa ugari ditu, eta hemendik eskuratu daitezke.

Denak ez ditut irakurri, baina txostenen konklusio atal batzuk gainbegiratu ditut eta zeozer azpimarratzekotan, badirudi ikerketaren arabera aztertu dituzten teknologia berriek ez dutela gure bizitza kalitatea hobetzen: In no country did acquiring a mobile phone, Internet access or broadband internet have any positive effect on overall quality of life.

Egia da, dena den, ikerketa egin zen urteetan (2001-2003) zabalkuntza handiko teknologiek (telefono mugikorra, internet, ...) gure bizitzan kalitate orokorrean duten eragina aztertu zutela. Aldiz, medikuntzan, industrian, lantokietan, hezkuntzan, ... erabilera mugatuagoa duten teknologiek gure bizitza kalitatean duten eragina ez zuten aztertu.

Ikertzaileek onartzen dutenez aztertu gabeko ikerlerroa da, baina etorkizunean aztertu beharrekoa.

Argazkia: Eric Pawassar

Wired aldizkarian ikusitakoa: AEBetako hauteskundeak, botoa ematearen paperezko zertifikatuaren datarekin jolasean. 2012, etorkizunetik etorritakoa? :-)

Artifact from the Future - 2012 VoteStation paper receipt . Seth Kaplan.

Urte bukaeretan toki askotan ohi den bezala, Danemark-eko Innovation Lab ikerketa zentroak eta Alexandra Institute erakundeak etorkizunari buruzko hitzaldi eta erakustaldia antolatu dute, Next2004, non Teknologia Berriak eta bere inplikazio sozialak aztergai izango diren.

Abenduaren 1ean eta 2an egingo da ekitaldia. Alex Soojung-Kim Pang Institute for the Future erakundeko ikerketa burua eta Future Now blog interesgarriaren arduraduna eta aurreko batean aipatu nuen Frans Johansson, The Medici Effect liburuaren egileak parte hartuko dute.

Copenhagenera joateko aitzaki ona, aireportotik 5 minutura omen dago Base Camp, ... bestela, Soojung-Kim Pang edo Johansson-en blogetan jarraitzeko aukera izango dugu, seguru.

Fast Forward 2005: etorkizunari begira joera zerrenda bat, urte amaierarako prestatutakoa. Fast Company-k atera du bere zerrenda : 2005 urtean gure bizitza eta lan aldatuko dituzten 101 ideia edo joera.

Here is our look at the surprising people, ideas, and trends that will change how we work and live in 2005.

Fast Company gunean zerrenda horretarako irakurleen aportazioak jasotzen ditu galdetegi baten bidez.

Joerak edo ideiak 10 ataletan daude sailkatuak :

• Bioteknologia
• Liburuak
• Kudeaketa
• Marketing-a
• Produktu Berriak
• Bulegoko bizitza
• Merkataritza
• Estrategia
• Teknologia

Etorkizunerako 101 ohar hauetan denetik dago, noski, baina zeozer azpimarratzekotan: Open source innovation.

Software librearen eredua, software garapen eta erabilerarako egokiena izateaz aparte, berrikuntzarako aplikatu. Ildo horretan Global Ideas Bank . Idea on bat ez da berez sortzen, saila da ideia bat izan eta hori ona izatea, ideia askoren artean errazagoa da ideia on bat sortzea: to get a good idea you need to have a lot of ideas. A model for the future could be the open source software movement. Bestela, ikusi Richard Watson-en aukeraketa .

Mobility 2030 IAE eta WBCSD erakundeek Sustainable Mobility project barnean aurkeztu duten azken txostenaren izena da. 2030 urteari begira mugikortasun iraunkorra edo jasangarria aztertzen du, energia ereduak, energia politika eta etorkizunerako eszenategiak proposatuz.

IAE edo International Energy Agency OECD barnean dagoen erakunde autonomoa da eta mundu mailan energia sektoretaz arduratzen da: estatistikak, azterketak egin, txostenak kaleratu, aholkuak eman, eta abar.

WBCSD edo World Business Council for Sustainable Development mundu osoko elkarte eta enpresak osatzen dute.

Bi urteko lana eskatu dituzten txostenak WBCSDren webgunean daude eskuragarri eta garraioari buruzko alternatibak aztertzen dituzte.

World Changing blogean aipatzen den legez, agian espero ez dena txostenaren sinaduran ageri diren enpresak ikustea da. Esate baterako BP, Daimler Chrysler, Ford, GM, Honda, Hydro (Norwegiako energia enpresa), Michelin, Nissan, Renault, Royal Dutch/Shell, Toyota edo Volkswagen. Eta horrek, eszeptizismo kutsua ematen dio txostenari, baina egin den azterketa teknikoki benetan oso landua eta ona da.

Esan bezala, txostena 2030 urtea du helmugatzat eta eszenategiak landu dira.

Eszenategiak egiteko hiru galdera kritiko edo nagusi batzuk erantzuten saiatu dira Global Business Networkekoek:

• Zer da garrantzitsuena hiritarrentzat?
• Nork dauka aldaketa eragiteko indarra?
• Nola egingo dira aldaketak?

Hausnarketa egin ondoren, hiru eszenategi nagusi hartu dituzte kontutan:

• Lehena, mugikortasunaren prezioa edo kostoan ardatza duena, The Price is Right. Eszenategi honetan, erabakiak ekonomia globalean eragiten duten indarren arabera hartzen dira.
• Bigarrena, The Global Citizen izenekoa da, eta balore eta akordio globaletan oinarritzen da Eszenategi honetan, baloreetan oinarritutako komunitatearen akordio globalak agintzen dituzte.
• Hirugarrena, We'll Do it Our Way bataiatu dute, gure erara egingo dugu!. Eszenategi honetan, emaitza ezberdinak lortzen dira lurralde edo mundu erregio bakoitzean soluzio ezberdinak erabiltzen direlako.

Momentuz eszenategien egileek (GBN Global Business Network etxe famatua) behin behineko txostena (1.7MB PDF) kaleratu du, baina abendurako agindu du behin betikoa.

Eskualde askotan mugikortasunari buruzko ikerketak egiten ari dira, beharbada erreferentzia gisa interesgarriak izan daitezke World Business Council for Sustainable Development erakundeak kaleratu dituen txosten eta eszenategi orokorrak.

Robot biomimetikoekin jarraituz: hemendik aurrera zomorroen aurka ez Bloom, ez osterantzekorik, hemendik aurrera labezomorro robotikoen bidez akabatuko ditugu benetakoak.

Un robot insecto ha sido introducido en una colonia de cucarachas y ha pasado desapercibido debido a las feromonas que emitía y a que su comportamiento reflejaba las pautas modelizadas informáticamente de una colonia de estos animales. El robot es producto del programa europeo llamado Leurre (señuelo) y su propósito es infiltrar robots en colonias de insectos para convertir una de estas máquinas en el líder del grupo e inducir discretamente comportamientos en la colonia que les lleven a cambiar de hábitat o a su destrucción. Una especie de Flautista de Hamelin a escala de insectos, aunque el proyecto pretende llevar el experimento a animales superiores como gallinas o corderos.

El primer minirobot (InsBot) capaz de infiltrarse en una colonia de cucarachas sin llamar la atención, controlarla y destruirla, ha sido desarrollado por ingenieros de la Universidad Libre de Bruselas y de otros centros europeos de investigación. (Albiste osoa Tendencias Tecnologicas webgunean) (azpimarrak neureak dira)

Labezomorroak, oiloak, bildotsak, ... auskalo zer gero. Gizakiak? Eta gizakien tankerakoak eginez gero, bereizteko kapazak izango gara? Hau dilema, hau.

Gehiago jakiteko, ICRA International Conference on Robotics and Automation kongresuan, Insbot delakoari buruz aurkeztutako ponentzia: InsBot : Design of an Autonomous Mini Mobile Robot Able to Interact with Cockroaches (1,18 MB .pdf dokumentua)

Kontutan izanda International Energy Agency-k esan duela munduak 2030 urtean 2002an baino %60 energia gehiago beharko duela, BBC-k hainbat adituei galdetu egin die Energiaren etorkizunaren inguruan bere iritzia jakin nahiean .

Aipatutako loturan era guztiko iritziak irakur daitezke:

• Ian Fells, New and Renewable Energy Centre: Coal could be an important source of fuel post 2050. Ikatz teknologiak eta nuklear berriak garrantzia hartuko omen dute 2050 urteari begira.
• Steve Sawyer, climate policy adviser, Greenpeace: I don't think it's as hopeless as many suggest . Energi efizientzia eta energi iturri berriztagarriak dira irtenbidea.
• Ashok Khosla, Development Alternatives, India: "Much innovation will have to be done in developing countries"
• Dr Fatih Birol, International Energy Agency: "Meeting demand will depend on timely and targeted investment"
• Dave McGrath, Managing Director, siGEN Ltd: "For transport, hydrogen has to become the principal fuel source"
• Philip Sellwood, Energy Saving Trust: "Energy efficiency is instrumental to every household"

Albistea, Planet under pressure , Mundua presiopean, artikulu sortaren zatia da.

Gaur Berrikuntzak duen garrantzia gizartearen onurarako lemapean Euskadi 2015 Lehiakortasun Foroan kokatzen den jardunaldia (57 KB .pdf formatuan) egin da Bilbon.

Eusko Jaurlaritzak Euskadi 2015 Lehiakortasun Foroa izeneko hausnarketa prozesua abiarazi du. Helburu edo xedea Euskadiko bigarren transformazio sozioekonomikoari aurre egin eta, era berean, etorkizuneko plan eta programa berriak diseinatzea, kreatitibitatean, bikaintasunean eta garapen iraunkorrean oinarrituriko enpresaren lehiakortasun eredua bilatzeko.

Ekimen txalogarria, parte hartze oso interesgarriarekin eta hausnarketa mailan behinik behin emaitzak ematen ari dena.

Euskadi 2015 Lehiakortasun Foroaren Webgunean sortzen diren materialak eskuragarri daude. Besteak beste Eztabaidarako elementuak (452 KB .pdf formatuan) txosten laburra baina interesgarria, hainbat elementu giltzarri plazaratzen dituena edo Lehen Fasearen Balantzea (515 KB .pdf formatuan) txostena, non 2015 urteko Euskadiren erronkak eta giltzarri estrategikoak aipatzen diren.

Giltzarri estrategikoen zerrenda luzea da eta aipatutako dokumentuan dago. Hona hemen batzuk:

• Sentsibilizazio lana egitea, errealitate berriaren erronkez ohartzeko
• Garapen ekonomiko iraunkorraren aldeko apustua egitea; elkartasunean, gizarte kohesioan eta ingurumenaren errespetuan oinarritutako garapena, hain zuzen.
• Lan eredu berria eta lan harremanetarako esparru berria zehaztea
• Hezkuntza eta prestakuntza eredu integral berria zehaztea (eskola, unibertsitatea, LH, enpresak eta gizartea hartzen ditu); eredu horrek ezagueren, gaitasunen eta balioen garapenean izan behar du eragina.
• Balioen berritzea bultzatzea, gizarte motibatuagoa, toleranteagoa, sortzaileagoa eta ekintzaileagoa lortzeko.
• Bikaintasunari, ikaskuntzari eta negoziaketari lotutako lehia abantaila iraunkorrak lortzea.
• Lehiakortasuna aztertzeko eta zaintzeko mekanismoak antolatzea.
• Produktu berezituko ezaguera trinkoa duten sektoreetara dibertsifikatzea jarduerak eta etorkizuneko ondasunen eta zerbitzuen ekoizpen sektoreetan kokatzea.
• Eragileen gaitasunak eta trebetasunak produktuen berrikuntzara bideratzea.
• Teknologia apustuak aitzindaritzan, moldaketan eta jarraipenean oinarritzea.
• Enpresetan kudeaketa aurreratuen eta antolaketen eredu berriak sartzea.
• Ezaguera trinkoari lotutako atzerriko inbertsioa erakartzea.
• Bertako enpresei Euskaditik kanpo ezartzen laguntzea (euskal multinazionalak)
• Euskal enpresen eta beste herrialdetako enpresen arteko itunak sustatzea.
• Kokapen erraztasunak ematea, ekoizpen jarduera berriak garatu ahal izateko.
• Autogobernu kotak areagotzea, erabaki hartzea errazteko eta Euskadiko bizitza maila hobetzeko.
• Arrisku kapitalaren eskuragarritasuna bultzatzea.
• Sare Globalaren baitako gune bat izatea: Euskometropolia.
• ...

Ohar interesgarria laburpenean: Euskadi 2015 Lehiakortasun FOROAN azaldu diren erronka eta gako estrategikoek ez dute zatiketarik onartzen. Agenda guztia osoko ikuspegiaz landu behar da (...) arrakasta lortzeko, ahalegina, iraunkortasuna, motibazioa behar dira. Maratoilariaren betebeharrak. Eta jarraitzen du... gizarte osoak partekatzea...

Azken batean, elkarte adimentsua eta jakintsua bihurtu behar dugu, bertan jakitea izaten jakitearekin, erabiltzen jakitearekin eta agintzen jakitearekin elkartuz, estrategia eta proiektu partekatuak garatu ahal izateko. Hala bedi!

Ez da erraza zerrenda luze horretan gauzak argi ikustea, baina laburpen gisa interesgarria iruditu zait aspaldidanik Eusko Jaurlaritzan lan egin eta Economia Vasca webgune pertsonalaren egilea den Alberto Alberdi Larizgoitia ekonomilari zentzudunak daukan ikuspegia aipatzea: VISION ECONOMICA DE EUSKADI delakoa eta horrela definitzen duena:

Un País de alta productividad que compite a través de las personas quienes despliegan su creatividad y se responsabilizan de su trabajo en el marco de proyectos compartidos, en un entorno abierto e internacionalizado, socialmente cohesionado y respetuoso con el medio natural. Laburpen azkarra eta egokia.

Gaztelerazko dokumentuak Articular mecanismos de prospectiva y vigilancia de la Competitividad dio, euskarazkoak Lehiakortasuna aztertzeko eta zaintzeko mekanismoak antolatzea ordea. Badirudi, beraz, gaztelerazko Prospectiva hitza zaintza zentzuan erabiltzen dela, gaztelerazko vigia edo vigilancia esanahiarekin... Hummm, agian aldatu beharko dut blogaren izenburua... :-)

Ingalaterran Prospektiba teknologikora zuzendutako PREST ikerketa zentruan lan egin eta Venezuelan jaiotako Rafael Popper ekonomilari gazteari egindako elkarrizketa aurkitu dut sarean.

Gaztea da, ez nuen ezagutzen, baina zentzuzko gauzak dio El Nacional egunkarian egiz zioten elkarrizketan . Prospektiba edo etorkizunari buruz aritzen direnak behin eta berriro esaten dutenak, baina ez horregatik gutxiestekoak. Esate baterako: De lo que se trata es de tener conciencia de que nosotros estamos creando nuestro futuro en el presente. Dejar de pensar en el futuro es un lujo que ningún país se puede dar.

Bada, hori, arrazoi osoa duela ...

CPB Netherlands Bureau for Economic Policy Analysis aspaldidanik martxan dagoen erakundea da. 1945 urtean sortu zen eta bere lehen zuzendaria, Jan Tinbergen, 1969 urtean Ekonomia arloan Nobel Saria irabazi zuen.

Baina CPB etengabe etorkizunari begira dabil. Koyuntura edo abaguneko azterketak eta epe luzerako ikerkuntza lerroak ditu:

• Short-term forecasts, hiruhilebeteka egiten direnak;
• Medium-term outlooks, hauteskunde epeekin bat eginez ateratzen diren azterketa Makroekonomikoak, hau da bost urteka; eta
• Long-term scenarios, hurrengo 20-40 urteei begira egiten direnak.

Beno, bada azken serie honetan Four futures of Europe eta Quantifying four scenarios for Europe dokumentu interesgarriak sareratu dituzte.

Long-term Scenarios

Gainera, epe luzeari begira egiten dituzten azterketa hauen metodologia eta argitalpenak Long-term Scenarios atalean dituzte:

Long-term scenarios (LT) present strongly different (but plausible and internally consistent) panoramic views of the Dutch economy in the next 20 to 40 years - and sometimes even further away. These scenarios attempt to contribute to the policymaking process in the Netherlands and to the discussion about strategic choices for the long term, and as such are useful for analysing policy with uncertain consequences. Long-term scenarios are less frequently produced compared to analyses for the short- or medium term.

Eszenategi kopurua: hiru eszenategitik, eszenategi zenbaki bikoitira

Hasieran CPB-k hiru eszenategiekin egiten zuen lan, baina normalean ia automatikoki erdiko eszenategia aukeratzeko joera zegoen, probableena zelakoan. Baina, eszenategi guztiak litekeenak direnez, eszenategi kopuru bikoitia (normalean lau) aurkeztea erabaki zuten.

Ez da ideia txarra, gehienetan hori gertatzen bait da. Hiru eszenategi egiteko joera handia dago: bata baikorra edo ona, beste ezezkorra edo txarra, eta erdikoa, joerazkoa edo tendentziala. Eta gehienetan, azken hau gordetzen da, beste biak kontutan izan barik.

Baina, bai eszenategi ona edo bai txarra, berdin-berdin gerta daitezke, beti ere gaur egun hartzen ditugun aukeren arabera. Bai horixe!

Gaur masternewmedia weblogean irakurritako Ten Technologies That Are Going To Change The Way We Learn artikuluaren aipamen azkarra.

Zeintzuk dira izenburuan iragartzen diren 10 teknologia giltzarri hauek? Bada, Robin Good -en arabera, hauek:

1. Bilaketa teknologiak. On-line bilatzeko tresnak eta teknologiak
2. Datuak ikustarazteko tresnak
3. Blogak, zuzenean argitaratzeko eta edukiak gehitzeko tresnak. Iraileko EDUCASE aldizkariak berdina esaten zuen
4. Audioa eta bideoa. Publikazio txikietarako audio eta bideo tresnen erabilera gehitzea komunikazio kanal bezala. Oker ez banago, Badihardugu Euskara Elkartea , adibidez, horretan dabil.
5. RSS – edukien sindikazioa, gehiketa, edukien ber-erabilpena RSS-ei esker.
6. P2P – Artxiboak era pribatuan eta publikoan elkartrukatzeko sareak.
7. Mugagabeko biltegiratze edo gordeketa. Bai norberaren ordenadorean bai online.
8. Mugagabeko banda zabalera - Wifi - WiMax
9. Denbora errealean elkarlana bideratzeko tresnak
10. Filtraketa lan kolektiboa eta elkarlana. Giza teknologiak erabiliz, del.icio.us edo FURL.net bezalakoak.

Ez dago erreparorik, gure inguruan erabiltzen hasi garen tresna erabilgarriak dira. Baina, tresna hauen sozializazio prozesuaren abiadura eta hedapena nolakoa den jakitean dago gakoa. Hau da, noiz erabiliko dituzte zerrenda honetako tresna erdiak institutoko ikasle eta irakasleen gehiengoak?

Prospectiva Politica. Guía para su comprensión y práctica da Guillermina Baena Paez doktoreak Internet sarean argitaratu duen liburuaren izenburua.

Nik uste, lehen aldiz Prospektiba gaiari buruzko liburu osoa sarean eskuragarri eta, blog hau bezala, Creative Commons lizentziapean banatzen dela.

Guillermina Baena Paez Mexiko-ko Universidad Nacional Autónoma (UNAM) delakoarean Zientzia Politikoa eta Sozialen Fakultateko irakaslea da.

Liburua Millenium Proiektuaren Mexikoko nodoan eskuratu daiteke (Adi!, 1,86 MB .pdf formatoan) eta liburu bukaeran esaten denez: La primera edición consta de 200 ejemplares iniciales en CD e incontables reproducciones digitales e impresas en línea y fuera de línea.

Aurkibidea honako hau da:

I PROSPECTIVA COMO ESTUDIO DEL FUTURO: A. CÓMO ENTENDER A LA PROSPECTIVA B. LOS ESTUDIOS DEL FUTURO C. REFLEXIONAR SOBRE EL FUTURO D. EL MANEJO DE LOS TIEMPOS E. PROBLEMAS DE CONCEPTOS Y DE MIEDOS

II LA PROSPECTIVA, PRIMERAS LECCIONES: A. PREDICCIÓN DEL FUTURO EN LA HISTORIA B. HISTORIA Y FUTURO C. CORRIENTES DE LA PROSPECTIVA

III USOS DE LA PROSPECTIVA A. PENSAMIENTO SISTÉMICO B. PLANEACIÓN PROSPECTIVA

IV PERFIL DE UN PROSPECTIVISTA A. CREATIVIDAD B. ANÁLISIS C. PENSAMIENTO PROSPECTIVO

V PROSPECTIVA POLÍTICA PARA INICIARSE Y PROSPECTIVA POLÍTICA PARA COMPLICARSE: MÉTODOS Y MEDIOS DE TRABAJO A. MÉTODOS CUANTITATIVOS B. MÉTODOS CUALITATIVOS Método Delphi ; Método de construcción de escenarios (la mise en scéne de la política); Metodologías de generación de escenarios

VI. EL FUTURO AQUÍ Y AHORA A. ASOCIACIONES B. EL PROYECTO MILLENIUM DE LA A/C UNU DE LA ORGANIZACIÓN DE LAS NACIONES UNIDAS

ANEXOS

Zorionak Guillermina eta Mexikoko lagunei!

Harvard Business School–eko irakaslea den Richard Bohmer fisikalariak, teoria polita kaleratu du bere The Changing Roles of Doctors and Patients artikuluan: medikuen eta gaixoen izana eta rolak aldatzen ari dira.

Bohmer-en ustetan, duela urte batzuk gaixoek askoz ere pasiboagoak ziren eta bere egoeren ez jakitasun handia edo osoa zuten. Ondorioz, sendagileengan uzten zituzten diagnosia eta gaixotasunaren aurrean hartu beharreko erabakiak.

Aldiz, gaur egun paziente edo gaixoek askoz gehiago dakite. Zenbait baldintzetan medikuntza arloko tresnak erabiltzen dituzte eta beraiek egiten dituzte bere froga edo testak: diabeterako, tentsio alturako, eta beste gaixotasun askorako.

Urruti joan gabe, webari esker gaixoa askoz informatua dago, ezaguera gehiago du, gehiago daki, ... medikamentu edo tratamenduei buruz. Esate baterako, gure enpresan, CodesSyntax -en, hainbat bezeroentzat (Biolaster, Axmed, Hiru , ) egindako webguneak kontsultatuz edozeinek jakin dezake "Hipoxia intermitente", "bostgarren metatarsianoaren haustura", "orkatila lesioak", eta abar zer diren; Joxe Arantzabal edo Peio Zubiriak kontatutakoei esker asko ikas dezakegu; oso interesgarri eta emankorrak diren artxibo irekien (Open Archives) bitartez informazioa, ezaguera, ikerketak, ... trukatzeko esperientzia onenak medikuntza arloan ematen ari dira, Biomed Central webgunean bezala; Cybermedikuntza ere aurrera doa ...

Gainera, diagnostiko eta tratamenduetan autolaguntzarako tresnak gero eta hobeak, aurreratuagoak eta hedatuagoak dira.

Bestalde, sendagile askok, batez ere erakunde handietan eta lurralde aurreratuetan, rol berriak hartzen dituzte kudeaketa edo sistemen arduretan.

Aldaketa ez da erabatekoa, eta egileak aitortzen duen bezala, gaixotasun berriak eta eginkizun berriak sortzen ari dira medikuen artean, gainera bezero-paziente guztiak ez dira horrelakoak eta askok nahiago dute sendagilearekin erlazio paternalistagoa izatea.

Baina, etorkizunari begira azken hau landatar girora mugatuko omen da...

Beraz, medikuntzan eta gizartean orohar ezagutu ditugun aurrerapen teknologikoen ondorioz eta gaixoen ezaguera mailaren igoeraren ondorioz, sendagileek gaixo motaren aldaketa barneratu eta egoera berri honetara egokitu beharko dute ezinbestean.

Konturatu gabe 2005 urtea bertan dugu. Atzo lankide ohi batzuekin urte bukaerarako afaria antolatu nahiean, mail trukateka izan nuen.

Azkenean, datan adoz jartzea lortu ez genuenez, bada ez bada gabon oparoak eta urte berri on opa nizkien. Orduan, derrepente, 2005 urtera ailegatzen ginela ohartu ginen, eta gogoratu genuen 90 hamarkadaren hasieran elkarrekin egin genituen hainbat lanen izenburuak: Goierri 2005, Zarautz 2005, Astigarraga 2005, Escenarios de Euskadi 2005, ...

Hurrengo afarirako goiz geratu, horietariko txosten batzuk eraman eta, afaldu aurretik, 1992-93ean txosten haietan zer esaten genuen patxadaz berrirakurtzea erabaki genuen, gero gerokoak ...

Afariaren data zehazten dugun bitartean 2005erako egutegiak aukeratzen joan gaitezke. Azkenean Durangoko Azokan erosten baditugu ere, http://www.allcalendars.net , amerikanoegia beharbada, baina aukera ugaria duen webgunea da. 5000 baino gehiago dituzte saltzeko. Hona hemen dozena erdi bat:

Aurrerago aipatu izan da hemen blogen erabilera enpresa munduan edo Microsoft etxeko Robert Scoble-ren Corporate Weblog Manifestoa

Robert Scoble Microsofteko ebanjelista ofiziala da eta bloga erabiltzen du horretarako. Eta dirudienez, bide berdinari ekin nahi dio Microsoftek Frantzian: http://blogs.microsoft.fr helbidean dute tokia blogeatzeako MS-ko enplegatu frantzesek.

Yahoo-k Microsoft France libere ses salaries par la force du blog zioen. Baina, ez bakarrik enplegatuak, informatika gazte zaletuak bereganatu nahi ditu ere MS-k. Horretarako, bere ibilbide europearrean Gates jaunak TheSpoke.net -en bertsio frantziarra aurkeztu zuen Parisen.

Espainolezko bertsioa sarean dago: http://es.thespoke.net baina ez dakit martxa larregirik duen oraindik. Erabiltzen den hizkuntza ikusirik, seguruenez amerikan gehiago europan baino: Ya sos miembro? Hala ere, duela hilebete batzuetako iragarkia dago http://es.thespoke.net/spain atalean: Puedes entrar en el programa de formación de ámbito europeo para desarrollar una carrera profesional en Microsoft Ibérica. Eta hor ari dira batzuk: FouzBlog edo stcproject

Baina ez dira bakarrak, Corporate Blogging-en irakurtzen dut Apple-ek bere student weblog ireki duela

Beno, kontua da blogak benetako marketing tresnak bihurtzen ari direla:

"... les blogs deviennent également de véritables armes de marketing: Laurent Ellerbach, responsable des relations de Microsoft France avec l'enseignement supérieur, parle ainsi d'une volonté globale de la multinationale de laisser la possibilité à ses employés d’être connectés en permanence avec leurs clients."

eta blogetaz aparte RSS-etan, sare sozialetan eta software sozialean pentsatzen ari Microsoft:

"MSN serait en train de réfléchir à l'utilisation du RSS, des blogs et des réseaux sociaux" (Neteconomie.com, 2004.11.24 )

Kesako -ren ustetan, MS multinazionala aurpegi jatorragoa erakutsi nahiean omen dabil ... lortuko du?

Hezkuntza XXI etorkizuneko hezkuntza proiektua egiteko liburu zuria aurkeztu zuten joan zen ostegunean Josune Ariztondo, Josu Jon Imaz eta Markel Olanok: XXI.mendeko Euskal Hezkuntzarako Liburu Zuria.

Urte hasieran Bilboko Euskalduna Jauregian ospatutako EAJ-PNVren IV. Batzar Nagusian onartu zen Hezkuntza Txostenean (456 KB) oinarrituta dago XXI Mendeko Euskal hezkuntzarako helburuak eta proposamenak batzen dituen Hezkuntza XXI Liburu Zuria.

Etorkizunari aurre egiteko identifikatu diren erronka edo Funtsezko Sei Bektoreak egokiak dirudite :

• Balioen Hezkuntza bultzatzea. Bakerako Hezkuntza bultzatzea.
• Hezkuntza Eleanitza sendotu eta indartzea
• Kulturen arteko Hezkuntza eta Europar Identitatea garatzea
• Hezkuntza digitala Informazioaren Gizartean
• Aurrerakuntza eta lehiakortasuna. Giza Kapitala: Pertsona Nagusien biziarteko Ikaskuntza
• Kalitatea: hezkuntza-bikaintasuneko ereduak zabaldu.

Dokumentuan esaten denez, aldaketarako sei hezkuntza-faktore horiek luzatu eta hedatu egiten dute EAJ-k sarritan erabiltzen duen binomioa, Euskara eta Teknologia eta horretaz gain, hezkuntzarekiko konpromezua agertu zuen EAJ-k agerraldian, azken legealdietan hezkuntza ardurak zuzenean eraman ez duen arren.

Horrela, besteak beste Kalitatezko Zerbitzu Publikoaren aldeko apostua egiten da, Sorbidean dauden hezkuntza-industrien sustapena, baliapide pedagogikoak eragiteko eta, Interneten bitartez, mundu zabalean hedatu ahal izateko edo eskola-porrota bi legealditan zehar %5eko maila teknikora murriztea espero dela, aipatzen da.

Txosten interesgarria. Gainera, etorkizuneko gizarterako hain garrantzitsua den Hezkuntza Sektoreari buruz epe luzeari begira egindako hausnarketa hauek eskertzekoak dira benetan, are gehiago eztabaidatu, adostu eta aurrera eramaten badira.

Azken boladan indartu egin dira Zaintza Teknologikoa, Adimen Lehiakorra, Adimen Ekonomikoa, Negozio Adimena, Zaintza Prospektiboa, Prospektiba Teknologikoa, ... eta ezagueraren kudeaketarekin erraz lotu ditzakegun antzeko kontzeptuak.

Azken finean, aldaketak gero eta ugariagoak eta azkarragoak dira gure gizartean. Aldaketa teknologikoak, aldaketa sozialak..., erakundeetan, enpresetan, familietan, ingurugiroan, garraioan, ... eremu guztietan ematen ari dira.

Enpresa txikiei oso zaila egiten zaie bere negozioetan eragina duten faktore guztietan edo gutxienez Michael Porter irakasleak aipatzen zituen lehiakortasuneko 5 indar nagusietan ematen diren aldaketak antzematea edo jarraitzea.

Zorionez, gaur egun Internetek aukera asko ematen digu aldaketen edo lehikortasunerako faktore nagusien jarraipena egiteko. Aukera sinple eta errazak, baina zoritxarrez ez oso ezagunak enpresetan. Adibidez, XML/RSS/RDF -ak, blogak , rss biltzaileak , zerbitzu semantikoak , alerta zerbitzuak eta beste hamaika tresna.

Horretaz gain, seguruenez ez jakite horri aurre egiteko, zenbait erakundeek zerbitzu bereziak eskaintzen dizkiete inguruko enpresei. Esate baterako, Zaintek Bizkaiko Foru Aldundiaren Berrikuntza eta Ekonomi Sustapen Sailak sortu duen Zaintza Teknologiko eta Adimen Lehiakorrerako zerbitzua edo Gipuzkoako Bazkundearen e-Boletin, Servicios de Innovacion Industrial y Nuevas Tecnologias buletina. Informazio interesgarria banatzen dute: lastima kasu bietan feed-bidezko erreferentziarik ez izatea. Hobetzekoa.

@rchiveSIC , Archive Ouverte en Sciences de l'Information et de la Communication, Frantziako CNRS (Centre national de la recherche scientifique) erakundeak bultzatutako dokumentazio gunea da, eta CodeSyntax eta DELi ikerketa taldeak Durangoko Zokoan asteartean aurkeztuko dugun OAI , Open Archive Initiative edo Artxibo Irekietarako Ekimena erabiltzen du.

Horrela, @rchiveSIC gunean esaten den bezala , bilatzaileek indexatuz gain , OAI-ren galdeketa tresnei esker eta OAI-PHM protokoloari esker, informazioa toki askotatik akzesiblea da. Protokolo horri esker @rchiveSIC-en dauden dokumentuak beste webgune askok indexatu ditzakete. Kasu honetan, OAI-PHM-ren 2 bertsioa erabiltzen da.

Esate baterako Oaister , Karlsruhe Unibertsitateko The Collection of Computer Science Bibliographies , eta beste gune askotatik eskuratu daitezke.

Bada, bide horretatik aurki eta leitu dut nik IKT-en erabilera sozialen irakurketa kritikoa egiten duen Fabien GRANJON-en De quelques elements programmatiques pour une sociologie critique des usages sociaux des TIC (156 KB .pdf) dokumentua.

Soziologoa izateko eta Interneteko militantismoari buruz idazteko (L'Internet militant Mouvement social et usage des reseaux telematiques ), ez da larregi luzatzen, sei orri baino ez, erantzun gabeko galdera asko egiten ditu, baina arrazoia du Granjon-ek: gutxiegi aztertzen ari gara IKT-en erabilera sozialari buruz eta, agian goizegi da esateko, baina haustura edo eten digitalatari buruz egiten diren hausnarketa samurretaz aparte, gainditu behar dugun nahi eta nahiezko ordainketa, ez dago bestelako gogoetarik...

Militarrek aspaldidanik erabili dituzte gudarako robotak. Normalean zaintza, zelata, espionajea, desaktibazioa eta antzerako zereginetarako.

Eta ezaguna da Irak eta Afghanistan-eko inbasioetan, robotak maiz erabili dituztela amerikanoek hiri-gudetan. Baina "aurrerapen" handiak egiten ari dira arlo honetan...

Horrela, Irak-eko torturen argazki gehiago plazaratu diren egun hauetan, Wired aldizkari teknologikoan irakur daitekenez, benetako robot armatuak bidaliko ditu Pentagonoak Irakera: Talon izeneko robotak.

Oraingoz robot amerikanuak irakierren aurka ikusiko ditugu. Laster, pelikuletan bezala robotek batzuk besteen kontra ikusiko ditugu.

Baikorra izanik, hobe. Programatzaile edo (probableagoa) agintariek larregi ez badira zoratzen, oraindik ez dugu ezagutu, ezta zientzia-fikzioan, robot torturatzaileerik.

Noticias.com webgunean Euskadiko Ekonomia eta Gizarte-Arazoetarako Batzordea edo ezagunagoa den CES edo Consejo Económico y Social Vasco delakoak Nuevos perfiles profesionales en la Era del conocimiento txostena kaleratu duela irakur daiteke.

Txostenak dioenez:

...las actividades más demandadas por las empresas vascas de cara al próximo año serán los responsables de e-comerce, webmaster, analistas de Internet, arquitectos de sistemas y técnicos en comunicación. De hecho, se considera que para 2005 la disposición de estos perfiles debería aumentar en un 14,2 por ciento.

eta antza denez hutsune nabariak ikusten dituzte euskal enpresek IKTen eremuan:

En concreto, las empresas vascas detectan deficiencias en sus empleados a nivel de informática básica, programas específicos de las empresas, Internet y trabajo en redes, mientras que, según el informe, las competencias más demandadas son el comercio on-line, lenguajes de prgramación, herramientas de base de datos, sistema de redes, administración de sistemas de información, gestión de proyectos, seguridad, certificaciones y aseguramiento de la calidad.

Baina ez bakarrik konpetentzia edo jakite konkretoak, txostenaren arabera azpiegiturak eta, beharbada garrantzitsuago den, berritze kulturala behar dugu:

(..) el CES vasco considera necesario invertir en equipamiento e incidir en el cambio de cultura organizacional para entender el trabajo de otra manera. Asimismo, los trabajadores tendrán que ser más autónomos y debrán recurrir al autoaprendizaje, aunque se valorará también su capacidad de trabajar en equipo.

Seguruenez, Ezagueraren Kudeaketa estatuan gehien hausnartu eta landu duen Eduardo Bueno katedradunak sumatzen zuen horrelako zerbait duela 5-6 urte ...

Beraz, zeregin handia dute ikaskuntza iraunkorrera begira dauden erakude anitzek: Enplegu saila, Hezkuntza saila, Foru Aldundiak, eskualdeetako agentziak, Behargintzak, udaleetako enplegu sailak, insertzio enpresak, eta bestalako eragileek, bakoitza bere neurrian, badute arreta jartzeko beste eremu bat.

Euskal Lanbide Heziketa Europako onenen artean egon dadin plangintza estrategikoa aurkeztu du Eusko Jaurlaritzako Lanbide Heziketako eta Etengabeko Ikaskuntzarako Sailburuordetzak .

Lanbide Heziketako Euskal Plan berriak 4 esparru estrategiko, 44 helburu estrategiko eta Ezarri beharreko 155 neurri ditu: Ikasgela digital interaktiboak, Software librea aplikatzea, transferentzia teknologikoa eta ezagutzen transferentzia bultzatzea, kudeaketa hobetzea, I+G+B gehitzea, ... eta abar luzea.

Hona hemen eremu nagusiak

Eremu estrategikoa 1.- Lanbide kualifikazioen eta heziketaren sistema integratua eguneratzea eta hobetzea

• Lanbide Heziketarekin zerikusia duten erakundeak sendotzea.

• Euskadiko lanbide-kualifikazioen eta heziketaren sistema integratua hobetzeko aurrerapausoak ematea.
• Lanbide Heziketako ikastetxe integralak garatzea.
• Ikaskuntza ez-formalak eta informalak aintzatestea eta ebaluatzea

Eremu estrategikoa 2.- Euskadiko Lanbide Heziketaren kalitatea

• Ikastetxeen kudeaketa hobetzea.

• Irakasleen trebakuntzaren kalitatea hobetzea.
• Giza baliabideen kudeaketa eta zuzendaritza hobetzea.
• Proiektu-taldeak sustatzea eta kudeatzea.
• Kalitatearekin zerikusia duten beste eremu batzuk lantzea: Investors in people, Enpresaren erantzukizun soziala

Eremu estrategikoa 3.- Berrikuntza sustatzea Euskadiko Lanbide Heziketan, etengabeko hobekuntzako prozesuaren baitan

• Lanbide Heziketaren inguruko ikerketa, garapena eta berrikuntza sustatzeko zentro bat sortzea.

• Berrikuntza sustatzea Lanbide Heziketako ikastetxe integralen kudeaketan.
• Berrikuntza sustatzea heziketari aplikatutako teknologietan.
• Irakaskuntzako/ikaskuntzako prozesu berriak garatzea.
• Lanbide Heziketako ikastetxeen eta enpresen arteko transferentzia teknologikoa eta ezagutzen transferentzia sustatzea.
• Ezagutzak kudeatzeko sistema bat ezartzea Lanbide Heziketako ikastetxeen sarean.
• Goi-mailako Lanbide Heziketaren eta Unibertsitatearen arteko lotura areagotzea.
• Lanbide Heziketako ikastetxe integralak zientziaren, teknologiaren eta berrikuntzaren sarean sartzea pixkanaka.
• Lanbide Heziketaren esparruan aplika daitezkeen ikerketa-proiektuak garatzea.

Eremu estrategikoa 4 .- IKTBak Euskadiko Lanbide Heziketan

• Lanbide Heziketako ikastetxeen sare korporatiboa osatzeko aurrerapausoak ematea.

• Ikasgela digital interaktiboen kopurua handitzea.
• Ikastetxeen eta ikasgela digitalen arteko lankidetza sustatzea.
• Software librea aplikatzea.
• Lanbide Heziketa birtual tridimentsionala sustatzea.

Aurreko egunetako Lanbide Heziketarako Plangintza Estrategikoa eta Langileen perfil berrien eskaerei buruzko mezuak idatzi ditudala eta, profesioen inguruan nabegatzen ibili naiz.

Horrela, AEBetan Gallup inkesta etxeak urteetan - gutxienez, azkenengo 30 urteetan - egiten duen ikerketa batera ailegatu naiz: ogibide edo profesio ezberdinak eskaintzen duten konfidantza maila ematen duena.

Gallup-en ikerketa horren arabera, erizainak dira hiritarrei konfidantza maila handiena eskaintzen dieten profesionalak (%79). Botikariek ere maila altua lortzen dute, % 72a.

Ez dakit duela gutxi Bilbon egin zen Euskarazko Kazetaritzaren I. Kongresuan gaia jorratu zuten, baina informazioa ematera zuzentzen diren pare bat lanbide, Telebistarako kazetaritza eta prentsa idatzitarako kazetaritza, oso konfidantza maila eskasa lortzen dute: %23 eta % 21a ! Urriegia dirudi sinesgarritasuna trasmititu behar dituzten lanbideentzat.

Hala ere, okerrago daude konfidantza mailaren ranking horretan auto-saltzaileak, %9, publizitatearen profesionalak, %10, edo abokatuak %18a.

Esan bezala, emaitzak Gallup-ek AEB-etan egindako ikerketa batekoak dira, azaroaren 19 eta 21 bitartean, telefonoz egindako inkesta, 1.015 pertsonetako lagina batekin eta %3ko errore-marjinarekin.

Hemen emaitzak berdinak izango ote direnaren zalantzarekin geldituko gara. Edo... frogatzeko baino ez bada, erizainak ipiniko ditugu bozeramaile, egunkari erredakzio buru edo telebista aurkezle lanetan?

Dudarik gabe gero eta gehiago dira era guztietako argitalpen digitalak eta, oraindik dokumentu guztien digitalizazioa urruti egon arren, asko dira erreferentzia digitala duten liburu, artikulu, tesi, eskuizkribu edo dokumentu anitzak. Hau da, azken finean hauei buruzko datu digitalak (egilea, data, edizioa, tituloa, hizkuntza, ....) baditugu.

Erreferentzia digital horiek, teoriaz, Interneten edozein dokumentu aurkigarria izatea bideratzen du. Baina horretarako gutxienez pare bat baldintza betetzea beharrezkoa da:

• erreferentzia digitaletan zenbait arau estandar jarraitzea, batez ere metadata edo datu digitalei buruko datuei dagokionez. Honetaz onena W3C-ko Metadata Activity kontsultatzea da edo zuzenean The Dublin Core Metadata Initiative -ra jotzea.
• erreferentzietara akzeso irekia uztea. Hau da, Interneterako formato itxiak, arraroak, flash-ekin eginak, 3wc-ren arauak betetzen ez dituztenak,... ez erabiltzea. Esate baterako. Open Archives Initiative -k proposatutako OAI estandarra erabiliz.

Horrela, Internetera konektatzen den edozein pertsonarentzat edozein dokumenturen erreferentzia aurkigarri izan beharko litzateke eta horrela uste dugu eta uste dute askok sortzen joango direla etorkizuneko Interneteko liburutegi digitalak.

OAI: Interneteko liburutegi nazional baterako abiapuntu

Horren inguruan ibili gara ikertzen azken hilebeteetan CodeSyntax eta Deustuko Unibertsitateko DELi taldekoek eta asteartean Durangoko Azokan, Joxe Aranzabalen esanetan aurkezpen interesgarria egin zuten Josu Azpillaga, Luistxo Fernandez eta Joseba Abaitua lagunek: OAI: estandar ireki bat, Interneteko liburutegi nazional baterako abiapuntu izenekoa.

Ederto azaltzen du Luistxo Fernandezek Ingelesen hilerrian nola Interneteko Liburutegi nazionala OAI-rekin ez den utopia bat oso proiektu posiblea baizik, eta nola Liburutegi nazionala argitaldari bakoitzaren eta guztien eskuetan dagoen, eta nola liburutegia, sarea bera den. Eta ederki erakutsi zuen Josu Azpillagak nola funtzionatzen duen OAI modu errealean, DELiko kideen laguntzarekin prestatu zuen demo edo aplikazioari esker.

MARC - MAchine- Readable Cataloging, eta OAI

Baina, zalantzarik balego, argitu beharra dago OAI estandarrak ez duela gaur egun erabiltzen diren MARC edo MARC21 bezalako beste estandarrak ordezkatzea nahi, baizik eta Interneterako hauek osatzea.

OAI estandarra liburu, dokumentu, artikulu zientifiko, etabarrei buruzko informazioa Internet bidez trukaketzeko dago pentsatua.

Eta gure ustez OAI-k bideratzen duen trukaketa honek eskaintzen duen akzesibilitate edo eskuragarritasunak egingo du posible Internet osoko liburutegia edo, nahi bada, gai espezifikoen araberako liburutegiak, esate baterako.

MARC (MAchine- Readable Cataloging) katalogazioarako formato estandarra da eta honekin lan egiten dute gaur egun liburutegi askok. Baina ez dago informazioa internet bidez trukatzeko pentsatua eta, gainera, normalean formato hori ez dute erabiltzen argitalpen etxeak, interneteko webguneak, liburu dendak edo liburu, dokumentu, artxibo, tesien,.. artean mugitzen diren beste eragile askok.

OAI estandar sinpleagoa da eta ez bakarrik liburutegiek, edozein argitaletxe, elkarte, webgune, ... erabil dezake Interneten bere informazioaren zabalkundea bideratuz.

Gainera, Digital Library Federation (DLF) konsortiumak OAI estandar ekimena bultzatzen dihardu eta DLF delakoaren atzean British Library, California Digital Library, Carnegie Mellon University, Columbia University, Cornell University, Council on Libraries and Information Resources, Dartmouth College, Emory University, Harvard University, Indiana University, Johns Hopkins University, Library of Congress, Massachusetts Institute of Technology, National Archives and Records Administration, New York Public Library, New York University, North Carolina State University, Pennsylvania State University, Princeton University, Rice University, Stanford University, University of California, Berkeley, University of Chicago, University of Illinois at Urbana-Champaign, University of Michigan, University of Minnesota, University of Pennsylvania, University of Southern California, University of Tennessee, University of Texas at Austin, University of Virginia, University of Washington, Yale University,... bezalako liburutegiak daude. Hau da, munduko liburutegi aurreratuenetarikoak!

BioMed Central: OAI-ren adibidea datu-emailearen aldetik

OAIren bidez liburu, artikulu, tesiak eta abarren informazioa nola zabaltzen den erakusten duen adibide majoa BioMed Central webgunean dugu.

Oso ekimen erabilgarria eta irekia da bere arlo konkretuan (Medikuntza eta Biologia), eredu edozein argitaletxe edo elkarte kultural bere arlo konkretuan eredu izan daiteken bezala. Baina, ikusi nola errazten duten BioMed-ekoek informazio banaketa: Link tu us edo Using BioMed Central's open access full text corpus for data mining research atalean. Bai, modu ezberdinetan - XML, OAI eta abar -, informazio jaso eta emateko prest daudela azaltzen dute.

Gainera, BioMed Central-en zehazki atal bat dago OAI bidez informazio zabalkundea errazteko: BioMed Central and the Open Archives Initiative eta hor ematen dute OAI formatoan bere informazioa jasotzeko URL-ak http://www.biomedcentral.com/oai/2.0/ esate baterako, metadatuen formatoak, etabar.

Berdin egin dezake edozein argitaletxe, unibertsitateko fakultate, herri liburutegi, elkarte, udal batzorde, ... horrelako orri bat sortuz bere webgunean, azalpenak emanez eta bere liburu, artikulu, ikerketa, eskuizkribu, dokumentuei ... OAI formatoetarako lotura emanez.

Horrela bere material eta informazioaren zabalkundea erraztuko dute, Internet bidez mundu osoari (baita ere aldameneko herriari) liburu edo dokumentu hori non dagoen jakin araziko diote.

Gero norberak erabakiko du zer edo nola eman: liburu, dokumentu edo informazio hori osorik, zatika edo laburpena eman libreki, saldu, erregalatu erregistratu ondoren, maileguan utzi, ... edo nahi duena. Baina, lokalizazioa, hau da, non dagoen eta nolako informazioa den jakitea, guztiz erraztuko du.

MARC eta OAI-ren arteko osagarritasuna

Aurrerago esan bezala, formato biak, MARC eta OAI, osagarriak dira:

OAI estandarrak MARC eta beste formato askorekiko loturak edo konbertsioak eskaintzen ditu. Era berean, MARC-ek OAI eta Dublin Core-rekin loturak edo konbertsioak ematen ditu XML-ren bidez.

MARC-etik OAI-ra, konbertsioa:

• MARC XML to OAI Encoded Simple Dublin Core Stylesheet

OAI-tik MARC-era, konbertsioa:

• OAI MARC to MARC XML Stylesheet

Etorkizuneko Liburutegiak

Esan bezala, adibide grafiko politak jarriz, ondo azaltzen du Luistxok etorkizuneko (edo bihar bertan hasteko) Liburutegi nazionala .

Tresnak badaude, dirudienez interesa ere. Bultzakadatxo bat eta denon gogoa baino ez du behar eraikitzen hasteko.

Etorkizuneko liburutegiak, web semantikoarekin erlazionatuta dauden OAI bezalako tresnekin lotuta daude eta esanda dagoen bezala, Liburutegi nazionala argitaldari eta agente bakoitzaren eta guztien eskuetan dago, eta liburutegia, sarea bera da.

Oso gertu, Akitanian, hasi dira OAI erabiltzen: adibidea datu biltzailearen aldetik

Frantziako Kultura Ministeritzako prentsa ohar batean irakur daiteke honako hau:

Banque Numerique du Savoir Aquitain BNSA edo Akitaniako Jakintzaren Gordailu Digitala delakoaren webgunean, iturri askotatik jasotako datu ezberdinak (artxiboak, argazkiak, dokumentuak,...) kontsultatu ahal izango dira OAI, Open Archives Initiative, protokoloari esker:

"Ce site portail permettra d'interroger de manière commune plusieurs sources de données hétérogènes (archives, photos, documents, etc.), par l'utilisation du protocole OAI."

"Développé dans le cadre de la Banque Numérique du Savoir Aquitain (BNSA), le projet Portail Aquitaine, propose un portail mettant en réseau des sources de données hétérogènes, réparties sur les serveurs des différents partenaires. Les différentes ressources sont indexées dans un format standard de métadonnées (Dublin Core), leur intégration dans le portail se faisant par collecte automatique des métadonnées (utilisation du protocole OAI- cf. infra)."

Akitaniako jakintzaren gune horren beta bertsioan dioenez , datu base ezberdinen heterogeneitatea gainditzeko eta iturri ezberdinak integratzeko Dublin Core eta OAI-PMH protokoloak erabiltzen dituzte:

Les sources d'information sont très hétérogènes, dans leurs objectifs, leur contenu, leur structure et leur moyens de mise en oeuvre. Par exemple, certaines informations sont difusées par des sites Web statiques standards, d'autres avec métadonnées, certaines proviennent de bases de données très structurées mais utilisant des outils anciens. Enfin, certaines sont offertes à l'aide de protocoles normalisés et récents pour l'échange de métadonnées.

Pour tenir compte de cette diversité (scientifique, technique et documentaire), deux outils sont utilisés par le prototype:

1. Un format de description commun, ou pivot, basé sur le Dublin Core mais légèrement enrichi. Ainsi, toutes les ressources sont intégrées dans le site sous la forme d'une fiche descriptive respectant ce format.
2. Une exploration et une indexation des fiches descriptives à l'aide d'un protocole normalisé: OAI-PMH, conçu pour répondre exactement à ce genre de besoin.

Kasu honetan arlo konkretu bateko datu-uzta edo jasoketa egiten da: Akitaniako Kultura.

Momentuz BNSA, leku hauetatik jasotzen ditu datuak.

Baina, esate baterako Bibliotheque National de France delakoaren Gallica liburutegi digitalak bere datuak BNSA-ren uzta biltzaileari ematen dizkion bezala, beste uzta biltzaile bati eman diezaizkioke. Horrela, BNSA-ari Akitaniari buruzko dutuak emago dizkio eta beste lurralde bati, Bretainari adibidez, bere interesekoak.

Horrela, beste misteriorik gabe, osatuko dira Liburutegi digital tematikoak.

Berdin, Akitaniako Museoei buruzko Le site des musees aquitains kasuan . Bere informazioa eta bere argitalpen eta erreferentziak ditu , baina horien zabalkunderako, Banque Numérique du Savoir Aquitain - BNSA guneari ematen dizkio bere datuak, baina berdin emango dizkio Frantzia edo Europa edo Mundo osoko Museoen datuak biltzen dituen gune batera.

Bada hori, jarraitzeko beste adibide bat!

Oso gertu, Akitanian, hasi dira OAI erabiltzen: adibidea datu biltzailearen aldetik

Frantziako Kultura Ministeritzako prentsa ohar batean irakur daiteke honako hau:

Banque Numerique du Savoir Aquitain BNSA edo Akitaniako Jakintzaren Gordailu Digitala delakoaren webgunean, iturri askotatik jasotako datu ezberdinak (artxiboak, argazkiak, dokumentuak,...) kontsultatu ahal izango dira OAI, Open Archives Initiative, protokoloari esker:

"Ce site portail permettra d'interroger de manière commune plusieurs sources de données hétérogènes (archives, photos, documents, etc.), par l'utilisation du protocole OAI."

"Développé dans le cadre de la Banque Numérique du Savoir Aquitain (BNSA), le projet Portail Aquitaine, propose un portail mettant en réseau des sources de données hétérogènes, réparties sur les serveurs des différents partenaires. Les différentes ressources sont indexées dans un format standard de métadonnées (Dublin Core), leur intégration dans le portail se faisant par collecte automatique des métadonnées (utilisation du protocole OAI- cf. infra)."

Akitaniako jakintzaren gune horren beta bertsioan dioenez , datu base ezberdinen heterogeneitatea gainditzeko eta iturri ezberdinak integratzeko Dublin Core eta OAI-PMH protokoloak erabiltzen dituzte:

Les sources d'information sont très hétérogènes, dans leurs objectifs, leur contenu, leur structure et leur moyens de mise en oeuvre. Par exemple, certaines informations sont difusées par des sites Web statiques standards, d'autres avec métadonnées, certaines proviennent de bases de données très structurées mais utilisant des outils anciens. Enfin, certaines sont offertes à l'aide de protocoles normalisés et récents pour l'échange de métadonnées.

Pour tenir compte de cette diversité (scientifique, technique et documentaire), deux outils sont utilisés par le prototype:

1. Un format de description commun, ou pivot, basé sur le Dublin Core mais légèrement enrichi. Ainsi, toutes les ressources sont intégrées dans le site sous la forme d'une fiche descriptive respectant ce format.
2. Une exploration et une indexation des fiches descriptives à l'aide d'un protocole normalisé: OAI-PMH, conçu pour répondre exactement à ce genre de besoin.

Kasu honetan arlo konkretu bateko datu-uzta edo jasoketa egiten da: Akitaniako Kultura.

Momentuz BNSA, leku hauetatik jasotzen ditu datuak.

Baina, esate baterako Bibliotheque National de France delakoaren Gallica liburutegi digitalak bere datuak BNSA-ren uzta biltzaileari ematen dizkion bezala, beste uzta biltzaile bati eman diezaizkioke. Horrela, BNSA-ari Akitaniari buruzko dutuak emago dizkio eta beste lurralde bati, Bretainari adibidez, bere interesekoak.

Horrela, beste misteriorik gabe, osatuko dira Liburutegi digital tematikoak.

Berdin, Akitaniako Museoei buruzko Le site des musees aquitains kasuan . Bere informazioa eta bere argitalpen eta erreferentziak ditu , baina horien zabalkunderako, Banque Numérique du Savoir Aquitain - BNSA guneari ematen dizkio bere datuak, baina berdin emango dizkio Frantzia edo Europa edo Mundo osoko Museoen datuak biltzen dituen gune batera.

Bada hori, jarraitzeko beste adibide bat!

Abenduan gaude, beraz 2005 urteari begira joera garrantzitsuenen zerrenda ugari argitaratuko dira egun hauetan, baina Red Herring The Business of Technology erreferentzia fidagarritzat dut Teknologia eta berrikuntzaren kontu hauetan.

Bakarrik urte beterako aurreikuspena da, eta horregatik ez dirudi oso arriskatua, baina teknologiak duen abiadura kontutan izanik ez da gutxi.

Artikuluaren hasieran Red Herring-en bertan aitortzen duten bezala, denbora gutxi barru erridikuluak gera daitezke joera nagusien iragarpen hauek, baina ... hala ere, hona hemen Red Harring online aldizkariak 2005 urterako aurkeztu duen zerrenda . Luzapenak eta azalpenak emandako loturetan.

Seguru hurrengo egunetan zerrenda gehiago aurkituko ditugula.

World Changing -en irakurri dut aste honetako New York Times Magazine aldizkariak 2004 urteko ideen bilduma dakarrela.

Erregistratu beharra dago, baina doan da, eta bertan The Year in Ideas: A to Z. aurkituko duzu. Beste modu batera esanda, urteko tendentzia edo joera aipagarriak. New York Times Magazinek zerrenda ateratzen duen laugarren urtea da.

Aurtengoan, Acoustic Keyboard Eavesdropping-tik You Don't Need Superstars To Win-era.

Tartean, kuriosoa New York bezelako metropolian Micropolis, The bezelako ideia urtekoen artean zerrendatzea. Baina, aurten hauteskundeak izan dituzte eta Bush-en aldeko botoa Mikropolis hauetatik (50.000 biztanle baino gutxiagoko eremuak) dator era masiboan.

Izan ere, eremu mikropolitano hauetan Bush-ek %60.6 portzetaia lortu zuen, Kerry-k % 39.2 lortzen zuen bitartean. Eta erabakikorra izan zen Ohio Estatuan, 29 eremu mikropolitanotik 27k gorri (errepublikano-Bush) bozkatu zuten, Bushen garaipena zihurtatuz.

Aipatutako webgunean urteko beste ideia asko. Oso AEB-koak batzuk noski ( Fertile Red States edo saski-baloiko arazoei buruzko 3-Point Problem, The ), baina globalak eta deigarriak beste batzuk: Skin Literature , Dumb Robots Are Better edo Giga-Waves .

STEPHEN HAWKING gizon prudentea eta azkarra da

Aurrekoarekin zerikusirik ez daukan zenbaki berdineko artikulu batean elkarrizketa bat egiten dio Deborah Solomon-ek Stephen Hawking irakasle famatuari.

Lehen galdera hau da:

• Zein uste duzu dela fisika munduan aurten agertu den ideiarik inportanteena?

Eta Hawking -ek gizon prudente eta azkarra dela erakusten du erantzunean:

• Ez dugu jakingo urte batzuek pasatu arte.

Ez dakit New York Times-eko magazine horretako artikulugileek erlaziorik duten....

Bilbo inguruan eraiki nahi omen duten ikerkuntzara zuzendutako makro-zentru baten inguruan, albiste ez oso argiak publikatu dira azken egun hauetan.

Abenduaren 4an, Deia-k Europa Pressetik jasotako informazioa zekarren: PSE pide al Gobierno vasco que plantee ante el Ejecutivo Zapatero su deseo de crear una infraestructura de Gran Ciencia. Albistean ez zen kosturik aipatzen.

Ostiralean, Proyectan crear en Vizcaya un centro de referencia mundial en la lucha contra el cancer irakurri genuen El Correon. Albistearen arabera, Jaurlaritza eta Madrileko Gobernuak EHU-ko ikerlari batzuek proposatutako 300 miloi euroko inbertsioa beharko lukeen zentruaren eraikuntza aztertzen ari ziren.

Hurrengo egunetan Jesús Loza, Isabel Celaa eta Blanca Roncal ordezkari sozialistek prentsaurrekoa eman zuten: ikerkerta makro-zentru hori eraikiko ez balitz, Jaurlaritzaren, eta zehatzago, EAJ-ren errua izango litzateke. Arrazoia, laburbilduz, Jaurlaritzak ordaindu nahi ez duelako, eta dena Madriletik ordaintzea eskatzen duelako. Gainera lidergo falta leporatzen zioten EAJ-ri. El PNV pretendia que el Gobierno central pagara el gran centro cientifico de Euskadi da artikuluaren izenburua.

EAJ-ren eskaerak bere logika zeukala iruditu zitzaidan. Aurrekontuen onarpenaren inguruko negoziaketa koiunturalak aparte, Madrileko Gobernuak ez du ikerkuntza trasferentziarik eman eta ez du EAE-n Ikerkuntza Zentrurik eraikitzeko ia inbertsiorik egin. CSIC Consejo Superior de Investigaciones Cientificas delakoaren ia zentru denak Madrilen daude. Beraz, arlo horretan eskaerak egitea, makro-ikerketa zentrua zuzenean Madrilek ordaindu edo kupotik deskontua eginez eskatzea logikoa zirudien.

Gaur EAE-n ditugun ikerkuntza zentruak, parke teknologiko edo enpresetan eta unibertsitateetan ikerkuntzara zuzendutako saiakerak, hemendik bultzatuak eta sortuak dira. Azken adibidea, Erregeen bisita dela eta hain aipatua izan den MCC-eko Polo Garaia ikerketa eremua: kooperatibek landu eta bultzatu dute.

Gaur, beste ikuspegi batetik El Correo eta Diario Vasco -n EHU-ko Bio-Kimika Katedraduna eta Jaurlaritzako Zientzia Politikarako zuzendaria izan zen Felix Goni jaunak idatzitako artikuluan, ¿Un centro de referencia mundial en Vizcaya? galdetzen du.

Laburbilduz, bere ustez hutsetik hasita horrelako zentru bat sortzea ezinezkoa da. Arrazoi ezberdinengatik ez da posible, aipatu den bezala, Zientziaren Guggenheim berria sortzea. Ez da bakarrik diru kontua.

Minbizia edo Partikulen Fisikaren ikerkuntzara zuzendutako zentroa eskatzen den ez dago oraindik argi. Baina, hori albo batera utziz, horrelako zentro batek, inguruan ikerkuntzako azpiegitura, superegitura eta know how indartsuago beharko luke. Gaur egun ez duguna. Horrelako zentru batek, bere arloko jakintza zientifikoaren sarea behar du, ezin da hutsetik eraiki eta inguruan tamaina ertain eta txikiko beste ikerketa zentruak behar ditu. Horrelako proiektu batek, pertsonak behar ditu, pertsona jakintsuak eta trebatuak ikertu nahi den eremuan, Nobel saridunak ahal izanez gero.

Beraz, gaurko egoeratik abiatuz, zaila ikusten du hori guztia lortzea, baina beste askok bezala etorkizuna jakintza eta ikerkuntzan dagoela konbentzituta dagoenez, Zientzia Estatu Paktua eskatzen du.

Ez zaio arrazoia falta Feliz Goñiri, zaila dirudi horrelako zentru arrakastatsua lortzea. Baina, artikulu amaieran apatzen duen bezala, are zailago azken finean egun hauetan ikusi duguna aurre-kanpainaren eszena bat baino ez delako izango: lo que se transparenta en las noticias de prensa sobre el centro mundial de fisica de particulas/oncologia es un episodio mas de las rivalidades entre partidos. Bere baikortasunean, iritzian oker izatea espero du.

Etorkizunari begira, erreferentzia mundiala ez bada ere, ondo etorriko da ikerkuntza azpiegitura eta sarea indartzea.

Gehituta, 2004.12.15

Harvard Business School-eko HBS Working Knowledge aldizkariko azken zenbakian berrikuntza sareen garrantzia aipatzen dute: ezagueraren arlo konkretu bateko puntako I+G sareak mundu txikiak dira, mundu mailan estu elkar lotutako ikertzaileek osatzen dituzte, eta zaila da, hutsetik hasita, nodo edo gune berriak sortzea.

Eguneratuta, 2005.01.03

Gaurko Correok Un proyecto ilusionante izenburua duen artikulua du. EHU-ko Manuel Tello (Teknologia eta Industria Sailburu Orde Ohia), eta Fernando Legarda katedradunak eta Sener enpresako Francisco Albisuk sinatzen dute artikulua.

Informazio nahiko nahasiekin (gaur egun ez den DG XII bat, T2 eszenategi zaharkitu bat,...) bada ere, uste dut eztabaida bere neurrian jartzen dutela, alde batetik egia delako horrelako zentru baten proiektuak ilusioa sortarazten duela diotenean, nola ez, eta baita hemen gorago esandakoarekin bat etorriaz "El primer requisito para el diseño, construcción y operación de un centro de este tipo es que en el entorno exista capacidad probada de desarrollar tecnología" esaten dutelako.

Egia biribila bai, baina agian momentu honetan posible ez delako, ez da zehazten ez zenbat diru, ez nork ordainduko duen, ez zein zientzia eta teknologia eremuari zuzendu behar den makro-zentroa, baina badirudi gehiago fisikaren eremura joten dela.

Hala ere, makro-ikerkuntza zentruaren definizioa ematen da: "un centro de esta naturaleza es una instalación dónde los usuarios, investigadores de ciencia básica o aplicada y los ingenieros y tecnólogos que trabajan en sus laboratorios, centros tecnológicos o empresas pueden acudir a realizar sus medidas. Por tanto, al ser un centro de servicios para la investigación, se debe apoyar en una plantilla tecnológica especializada en las tecnologías implicadas y en un reducido número de científicos de alta cualificación."

Besteak, definitzear suposatzen ditut...

Harvard Business School-eko HBS Working Knowledge aldizkariko Caves, Clusters, and Weak Ties: The Six Degrees World of Inventors artikulu-elkarrizketa aipatzen dute Future Now blogean berrikuntza prozesuan sareen eta ikertzaile edo inbentoreen arteko hartuemanen garrantzia azpimarratzeko.

Batez ere, sare eta harremanen garrantzia goraipatzen du Lee Fleming Harvard Business School-eko irakasleak Sara Grant-ek egindako elkarrizketan.

Nire ustez, Fleming-ek dioena bat dator blog honetako aurreko komentarioan esaten zenarekin. Azken finean, ezagueraren arlo konkretu bateko puntako I+G sareak mundu txikiak dira, mundu mailan estu elkar lotutako ikertzaileek osatzen dituzte, eta zaila da, hutsetik hasita, nodo edo gune berriak sortzea.

flickr lagun askok erabiltzen duten argazki zerbitzua da: Joxe Aranzabal edo Josu Azpillaga -k esate baterako. Joxeren Faro blogeko mezu honetan ari dira Joxe, Josu eta Luistxo flickr-en erabilpenari buruz.

flickr-en XML bitartez ezagutarazi ditzakezu zure argazkiak eta, besteak beste, tag bitartez sailkatu.

Tag bat argazki, albiste, lotura edo edozein informazio baten identifikatzailea da. Luistxok bere blogean tag convergentes kontzeptua erabili du eta Luistxok asmatutako sistemaren bidez Sustatuko Jamaika atalean tag-ak nola erabiltzen ditugun azaltzen du . Mezuan aipatzen den bezala, antzerako moduan beste batzuek erabiltzen hasiak dira.

Lan kolaboratiboa da. Hau da, askoren ekarpen txikiak lan handi eta txukuna egiteko. Web semantikoak bideratu dezakeen zerbitzuen hastapenak dira, etorkizunean era honetako gauza handiak ikusiko ditugu.

Beno, bada ildo horretan flickr-ekoek Geo-location of tagged images on flickr.com izeneko Mappr, mappr.com , zerbitzua asmatu dute.

Kasu honetan, tag eta beste identifikatzaile batzuen bitartez (tokia, egilea, azkenak) argazkiak mapifikatu egiten dira. Laster zabalduko dute flickr erabiltzaileei. Jamaika ikusteko!!

Epe laburrari begira, 2005 urteari, aurreikuspen gehiago aurkitu ditut sarean.

Beti interesantea den Jose Luis Orihuela-ren eCuadernon ikusi ditut: Predicciones 2005: Blogosfera , non Atalaya -ko Juan Julian Merelo-renak jasotzen dituen. Bertan Predicciones 2005: Web Design diseinuari buruzko aurreikuspenak, apur bat absurdoak.

Baita, blog berean: Predicciones 2005: Media . Normala hainbeste ikustea gauden egunetan, urte amaierari hurbiltzen.

Eta balantzeak? VDL2-k bai.

Askotan, baina, esandakoari buruzko balantzea egitea falta da. Zertan asmatu duzun eta zertan ez. Horregatik urtero vdl2 kanadiarren aurreikuspenen eta urteko balantzeen zai egoten naiz.

Inoiz Sustaturako euskaratu ditut aurreikuspenak zein balantzeak

Egun gutxi barru bereak argitaratuko dituztela suposatzen dut.

Prospektibak ez du helburutzat etorkizuna asmatzea

Baina Prospektibak ez du helburutzat etorkizuna asmatzea, bai zera. Prospektibaren helburua etorkizuna eraikitzen laguntzea da. Ez dago etorkizuna asmatzerik. Hori dioenak gezurra dio. Patuan sinistea litzateke. Erdi-arora bueltatzea litzateke.

Prospektibaren helburua etorkizun posible guztiak antzematea da, ez etorkizuna nolakoa izango den aurreikustea edo asmatzea. Eta etorkizun posibleen artean gogokoen duguna, helburutzat duguna, gura dugun etorkizuna lortzen laguntzea da prospektibaren helburua.

Hala ere, joerak aztertzeak laguntzen digu etorkizun posibleak antzematen eta, adituen usteetan, probableenak zeintzuk diren ikusten. Horregatik beharrezkoa adituek diotenaren jarraipena egitea ...

Mappr zerbitzua azaltzerakoan eta interneteko flickr edo del.icio.us bezalako zerbitzuak aipatzerakoan, tag edo identifikatzaile batzuen bitartez argazki, albiste, lotura edo edozein informazio sailkatu daitekela esaten zen.

Kasualitatez, gaur IFTF's Future Now. Emerging technologies and their social implications blogean Flickr and folksonomies (Flickr eta folksonomiak) izeneko artikulua ikusi dut eta bertan tag, identifikatzaile edo sailkapen mota sinple hauen erabilgarritasuna aipatzen da.

Metadatoen bitartez, Dublin Core protokoloa erabiliz esate baterako, informazioak sailkatu daitezke era profesional batean. Baina, interneteko erabiltzaile arrunt batek argazki bat sailkatzeko ez du erabiliko horrelako protokoloa, gaitza eta astuna egiten zaiolako, denbora dexente behar duelako eta Internet medio azkar bat delako.

Kasu hauetan, modu azkarrean, di-da batean, jendeak bere sailkapen propioak egiten ditu, norberari egokiak iruditzen zaizkion berbak erabiliz. Adibidez, nik nere sailkapen propioa daukat, nik aukeratutako hitz klabeekin, del.icio.us zerbitzuan. Berdin egiten dute beste erabiltzaile askok.

Baina, normala denez, bere informazioak sailkatzerakoan jendeak hitz edo klabe berdinak erabiltzen ditu behin eta berriro. Errepikatu egiten ditugu identifikatzaileak.

Esate baterako, etorkizunari buruzko gauzak aurkitzen ditudanean, beste jende askok bezala future hitza erabiliz sailkatzen ditut.

Bada, modu informalean sozialki sortzen diren kategoria hauetarako izena asmatu dute: a folksonomy.

Asmatzailea Thomas Vander Wal omen da: Thomas Vander Wal, in his reply, coined a great name for these informal social categories: a folksonomy, irakurtzen dut Gene Smith-en Folksonomy, social classification artikuluan.

Ezagutzen ez nuen terminoaren erreferentzia asko sarean: Alex Wright: semantic web webgunean , nola sortu folksonomia bat , Corante. Social Software blog eta beste asko.

Hala ere, oraindik eztabaida handiak izango dira, bai horrelako sailkapen arruntetan bai ontologien sorrera eta erabilpenean. Nola egin behar ditugu sailkapenak? informazio terminoak eta elkarketaren arabera? erabiltzailearen hizkuntza kontutan izan beharko dugu?

Arthur C. Clarke zientzia-fikzio idazle moduan oso ezaguna da. Bere 2001: A Space Odyssey Liburua zein Stanley Kubrick-en filma arrakasta handia lortu zuten eta historiarako geratu dira.

Baina, Arthur C. Clarke idazlea izateaz gain, zientifikoa zen eta satelite eta telekomunikazioei buruz hainbat lan eta idatziak egin zituen. Esate baterako, Wikipediak dioenez GEO edo orbita geoestationarioak , Clarke orbitak bezala ezagutuak dira.

Beno, ba 86 urterekin Informazio Gizarteari buruz hitz egin du , baina teknologikoa edo zientzia-fikziozkoa baino gehiago, kutsu soziologikoa hartzen diot esaten duenari:

• Sorkuntza Clarke-ri leporatzen dioten sateliteen bidezko komunikazioari buruz: komunikatzeko sortutako espeziea gara. Teknologikoki posible bada, arin egingo dugu. Horregatik Interneten hedapen azkarra.
• Telebista eta hezkuntzari buruz: Pantaila munduari begira dagoen lehioa da. Pixkanaka, oso txarra izan arren, lehio hori izatea, ez izatea baino hobea delaren ondoriora ailegatu da.
• Zentsurari buruz, konparaketa on bat: gure aurrekoak laster ulertu zuten bezala inork esan gabe inork ez zituela derrigortuko liburutegi bateko liburu guztiak irakurtzera, horrela ikasi behar dugu guk gaur egun eskura dugun informazio guztiarekin.
• Antzerako hausnarketa informazio gehikeria edo Cornellak dioen bezala infoxikazioari buruz: Strangely, as history has shown, our species survived that earlier deluge of information, and some say, even advanced because of it. I am not so much concerned with the proliferation of information as the purpose for which it is used. Technology carries with it a responsibility that we are obliged to consider.
• Etorkizuneko teknologiei buruz: ekar dezakeen aldeketengatik, ahotsaren errekonozimenduan ikusten aurrerakuntza handiena. Niri William Crosman -en VIVO-ak gogorarazi dizkit.
• Bioteknikak aipatzen ditu. Braincap izeneko tresna bat esate baterako, nanoboten ondorengoa, baina urruti, 3001-erako, ikusten du Clarke-k bere 3001: The Final Odyssey liburuan.
• Informatikak hizkuntzari ekar dizkion aldaketa edo aportazioak aipatzen ditu: Computers have introduced words and phrases into our language, which would have been utterly meaningless only a few decades ago. Could your grandparents have understood your anguished cry "My laptop has crashed?" And what would they have made of "megabytes", "hard drives", "back-ups" or "Googling"?

Ez ditut ondoegi ulertzen, baina klikatzen , blogista , Andu Lertxundik bere zutabean aipatu edo informatikariek erabiltzen dituzten antzerako beste hainbeste berba datoz burura ...

Europan, Batasunaren Tratatua dela medio, pertsona, langile, kapital edota zerbitzuen zirkulazioa libre da. Baina, honen inguruan, errealitatean zenbait paradoxa eta eztabaida ematen ari da.

Esate baterako, gaur Tubbydev blogean eta Liberation egunkarian salatu egiten dituzte Bolkestein direktibaren ondorioz ematen ari diren praktika batzuk. Zenbaitek esklabismo modernoa dela uste dute.

Kasu hau Suedian eman da. Suediako sindikatu batek Letoniako enpresa bat salatu du: Suedian lan egiten zuen baina Letoniako lan baldintzak aplikatuz eta horrela, prezio merkeagoak eskainiz, zenbait lan lortzuen zituen Suedian ... Dumping Soziala... etxean bertan!!

Un syndicat suedois denoncait le dumping social d'une entreprise lettone construisant une ecole a Stockholm. La justice lui donne raison. , dio Liberationek.

Arrazoia dute. Eta zoritxarrez, baina seguruenez, Europa osoan lan baldintzak eta orohar, bizitza baldintzak berdindu arte, horrelakoak sarri ikusiko ditugu.

EAE-n, Espainako konbenioak dituzten enpresak ari dira lanean, bertako enpresen kalterako, azken hauek ezin bait dute prezioetan lehiatu soldaten kostoak askoz ere txikiagoak dituzten estatuko enpresekin. (normalean konbenioak baxuagoak dira Espainian EAE-n baino)

Baina ez dut uste, epe luzeari begira behinik behin, lehiakortasunaren borroka soldaten murrizketan dagoenik. Abantaila, zerbitzu hobeen bitartez, bezeroei balio erantsia ematean dago seguruenez. Horretara egokitu beharko dugu suediarrak ... eta euskaldunak...

EPIC 2014, gaur egun Google, Microsoft edo Sony-k egiten ari direna extrapolatuz, komunikabideen etorkizunaren historia ezagutzeko aukera paregabea da, Aaron McLeran -en musikarekin Robin Sloan eta Matt Thompson-ek egin duten bideo labur batean.

Creative Commons lizentziapean transkribitu egin zuen Robin Good -ek bere blogean. Interesantea iruditu zaidanez eta Prospektiba izeneko blog honetan jorratzen diren gaiekin zerikusia duenez euskaratu egin dut.

EPIC 2014 edo komunikabideen historia 1984tik 2014era atera zen "The Museum of Media History"-tik eta Internet-en bueltaka dabil, toki askotan kokatuta dauden zerbitzarietan dago bideoa ikusteko eta historia irakurtzeko aukera ...

Nola ez, kritikak plazaratu dira. Oso sinplea dela Google eta Microsoft-en arteko leiara mugatzea. Hor daudela Yahoo, eBay, AOL, Fox, Technorati, Bloglines, Daypop, 20six, Sixapart Flickr eta Userplane, eta bereak egingo dituztela. e-paper edo paper elektronikoak ez duela arrakastarik izango. Edo ADN informazioa eta nanoteknologiei esker informazioa gizakiok eramangarria egiteko joerak ez dituela kontutan izan.

Halere, interesantea delakoan, hor doa etorkizuneko historia edo eszenategi hau:

Museum of Media History 2014 - 2014 Komunikabideen Historiaren Museoa

Ordurarte jendeak imagina ezin zuen informazioaren dimensio batera akzesoa du 2014 urtean.

Mundu guztiak, era batean edo bestean, parte hartzen du.

Hau da, mundu guztiak parte hartzen du komunikabide dinamikoen sorreran. Baina, Prentsa, gaur egun ezagutzen dugun moduan, ez da existitzen. Laugarren Boterearen indarra eta fortunak bertan behera egin dute. XX mendeko albisteen erakundeak alperrik joandako urak dira, duela gutxiko aztarnak baino ez.

XX mendearen bukaeran hasi zen 2014 urterako bidea...

Suitzako CERN partikula fisikaren laborategiko informatikari batek, Tim Berners-Lee , World Wide Web sarea asmatu zuen 1989 urtean.

Geroago, 1994 urtean, Amazon.com -en sorrera ezagutu genuen. Bere fundatzaile gazteak den-dena salduko zuen denda batean amesten zuen. Amazon eredua, Internet bidezko salmenten eredua izango zena azkenean, automatikoki egindako gomendio pertsonalizatuetan oinarritzen da. Iradokizunak egin ditzakeen denda bat.

Bi urte beranduago, 1996 urtean Standford-eko bi programatzaileek Google sortu zuten. Bere algoritmoak gomendio bezela tratatzen ditu loturak, eta printzipio honek munduko bilaketa motore efektiboena indartzen du.

Denbora eta publizitateen mugak gaindituz TiVo -k telebista aldatzen du 1999 urtean. Frogatu duen ia inor ez da bueltatzen ohizko sistemara.

Urte berean, Pyra Labs izeneko punto.com batek blogger asmatzen du, argitalpenerako tresna pertsonala.

Friendster 2002 urtean hasten da eta milaka gazteek sinistu ezinezko bere bizitzen, bere interes eta bere sare sozialen mapa zehatzekin osatzen dute. 2002 urtean ere Googlek Google News kaleratzen du: albisteen atari bat. Albisteak sortzen dituzten erakundeak dardarazka daude. Google News ordenagailuekin editatzen da erabat.

Googlek Blogger erosten du 2003 urtean . Googleren planak misterio hutsa dira, baina Blogger gainean erakutsi duen interesa ez da arraroa.

Hurrengoa, 2003a, blogaren urtea da.

Dena hasi zen urtea bezala gogoratuko zen 2004 urtea.

Reason Magazine -k bere harpidedunei azalean bakoitzaren etxearen satelite bidezko argazkia eta barnean informazio pertsonalizatua duen alea bidaltzen dizkie.

Sony eta Philips-ek serietan egindako lehen paper elekronikoa kaleratzen dute.

Google-k GMail ateratzen du, gigabyte bat erabiltzaile guztientzat.

Microsoftek Newsbot kaleratzen du : albiste zerbitzu eta filtro bat.

Amazon-ek A9 kaleratzen du, bilaketa motorea Googleren teknologian oinarrituta eta Amazon-en gomendioak gehitzen dituena.

Eta orduan Google publikoa egiten da .

Kapital berriaren uholdearekin, konpainiak erosketa handiagoa egiten du. Google-k TiVo erosten du.

Googleren mugimenduei erantzunez Microsoft-ek Friendester erosten du 2005 urtean.

Urte bete beranduago, 2006 urtean, Google-k bere zerbitzu guztiak konbinatzen ditu, TiVo, Blogger, GMail, Google News eta denak, Google Grid-en bilatzen dituzte. Mota guztietako edukiak gorde eta trukatzeko eskaintzen duen plataforma unibertsala sortzen du: informazioa gordetzeko mugarik gabeko banda zabalera eta espazioa. Beti On Line eta edozein tokitik eskuragarri. Erabiltzaile bakoitzak bere pribatasun maila erabakitzen du. Norberak erabaki dezake dena modu pribatu eta seguruan Google Grid-en gorde edo mundu guztiak ikus dezan publikatu. Inoiz ez da izan hain erraza, mundu guztiak berdin-berdin edukiak sortu edo kontsumitu ditzake.

Googleren igoerari aurre egiteko, 2007 urtean Microsoft-ek Newsbotster kaleratzen du, albisteen sare soziala eta kazetaritza partehartzailearen plataforma bat. Newsbotster-ek, erabiltzailearen lagunek eta ezagunek irakurtzen eta ikusten ari direnaren arabera albisteak kalifikatu eta sailkatu egiten ditu. Gainera, mundu guztiak ikusten duena komentatu dezake.

Aurten, Sony-k egiten duen ePaper-a paper erreala baino merkeago da. Newsbotster-ek hautatzen duen bidea da.

Baina Microsoft-en askonahiekin lehiatuko den aliantza sortu zen 2008 urtean. Google eta Amazonek bere indarrak batu eta Googlezon sortu zuten. Googlek Google Grid eta bilaketa teknologia mahai gaineratzen du eta Amazon-ek bere gomendio sare soziala eta azpiegitura komertziala. Elkarrekin, erabiltzaile bakoitzaren sare sozialaren ezaguera zehatza erabiltzen dute, demografia datuena, kontsumo ohiturena eta interesena, edukien eta publizitatearen erabateko pertsonalizazioa eskaintzeko.

Albisteen Gerra nabarmena da 2010 urtean, gaur eguneko albiste erakundeak ez zutelako parte hartzen.

Azkenean, Googlezon-ek xake-mate egiten dio Microsoft-i software munduko erraldoiak lortu ezin dituen funtzionalitateei esker. Algoritmo berria erabiliz, Googlezonen ordenagailuek albiste berriak dinamikoki sortzen dituzte, esaldiak eta gertaerak eduki iturri guztietatik atera eta berriz konbinatuz. Ordenagailuak albiste berri bat sortzen du erabiltzaile bakotzairentzat.

Laugarren Boterea, ordurarte lokartuta, altzatu egiten da bere lehen eta azken erresistentzia egiteko 2011 urtean. The New York Times Company -k Googlezon salatzen du, azken konpainia honek dituen "fact-stripping robot" edo arakatzaileak copyright legea zapuztu egiten dutelako. Salaketa Auzitegi Goreneraino doa, eta 2011ren Abuztuaren 4an Googlezonen alde erabakitzen du.

Igande batean, 2014ren martxoaren 9an, Googlezonek EPIC ateratzen du.

Ongi etorria gure mundura...

Evolving Personalized Information Construct deitzen da gure informazio kaotikoa filtratu, ordenatu eta banatu egiten duen sistema. Orain mundu guztiak, bere blogaren bitartez, bere mugikorraren kamararekin hartutako irudiekin, bideo erreportaiekin, edo ikerketa osoekin, parte hartzen du. Googlezonek dituen izugarrizko sarreretatik gende askok kobratzen du zatitxoa, bere ekarpenen popularitatearen arabera.

EPIC-ek erabiltzaile bakoitzarentzat eduki pertsonalizatuen paketeak sortzen ditu: bere gustoak, bere kontsumo ohiturak, bere interesak, bere kokapen demografikoa, bere sare soziala erabiliz, produktoari forma emateko.

"Freelance" editore belaunaldi berria sortu da: EPIC-eko edukiak konektatu, filtratu eta lehenetsi egiteko trebetasuna duen jendea.

Denok Editore askoren harpidetza egiten dugu; EPIC-ekin bere hautaketak nahastu eta markatu ditzakegu guk nahi dugun erara. Laburbilduz, eskarmentu gehien duten irakurleek editaturik, EPIC munduaren laburpena da, inoiz ikusi izan duguna baino askoz sakonagoa eta zabalagoa.

-----------

Zientzia-fikzioa? ez dakit bada, historia honetako zenbait gauza gertatzen ari dira jada, eta ez bakarrik 2004 urterartekoak ...

Interneten denetik dago. Gaur ikusi dudana apur bat txantxetakoa dirudi: Museum of Future Inventions edo Etorkizuneko asmakizunen Museoa. Inozente egunerako aproposa. Baina, ekimenaren atzean Coloradoko jende serioa dagoela dirudi eta, egia esan, teknologien sailkapen erabilgarria dauka.

Duela hilebete bat Slashdot blogean agertu zen aipamena, eta gaur berriro Responsible Nanotechnology blogean ikusi dut Etorkizuneko Asmakizunen Museoa

Museoa DaVinci Institute delakoaren zenbait bisionariok sortu dute AEBko Colorado estatuan.

Museoak dozena bat pabiloi proposatzen ditu:

1. Robotika
2. Energia
3. Espazioko Merkataritza
4. Teknologia lagunkoiak
5. Aisialdia
6. Garraioa
7. Komunikazioak
8. Nanoteknologiak
9. Ingenieritza Genetikoa
10. Bizitza zientziak
11. Ingurugirua
12. Bestelakoak

Zerbait faltan dagoela irizten bazaigu, beti ere asmakizun berriak proposa ditzakegu

Esan bezala txantxetako dirudi arren, jende serioek bultzatzen dute. Hamabost egun barru, The Future of Broadcast News hitzaldia antolatu dute CBS News-eko Jim Benemann -ekin.

Le Monde Diplomatique aldizkariaren 2005 urtearen urtarrileko zenbakian Ignacio Ramonet-ek komunikabideen egoeraren azterketa kritikoa egiten du. Besteak beste, "irakurle askok nahiago dute asumitua den blogisten subjetibotasun eta partzialtasuna, zenbait prentsaren objetibotasun faltsua eta inpartzialtasun hipokrita baino" idazten du.

Beti interesgarria den Ramonetek, krisian edota oso zenbait enpresa interesei oso lotuak dauden komunikabideen inguru batean blogek dakarten aldaketei buruzko errefentziak egiten ditu Medias en crise artikuluan. Egia esan harritu egin nau TF1-eko zuzendariak telebista kate horren ofizio edo zeregina Coca-Cola-ri gehiago saltzen laguntzea dela!, esaten ikusteak.

"Il y a aussi le phénomène des blogs, si caractéristiques de la culture du web, qui ont explosé partout au cours du second semestre 2004, et qui, sur le ton du journal intime, mélangent parfois, sans complexe, information et opinion, faits vérifiés et rumeurs, analyses documentées et impressions fantaisistes. Leur succès est tel qu’on en trouve désormais dans la plupart des journaux en ligne. Cet engouement montre que beaucoup de lecteurs préfèrent la subjectivité et la partialité assumées des bloggers à la fausse objectivité et à l’impartialité hypocrite d’une certaine presse."

Aurrerago Le Monde-n fundatzailea izan zen Hubert Beuve-Méry-ren berbak gogoratzen ditu: Gertaerak sakratuak dira, iritzia librea da. Baina honen aurrean gero eta sarriago, kazetariek bere eritzia sakratua dela uste dutela eta gertaerak bere eritziei gustora egokitzeko ez dutela erreparorik dio Ramonetek.

Uste dut Ramonetek komunikabideei buruz egiten duen azterketa orokorrak merezi duela. Datu eta adibide asko eskaintzen ditu.

Egia esan prentsa idatziari buruz ematen dituen datuak ez dira batere baikorrak...

Le quotidien américain International Herald Tribune, par exemple, a vu ses ventes baisser, en 2003, de 4,16 % ; au Royaume-Uni, le Financial Times a chuté de 6,6 % ; en Allemagne, au cours des cinq dernières années, la diffusion a baissé de 7,7 %, au Danemark de 9,5 %, en Autriche de 9,9 %, en Belgique de 6,9 %, et même au Japon, dont les habitants sont les plus gros acheteurs de journaux, le recul a été de 2,2 %.

"Europar Batasuna orohar hartua, azken zortzi urteetan saldutako egunkarien ale kopurua 7 miloi txikiagoa da... Eta mundu mailan, ordaindutako egunkarien kopurua bataz beste urtero %2a jaitsi da. Askok galdetzen dute prentsa idatzia ez ote den izango iraganeko aktibititatea, agortzear dagoen aro industrialaren komunikabidea" irakur daiteke Ramoneten artikuluan.

Etorkizuneko joera bezela eman beharko dugu? Beste sektore asko bezala, eraberritu beharko da? edo krisialdia gaindituko du? Oraingoz, datuek sektorearen aldaketa iragartzen dute...

Ez dakit zein produktu, zerbitzu, pertsona, erakunde, enpresa edo ekimenean, zerbait berria gehitzea edo zerbait hobetzea gustatuko litzaizuke 2005 urteari edo aurrerago begira? Bada, Future Feature webgunera joan eta han duzu aukera zure proposamena egiteko.

Joan zen igandean, abenduaren 26an, inauguratu zen Future Feature . Bezero edo erabiltzaileek etorkizunari begira zer eskatzen duten jakiteko tresna ona izan daiteke.

Asmakizuna Philipp Lenssen -ena da. Item berriak proposatu daitezke, eta momentuz gehienak amerikanoak eta Internetekin edo teknologiekin lotura dutenak dira aztergai daudenak: Amazon 2005, Apple Computer 2005 and Beyond, Bloglines, Copyright and Creative Commons, Del.icio.us, FireFox, Gmail 2005, Google 2005, ... eta beste asko, baina hasi dira politiko ( Chirac, George Bush, ...), musikari edo lurraldeen gaineko proposamenak onartzen.

Asko ez bada aldatzen edo desmadratzen, zerbitzu erakargarria eta interesagarria jendearen nahiak ezagutzeko.

Mezua idazten nengoela, Ibarretxe plana onartua izan dela irakurri dut medio askotan: Sustatun, Berrian , Joxe Aranzabalen Faroan , Xabier Mendigurenen Egunen harian , Eitb24 eta beste medio askotan. Urte amaieran gaude, baina urteko albisteetariko bat izango da, seguru.

Momentu batez burutik pasatu zait Estatuto Berriari eta bere garapenari buruzko Future Features bat egon ziteekela. Zer eskatuko lioke jendeak Legebiltzarrean onartu den Estatuto Berriari? Orain proposamena Madrilera joan behar duenez, zer eskatuko lioke jendeak Espainiako Gorte Nagusiei? Jarraitzeko moduko gaia, dudarik ez.

Urte amaiera inguruan, Jabi Zabala eta Patxi Gaztelumendi lagunek Irratia.com 2.0 -entzat abenduaren 28an egin zen 3. saiora, prospektiba eta 2005erako aurreikuspenak , gonbidatu ninduten, izenburuak dioen bezala Prospektiba eta 2005 urteari begirako aurreikuspenei buruz hitz egiteko.

Irratia.com-en aro berri honetan, Bilbo Hiria irratian asteartero 18:00-19:00 bitartean irratsaio berriak egiten dituzte, Sareko Argia Saria irabazi zuen irratia.com sareko lehen irrati digitalaren ildotik baina erabat berria den irrati saio-bitakora proiektu multimediatiko batekin.

Ez dut uste ezer berri edo orijinalik esan nuenik irratsaioan, nire asmoa adituen iritzien bilduma egitea zen, baina ni behintzat gustora geratu nintzen solasaldiaren giroarekin. Gainera, lehendabiziko Irratia.com-ek bezala aukera hori ematen duenez apur bat txateatu nuen irratiz ari nintzen bitartean.

Hasieran, prospektibaren gainean aritu ginen apur bat, eta konturatu naiz, klaseetarako erabiltzen dudan Interneteko gaztelerazko gunean definizio, apunte eta material asko badago ere, ez dudala euskarazko blog honetan prospektiba definitu.

Beno ba hor doa sarri erabiltzen den definizioa: Prospektiba, OECD - Organisation for Economic Cooperation and Development -aren arabera, epe luzera zientzia, teknologia, ekonomia eta gizartearen etorkizuna aurreikusteko saiakera sistematikoen multzoa da, helburutzat onura ekonomiko eta sozial handienak eragingo dituzten teknologiak identifikatzea duena.

Prospektiba epe luzera zuzenduta egon arren, etorkizunean aldaketak ekar dezaketeen joerei adi egon behar du, gaurko joerak etorkizunerako aldaketaren haziak izan daitezkelako.

Beraz, bigarren zati batean 2005 urterako joerei buruz aritu ginen irratsaioan. Joeren kontua ez da bapatean ematen, bizpahiru urte behar izaten dute gertaera berriak finkatzen eta indarra hartzen. Beraz, 2004 urtean ezagutu dugunaren jarraipena ere izango dugu 2005ean.

Paperezko Berrian argitaratu eta Sarean.com-en jasotzen duen 2004ak sarean eman duena artikuluan urteko bilan egokia egin du egun hauetan Jabi Zabalak.

Internet 2005 urtean

Euskalerrian Internet geldo doalaren konklusioara ailegatu ginen Patxi, Jabi eta hirurok asteartean izandako solasaldian. Okerrago ere izan zitekeen, dudarik ez. Baina hemen ez gaude punta-puntan, ezta urrutikan ere ez. Asko espabilatu beharko dugu 2005ean.

Ez dut uste 2005 urtean, duela urte batzuk gerta zen bezala Interneteko boom-ik emango denik, baina aurrekoareakin konparatuz enpleguak, enpresak, blogak, ekimenak, erabilera, erosketak, ... ugariagoak izango dira.

Irrati saiorako Interneteri dagokionez han hemenka (1 , 2 , 3 , 4 , 5 ) , adituen blog edo webguneetan jaso izan nituen apunteak bildu eta horretaz jardun genuen gehien bat.

Orohar, eta baikorrak izanik, lurralde aurreratuetan 2004an eta baita 2003an hasitako joerak ezagutu, areagotu edo finkatu egin beharko dira Internet euskaldunean. Hona hemen apuntatuta neukana:

• Software soziala deitu izan denaren erabilera gehitu egin beharko da (wikiak, del.icio.us, blog kolektiboak, feed-ak, ....) eremu guztietan: hezkuntzan, enpresan, erakundeetan, ... Ezaguera kudeatu, konpartitu eta praktikan lantzeko tresna egokiak direlako.
• Blogak indartu egingo dira mundu osoan. Esate baterako Bacon’s Information-ek blogen jarraipena egingo du 2005etik aurrera Oso atzeratuak gabiltza Internet euskaldunean baina ugaritu egin behar dira blog euskaldunak.
• Internet jadanik lehen informazio iturria da erabiltzaileentzat AEB-etan eta Europako gazteen artean (15-25 urte tartekoak) media aukeratuena da . Hemen ezin dugu hain ezberdinak izan.
• Lurrezko Telebista digitala (TiVo eredua) errealitatea izaten hasiko da. Zergaitik ez Euskalerrian?
• Software librea aurrera doala dirudi. Firefox 1.0, Plone 2.0-Zope , Linux 2.6 , ... 2004 urteko produkturik onenak izendatu ditu eWeek-ek: Top Products of 2004 . Baina, ez dakit euskalerrian enteratu garen , ea 2005ean enteratzen hasten garen.
• Web zerbitzuak ugaritu egingo dira: protokolo ezberdinak erabiliz, XML-an oinarritutako aplikazioak, zerbitzuak eta zerbitzuak ematen dituzten enpresak sortuko dira. Zergaitik ez Euskalerrian?
• Spam eta birus kontuak konpontzen joango dira. Hala dirudi azken aipamenen arabera... edo gehiago da amets bat? edo ohitu egin gara spam eta birus uholdeekin bizitzera?
• Sarerik gabeko Internet-en erabilera gehitu egingo da. Gutxienez, egindako inbertsioei etekina atera beharko diegu.
• Internet bidezko ahozko komunikazioa, IP bidez: VoIP voice-over-IP, erabiltzen hasiko dugu gero eta gehiago.

Gero eta gehiago ikasiko dugu euskaldunak internet erabiltzen. Euskara Interneten garatu eta areagotzeko dauden aukerak ondo aprobetxatzen baditugu, hiztun kopuru oso mugatu izan arren, Internetek hizkuntz komunitate bezala indartu egiten gaitu. Gainera, gurean espainolak edo frantsesak diren erreferente kulturalen menpekotasuna eta muga apurtzeko aukera ematen digu eta, horregatik, mundura zabaltzeko eskaintzen duen abagunea aprobetxatu behar dugu.

Bestelako joera teknologikoak 2005 urterako

Internetetik aparte, beste joera teknologiko batzuek aipatu genituen gainetik: ordenagailuen potentzia, energia zelulak, nanoteknologia, robotika, materialak, radio frekuentziak, RFID teknologia, ... eta apuntatuta neuzkan beste batzuk aipatzera ez ginen ailegatu ...

Aldaketa eta arazo globalak 2005 urtean

Teknologia alde batera utzita, datorren urterako

• Txinaren eta Asiaren hegoaldearen indartzea eta, era berean, ekialde eta medebalde garatuaren arteko soldaten parekatzea espero da.
• Ur edangarriari akzesoa lortzeko gatazka eta borrokak (Penintsulan badugu arazoa; israeldarrak, jordanoak, eta palestinoak dituztenak, hego-afrikan dituztenak , ... )ugaritzea.
• Era berean, desertifikazioaren aurkako borroka indartzea. Esate baterako, Tunez-en 40 milloi zuhaitz landatzen dira urtero.
• Kontaminazioa arazo globalekin jarraitzea...

Dena ez da teknologia

Ez nuen aipatu irratsaioan, baina adituek diotenez, gizakioi dagokigunez, indar gehiago hartuko dute automatizatu ezin daitezken habilitate edo gaitasunak: zaintzea, eritzi zuzena, kriterioa, intuizioa, inspirazioa, laguntasuna, imaginazioa,... eta hoien artean, gaur egun dagoeneko behar diren habilitate edo gaitasunak: lantaldean lan egin, komunikazioa, arazo konplexuei aurre egitea jakin, auto-motibazioa, denporaren kudeaketa,... Beraz, ez da dena Internet eta Teknologia!

Europa 2010, Madrid 2014, Gipuzkoa 2020, ... aipatu dugu hemen, baina ez dabiltza txantxetan Newyorktarrak etorkizunari buruz ari direnean: ikusmuga urtea 2050ean ipini dute!

Ekimenak webgunea dauka New York 2050 ( www.newyork2050 ) eta atarian Robert F. Kennedy-ri egozten dioten esaldi politiko-prospektibo famatua: The future is not completely beyond our control. It is the work of our own hands: etorkizuna gure eskuetan dago.

Azken boladan, Ibarretxe Lehendakariak sarritan erabiltzen duen esaldia da, etxean naiz Santo Domingon. Ez dut uste esaldi originala Kennedyrena denik, baina berdin dio, nik behintzat gustokoa dut.

Antzerako zentzuan erabiltzen dute prospektibista frantzesek esaldi hirukoitz hau: L'avenir, domaine de liberte; L'avenir, domaine de pouvoir; L'avenir, domaine de volonte, Poitou-Charentes -en egin duten lurralde hausnarketan bezala. Etorkizuna ez dagoela eraikita, eraikitzear dagoela adierazteko.

Eraikitze horretan eragileen partaidetza ezinbestekoa da, eta webaren bidez horrelako zerbaitetan ahalegindu dira New York 2050 webgunean . Prozedura azaltzen dute eta etorkizuneko eszenategietarako egin duten zirriborroa irakur daiteke Daily Life in 2050 New York: Vignettes from the Future atalean

Baina, New York 2050 webgunearen kasuan edo beste batzuetan ikus daitekeen bezala, Internet tresna erabilgarria izan daiteke hausnarketa prozesu hauetan, ez bakarrik informazioa edo dokumentazioa zabaltzerakoan, baizik eta ideiak eta proposamenak jasotzeko orduan edo on-line inkestak egiteko orduan. Aldiz, aurrekaria izan zitekeen Buenos Aires 2050 ekimenari ikuspegi oso arkitektonikoa eman zioten, nere ustez.

Nahi izanez gero, norabide biko pasagune digital azkarra eskaintzen digute gaur eguneko webguneek.

VGZ aseguru etxe holandarrak, Becel pro-activ produktuak (margarina, yogurra eta bestelako esnekiak) hartzeagatik urtean 40 euro emango dizkie kolesterola duten bezero aseguratuei. Dirudienez, horrelako janari funtzional bat finantziatzen den lehen aldia da.

Aste honetan esan du hori VGZ aseguru etxeak, Holandan 2,1 miloi pertsona aseguratuak biltzen dituenak. Albistea, "Un assureur néerlandais encourage la consommation de margarine" , Reuters Frantzia , Regards sur l'innovation edo Yahoo fr -en.

Ikerketen arabera, Unilever NV/Plc multinazioanalak egiten duen Becel pro-activ produktuek (margarina, yogurra eta bestelako esnekiak) kolesterola jeisten dute, beraz aseguru etxe horrek bestelako botika batzuk finantziatzen dituen bezala, janari-produktu hauek finantziatuko ditu.

Normalean botikak finatziatzen dira, baina, esan bezala, lehen aldia da janari bat finantziatzen dela.

Sendatzeko birtutea duten janari funtzional hauentzat izen berria asmatu da: alikamentua, alicaments frantzesez. Eta alikamentoen kontsumoa gorantz doa etengabe.

Gero eta gehiago kontsumitzen ditugu horrelako janariak, gaur egun gure jakitoki edo despentsetan gordetzen ditugun janarien %5etik gora mota horretakoak omen dira. Miloika euroetako negozioa dago atzean, aurrean eta inguruan. Beti izan dira oso eztabaidatuak , baina holandar aseguru etxearen jarrera zabaltzen bada, sekulako bultzakada izango dute alikamentuek: etorkizuneko janariak.

Aurreko mezuari (1) ipini nionez, bigarren bat idaztera derrigortuta nengoen, baina Jabi Zabalak Berria egunkariko Tartea atalean eta Sarean.com-en 2005erako iragarpen teknologikoak artikuluan baino hobeto egingo ez dudanez, gaia lantzeko informazio iturri batzuk emango ditut.

Experimento bezela blog honek, eta eibar.org -eko beste batzuek, duen gaztelerazko atalean jasota daude, nahiko bisitatua den mezu batean: Googlen gazteleraz, Predicciones para el 2005 bilatu eta lehen tokian Prospectiva - Outlook 2005: 10 predicciones para el 2005 izeneko mezua ageri da. Egun hauetan, jende dexentek bilatzen ditu horrelako gauzak eta horregatik hainbeste bisita.

Mezu horretan dauden informazio iturrien laburpena hemen:

• The Futurist, Urtean zehar jaso dituzten 10 ideia eta iragarpen nagusiak . Azaroa-abendua zenbakian.
• Red Herring, The Business of Technology 2005erako iragarpen eta joerak .
• Fast Forward 2005. Azaroan aurkeztu ziren 2005erako 101 ideia eta etorkizunerako joerak
• eWeek, astekariaren Top Products , 2004 urteko produktorik onenak, 2005erako tendentziak markatuko dituztenak. Antzeko zerbait, beste eremu baten, New York Times egiten duena bere urteko ideen zerrenda rekin.
• Quebec-etik, vdl2 kanadiarren iragarpen eta joerak, gainera eskertzen den balantzea eginez.
• Jose Luis Orihuela-ren eCuadernon: Predicciones 2005: Blogosfera , non Atalaya -ko Juan Julian Merelo-renak jasotzen dituen. Bertan Predicciones 2005: Web Design diseinuari buruzko aurreikuspenak, apur bat absurdoak. Baita, blog berean: Predicciones 2005: Media .
• John Battelle-ren: A Look Ahead
• David Galbraith: Predictions for 2005
• Internet Actu, Enjeux 2005 (gehituta, 05/01/13)

Nola jarraitu guztiak? del.icio.us, Bloglines

Beste informazio iturri asko daude, Science aldizkaria bezala eta abar, seguru, baina aurten gainetik bada ere, nik begiratzen ibili naizenak aipatu ditut, ez gehiago.

Baina nola jarraitu guztiak eta dauden beste asko?

Nik bi bide erabiltzen ditut.

• Alde batetik, jendeak publikoki modu konpartituan del.icio.us (http://del.icio.us ) bezalako tresna kolaboratiboak erabiltzen du gogoko edo interesgarri iruditzen zaizkion erreferentziak uzteko apuntatuak. Eremu honetako erreferentziak identifikatzeko jendeak hitz-gako, marka edo "tag" ezberdinak erabiltzen ditu, baina oso erabilia da future, eta jendeak horrela identifikatzen dituenak del.icio.us/future -en jasota daude. Begira daitezken beste "tag" batzuk: trends, futures eta horrelakoak.
• Interesgarrienak edo aldez aurretik lokalizatuta ditugunak jarraitzeko, Bloglines bezalako tresnak erabili.

Etorkizunari begira, toki guztietan horrela diote, blogak gero eta garrantzi gehiago izango dute: halabeharrezko joera dirudi.

Azken bizpahiru urteetan, milaka artikulu, aipamen eta erreferentzia izan dira blogen indarra eta eraginari buruz. Era berean, komunikazioa eta hedabide tradizionalen aldaketan blogak jokatzen ari diren rol edo eginkizuna sarri aipatu izan da.

Gaur Jean-Pierre Cloutier kazetari eta argazkilari kanadiarraren bidez, Jesse Oxfeld-ek Editor&Publisher famatuan Newspaper 2.0 izenpean blogen inguruko kronikak idazten dituela jakin dut.

Ikusi dudanez, kronika interesgarriak egiten ditu Oxfeld-ek Newspaper 2.0 delako horretan, eta The Blog Revolution. Part II izenekoan gauza aipagarriak zioen. Esate baterako, Doug Feaver, Washington Post.com-eko (http://www.washingtonpost.com ) zuzendariak blogak rol garrantzitsua jokatu dezaketela on-line kazetaritzan uste duela, baina media tradizionalen arazoa edo erronka nagusiena horren kudeaketan dagoela, eta bestalde, bere iritziz, terminologia arazoa ere badagoela: beste izen bat topatu beharko da, zerbait gehiago, erredakzio-buruetan hitzak daukan baggagea dela eta. Bitxia...

Baina bitxikeri honetaz aparte, Oxfeld-en The Blog Revolution. Part II artikuluak merezi du. Argi dago, aipatzen dituen egunkarietako zuzendariek garrantzi handia ematen diete blogei, eta etorkizun hurbilean gero eta toki gehiago eskeintzeko asmoa dute.

Blog deitu edo ez, gero eta gehiago dira blog egitura duten atalak egunkari garrantzitsuenak: Washington Post, Wall Street Journal, USA Today, Le Monde, Liberation, ... edo doako egunkari berrietan

Bost kontinenteetako 18.000 argitalpen batzen dituen World Association of Newspapers - WAN (www.wan-press.org)elkarteko editore talde batek (World Editors Forum (WEF) blog kolektibo bat dauka editorsweblog.org izenekoa, non lehen kategoria Is blogging journalism? den ( besteak beste, Global/Local trends atala interesantea ere), gaiaren garrantziaren seinale.

Egunkari tradizionalek beste erronka bat dute aurrean: doako egunkariak sarean eta ... kalean. Aurreko mezuan aipatutako munduko editoreen editorsweblog.org blogean (Que Madrid: the continued spread of free papers ) eta Periodistas 21 blogean ( Que ya esta en la Red ) Que Madrid (www.quediario.com/madrid kalean dagoela irakur daiteke.

Que Madrid Recoletos enpresarena da, argitalpen askoren jabe (Marca, Expasion, Actualidad Económica, ...) : "Recoletos aspira así a convertirse en uno de los líderes de la información digital con Marca.es y Qué" irakur daiteke Periodistas 21 blogean.

Julen Gabiriak Bertan Bilbao izeneko zutabea daukala iragarri du bere blogean , baina Que Bilbao egunkari osoa izango omen da. Eta..., oraindik erdi-biluzik, baina Que Bilbao sarean dago, http://www.quediario.com/bilbao/ helbidean. Guztiz espainolez egina dago, ez dut euskararen arrastorik ikusi eta ez dirudi izango duenik. Bilboko kaleetan El Nervión-ekin leiatu beharko da.

Sareko atalean blog edo bitakorek indar handia izango dute. Madrilekoa blogetan oinarrituta dago (Blogs de Madrid , Blogs de actualidad , Blogs de tecnologia , Blogs de salud, Blogs de educación, Blogs de ocio, Blogs de deportes, Blogs dev motor, Blogs de empleo, ..) Bilbokoa antzekoa izango da eta irakurleek beraien blogak sortu ditzakete : Crea tu propio blog atalean. Baina ez dute feed jariorik...

Egunkari askok jarraitzen hasi duten eredua da. Le Monde egunkariak bere kazetarien blogekin hasi zen eta, duela gutxi, baldintza jakin batzuek betetzen dituzten irakurleei eman die aukera hori Devenez votre propre editeur en ligne lemapean.

Informazio eta Komunikazio Teknologiei esker irakurlea informazio emailea bihurtuko beharko dela joeraren seinale argia, nere ustez.

Euskarari dagokionez, blogena euskal Internetean hasi baino ez den fenomenoa da. Baina, bere neurrian, blog edo bitakora euskaldunak gehitu eta indartu egingo dira, seguru. Jarraitu beharreko joera, nola ez.

Noizean behin atzera begiratzea komenigarria denez: My kingdom for a time machine! dio Andrew Moulden-ek, eta 17 urte atzera botatzeko aukera izatea nahiko luke. Music.com? libre, Games.com? libre, Cars.com? libre, dominio guztiak libre!

Interneteko 100 dominio zaharrenen zerrenda prestatu du. Zaharrena 1985 martxoaren 15ekoa, symbolics.com omen da.

Interneten garapenarekin zerikusia izan duten izen famatuak lehendabizikoen artean: Xerox, HP, IBM, SUN, INTEL edo ATT. Hor ageri da, zerrendako laugarren tokian, hemen ezaguna den MCC izena. Baina ez da Arrasatekoa, ez.

Zerrenda osoa hemen

Ez dakit tokitik aterata edo ez, baina egun hauetan pil-pilean dago Bill Gatesek elkarrizketa batean Copyleft-a eta soft librea komunismo moderno direla esan duenean, sortu den eztabaida.

Denetik ikus daiteke sarean:

• Artikulu interesgarriak, esate baterako Instituto de Empresa delakoaren irakaslea den Enrique Dans -ena: Bill Gates y el comunismo , Copyleft-a defendatzen du eta alderantzizkoa dio: "estoy bastante lejos de ser comunista", edo Manolo Almeida polifazetikoarena El sexo del copyleft artikuluan, eztabaida antzua dela esaten, Copyleft-a ez dela ez komunista ez kapitalista edo liberala, bata edo bestea erabileraren arabera izango dela dioenean.
• Artikulu barregarriak, esate baterako Republica Internet blogean ageri den Marx anaien parodia: Confirmado: el copyleft es marxista : jeniala Groucho-ren idatzia A night in Casablanca titulua erreibindikatzen.
• Eztabaida beroak, Barrapunton Gates: El copyleft es una especie de comunismo moderno edo ZDNet frantziarran Pour Bill Gates, restreindre la propriete intellectuelle s'apparente a un communisme d'un nouveau genre elkarrizketaren itzulpenak sortu duen erantzun sortak ikustea baino ez dago.

Zaila da ezer berririk gehitzea, copyleft -ak garapen teknologiko endogenoa eta garapen soziala bideratzen duela, ezagueraren garapena eta ezagueraren zabalkundea, gehitzea eta biderkatzea azkartu eta bideratu egiten duela, nahiko argi dago nere ustez. Baina, mundu guztia ez dago copyleft-a erabiltzera derrigortuta, aukeraketa librea da, Copyright-a erabili dezakegu.

Beharbada, Manolo Almeidak dioen bezala: "el copyleft viene a ser algo así como un arma cargada de futuro"... eta seguruenez copyright-a gehiago lotu behar dugu iraganarekin. Gogor idazten du Enrique Dans-ek Gateseri zuzendutako karta ireki batean: "Con suficiente tiempo y perspectiva, la Humanidad te verá a ti y a los otros Caballeros de la Orden del Copyright como algo parecido a la Inquisición Española" ... esandakoa, gehitzeko askorik ez.

The Pew Internet & American Life Project ( www.pewinternet.org ) delakoak txosten berria argitaratu du. Oraingoan Interneten etorkizunari buruz. Horretarako, 2004eko irailaren 20a eta azaroaren 1ren bitartean, 1.286 aditu (teknologoak, unibertsitatekoak, erakunde publikoetakoak, komunikabideetakoak,...) elkarrizketatu dituzte, 24 galderazko galdetegia erabiliz, eta lortutako emaitzekin The Future of the Internet. In a survey, technology experts and scholars evaluate where the network is headed in the next ten years txostena argitaratu dute.

Adituen iritziz, etorkizunari begira Interneten ahultasun fisikoa edo zaurgarritasuna, gure bizitzetan Internetek izango duen integrazioa, konexio abiaduren gehitzea eta blogen eraginkortasuna azpimarratzekoak lirateke.

• Kontsultatutakoen hirutik bik, %66ak, Internet sarea edo elektrizitate sareak gogor erasotuko dituztela uste du. Kontutan izan behar gehienak estatubatuarrak direla.
• Blogen eragina komunikabide tradizionaletan oso handia izango da, 8,46 koa, batetik hamarrera doan eskala batean (1 = eraginik gabe, 10 = erabateko aldaketa). Internetek izango duen eraginik handiena, hezkuntza erakundeetan (7,98), lanean (7,84), medikuntza eta osasunean (7,63), musika, zinema eta arteetan (7,18), nazioarteko harremanetan(6,74), erakunde militarretan (6,53), familian (6,24), herri eta auzoetan (6,16) edo erlijioan (4,16) izango duena baino handiagoa.

Gainera txostenean, adituek, 2014 urte-mugari begira eta Interneten inguruan, planteiatu zitzaien hipotesiei buruz emandako erantzunak jasotzen dira.

The New York Times, bere Teknologia atalean, ikerketa aipatzen du The Internet's Future? It Depends on Whom You Ask izeneko artikulu batean. Zerbait kritikoa baina etorkizunean eman daitekeena ezagutu edo imajinatzeko modu bakarra dela aitortuz.

Bai prentsa oharra , bai txosten osoa The Future of the Internet In a survey, technology experts and scholars evaluate where the network is headed in the next ten years (682 KB, 62 orrialde .pdf formatoan), eta bai galdetegiaren emaitza zuzenak Internet Experts Web Survey (308 KB, 15 orrialde .pdf formatoan) sarean daude.

Inoiz gertatuko ez den etorkizunaren iraganeko irudiak. (1939 urtekoak)

Etorkizuneko Hiria 1939an: Popfiction

YBE 2004 Houses of the Future proiektua material ezberdinetan oinarritutako etxe proiektuak batzen zituen.

Proiektu orokorrean, arkitektu bakoitzak inguruarekiko eramangarria, salneurri egokia, erosgarria, eta etorkizunari begira den etxearen diseinua proposatu behar zuen.

Gainera beste honako baldintza hauek bete behar zituen:

• Erraz garraiatzeko modukoak eta 4 egun baino gutxiagotan eraikitzeko modukoak.
• Ingurugiroarekiko iraunkortasuna edo jasangarritasuna oso kontutan izan beharko lukete: euria erreziklatu, eguzki panelak, eguzki indarra pasiboki aprobetxatzeko modukoa, etabar.
• Etorkizunari begira, bai itxuri eta bai etxebarruaren erabileri dagokionez.

Seguruenez inoiz eraikiko ez diren etxeak dira, ez behintzat gure inguruan, baina behintzat etorkizunean garrantzi handia izango duten kontzeptuetan pentsatu, proposamen eta lan egiteko aukerak eman zuen.

Adibide moduan, material bezala beira erabiltzen zuen txea proiektuak, nanoteknologien erabilera masiboa proposatzen zuen.

Proiektu interesgarria, baina beharbada etorkizuneko etxeei buruz hausnartzen duen ikerketa zentrurik garrantzitsuena MIT -eko (Massachusetts Institute of Technology) arkitektura saila izango da.

Gaur hasten dira Donostian Nanoteknologiari buruzko jardunaldiak .

Urtarrilaren 13tik martxoaren 3ra, ostegunetan izango dira jardunaldiok , 19:30ean. Hitzaldi interesgarriak dirudite:Enrique Ortega, Jesus Mosterín, Laura Lechuga, Ramón Compañó, José Manuel de Cozar eta Angel Rubio. Gainera, azkenengo egunean, martxoaren 3an, "Gauzakiak eta Gizakiak - Nanocosmos" izeneko performanzea aurkeztuko du Fran Lasuenek.

Duela gutxi ospatu den azken EAE-ko Zientzia eta Teknologia asteak Mikro eta Nanoteknologiak gaiak hartu zituen mintza eta aztergai.

Aditu askoren arabera, nanoteknologiak izango dira epe laburrera gure eguneroko bizitza gehien aldatuko dituzten teknologia nagusiak. IKTak, Informazio eta Komunikazio Teknologiak, ahaztu gabe, noski.

Sektore askotan eragingo dute nanoteknologiak, sektore ia guztietan. Izan ere, Jaurlaritzaren ETORTEK egitaruaren barnean Labein koordinatu eta onartu zen NANOMAT ekimenaren izen luzea Nanomateriales para aplicaciones multisectoriales da.

Errekurtso eta informazio asko dago sarean nanoteknologiei buruz , hor daude del.icio.us -en jasoak, edo gero eta informazio gehiago daukan wikipedia

Baina, denen artean webgune batzuk aipatzekoak dira:

• AEB-etako Gobernuak Nanoteknologien inguruko webgunea National Nanotechnology Initiative
• Foresight Institute
• Europar Batasunaren Nanonetknologia zerbitzua, Nanotechnology Service of the European Commission informazioa
• Europako Nanoteknologien ataria, Nanoforum

Baina, nanoen inguruko gogoeta ez da bakarrik teknologikoa, neurri handian soziala da. Aipatutako jarduenaldien iragarkiak esaten den moduan: Horretarako, gaia ikuspegi anitz eta poliedrikotik jorratu asmotan, gogoeta zientifiko nahiz soziala ekarriko diguten adituak gonbidatu dira hitzaldietara.

Horretaz arduratzen da gehien bat Sevillako IPTS Institute for Prospective Technological Studies delakoak. Ideia ona iruditzen zait, eta zentzu horretan Nanoteknologiei buruz diharduten blog eta ekimen interesgarri batzuk aipatzekoak dira:

• Nanodot Nanotechnology News and discussion of Coming Technologies. Gai asko ukitzen ditu
• Responsible Nanotechnology News and notes about the ongoing work of the Center for Responsible Nanotechnology (CRN). Espainolezko klona du: Nanotecnologia Responsable Center for Responsible Nanotechnology - CRN en español.
• Howard Lovy's NanoBot . Independent nanotechnology information and commentary
• TNTlog Global Nanotechnology .
• http://news.nanoapex.com/
• Apur bat danetik, baina nanoak oso kontutan izaten dituen Roland Piquepaille's Technology Trends How new technologies are modifying our way of life blog interesgarria.

Gaiari buruz gehiago jakiteko, Donostian antolatu diren jardunaldietara hurbiltzea ez da ideia txarra.

The Image of the Future, (1953) Fred Polak soziologo eta proto-prospektibista holandarraren lana da, eta argiratu zenetik 50 urte pasa badira ere, idazlan garrantzitsu eta erangikorrenetarikoa da etorkizunaren ikerketera zuzentzen diren ikertzaileentzat.

Soziologiak egin nahi duen analisi objektibo-zientifikoak ez du zertan kontsideratu behar etorkizuna hala beharrezko zerbait, itxia eta alda ezina, non gizarteek eta gizartea osatzen duten gizabanakoek ez dute ezer esateko.

Alderantziz, Prospektibak edozein gizartek bere etorkizuna eraikitzeko askatasuna defendatu du beti, beste pentsakera eskola batzuen determinismo eta patuzaletasunaren aurka.

Beharbada horregatik, Enric Bas lagunak dioen bezala, Fred Polak-rentzat bai Karl Marx eta bai August Comte, sozialismo zientifikoa eta filosofia positibistaren gurasoak, bere ezberdintasunak kontutan izanik, pentsalari utopikoak bezala hartzen ditu, Robert Owen, Claude Saint-Simon edo Charles Fourier bezalako pentsalariekin lotuz. Eleonora Masinik dioenez hemen aurkitu dezakegu futurista eta soziologo askok ikusi ez duten konexioa.

Izan ere, Comte-ek zein Marx-ek teorizatu baino zerbait gehiago nahi zuten: beraien ideia teorikoek aldaketa sozial praktikoa eragin zezatela nahi zuten. Helburua, ageri eta kontzientea, teoria eta praktika lotzea zen.

Horregatik, Polak eta geroago Masini eta bere jarraitzaileek teoria soziologikoan Futures Studies edo Prospektibaren aurrekari argiak ikusten dituzte.

Bere liburuan, Polak-ek gizarte guztiek bere barnean etorkizunaren irudi sozialak dituztela dio, eta era berean aurreikuspen konpartituak edo beste hizkera bat erabiliz: gizarteak nahi duen etorkizunari buruzko futuribleak edo nahitako etorkizunak eta inguru edo eszenategi posibleak.

Polak-en ustez, etorkizuneko irudi konpartitu hauek izugarrizko garrantzia dute edozein gizarteren etorkizunerako:

The rise and fall of images of the future precedes or accompanies the rise and fall of cultures. As long as a society's image is positive and flourishing, the flower of culture is in full bloom. Once the image begins to decay and lose its vitality, however, the culture does not long survive. (Polak, 1973 p.19) (etorkizunaren irudien gorakada edo jaitsierak kulturaren gorakada edo jaitsieraren aurretik edo parera doa)

Polakek bigarren gerratearen ondorengo gizarte baten idatzi zuen bere lana, non etorkizunaren irudi positiboak sortzea behar-beharrezkoa zen

Itzulpena Elise Boulding-ek, Associate Professor, Department of Sociology, University of Colorado, egin zuen.

Z+Blog-en , Pointers and commentary on emerging futures issues, irakurtzen dudanez liburua agortuta zegoen eta 200 dolarretan saltzen zen (175 zehazki)

Baina, Michel Godet eta CNAM-eko Prospektiba Industriala Katedrari esker, liburu osoa eskuragarri dugu on-line en versión .pdf (ADI, 1.898 KB)

Mila esker, Michel!

Astiarekin nabilenean, Martinez jaunaren ESTRATEgA. PENSANDO EN EL LARGO PLAZO, El Sr. Martinez sobre la estrategia que nos rodea en empresas y otros mundos izeneko bloga jarraitzen dut.

Martinez ezizena da eta denetatik dauka, baina normalean estrategiari buruzko mezu burutsu, xelebre eta umoretsuak idazten ditu. Gustora irakurtzeko modukoak.

Gaur, estratega izatera ailegatzeko irakurketarako gomendio batzuk ematen ditu. Onak izan arren, ez noa bere komentario guztiak itzultzera, baina bai gomendatzen dituen liburuak aipatzera. Hauek dira:

• DIXIT, A.V.; NALEBUF, B.J. (1992): Pensar estratégicamente. Antoni Bosch, Barcelona.
• SUN TZU: El Arte de la Guerra. Edizio asko daude, hemen Antonio Rivas-en bertsioa Interneten
• DRUCKER, Peter (2003) Drucker esencial. Los desafios de un mundo sin fronteras . EDHASA, Barcelona
• GRANT, Robert M. (1996): Dirección estratégica: conceptos, técnicas y aplicaciones. Civitas, Madrid.
• WHITTINGTON, Richard (2002) ¿Qué es la estrategia? ¿Realmente importa? . International Thomson Editores, Madrid.

Zerrenda ona da, beharbada nik Mintzberg gehituko nuke apur bat estrategia desmitifikatzeko. Gero, noski, guruak etorriko lirateke: Ansoff, Porter, Peters,... edo epe luzeari begira Schartz edo Toffler... En fin, asko daude, beharbada larregi.

The National Intelligence Council (NIC), AEB-ko CIA-rekin lotuta dagoen erakundea da. Besteak beste, NIC-ek etorkizunari buruzko prospektiba txostenak egiten ditu. Horrela, Global Trends 2010 edo Global Trends 2015 lanak egin zituen.

Orain 2020 proiektuaren barne, Mapping the Global Future izeneko txosten berria kaleratu du.

Mapping the Global Future, Report of the National Intelligence Council's 2020 Project delako hau, prospektiba ikerketa guztiak bezala, adituen iritzietan oinarritutako txostena da. Mundu guztiko nongovernmental adituekin egindako kontsultetan oinarritua, alegia. Txosten osoa on-line irakur daiteke edo saretik bajatu dezakezu 7MB-ko .pdf formatoan, helbide honetatik: www.foia.cia.gov/2020/2020.pdf , eta lasai irakurri zure ordenagailuan.

Eszenategien metodologia erabiltzen dute txostenean. Eta CPB holandarrak gomendatzen duen bezala lau eszenategi sortu dituzte.

Eszenategi guztiak ondo landuta daude: hasierako hausnarketak, zenbait aldagaien proiekzioak, eszenategi deskripzioak edota, eszenategiak hornitzeko, etorkizunetik idatzitako gutunak. Esate baterako, Sa'id Muhammad Bin Ladin-ek 2020ko ekainaren 3an idatzitako gutuna , edo World Economic Forum-eko buruak 2020ko urtarrilaren 12an, idatzitako gutuna .

Eszenategiak honako hauek dira:

• The Contradictions of Globalization. Fictional Scenario: Davos World. The Contradictions of Globalization
• Rising Powers: The Changing Geopolitical Landscape. Fictional Scenario: Pax Americana. Rising Powers
• New Challenges to Governance. Fictional Scenario: A New Caliphate. New Challenges to Governance
• Pervasive Insecurity. Fictional Scenario: Cycle of Fear. Pervasive Insecurity

Azkenean, eszenategien arabera ondorio edo inplikazio politikoak datoz. Lehen begirakada batean, NIC-ekoek eszenategi guztietatik etorkizunari begira zeozer ikasteko ateratzen saiatu direla iruditu zait.

Etorkizuneko futbolariek Zinedine Zidane edo Ronaldinho -k duten abilitatea, Samuel Eto'o edo Joseba Llorente -k jokaldiak bukatzeko erakusten duten trebetasuna, Roy Keane edo Gaizka Garitano -ren indarra izango dute, baina robotak izango dira.

News Scotsman-ek dioenez 2050 urteko Munduko Football Txapelketa roboten artean jokatuko dute. Izan ere RoboCup webgune ofizialean irakur daitekenez, egitasmoaren helburua 2050 urtean Giza Munduko Futbol Txapeldunari irabaziko dion robot humanoide autonomoen futbol taldea sortzea da: The ultimate goal of the RoboCup project is By 2050, develop a team of fully autonomous humanoid robots that can win against the human world champion team in soccer.

Dagoeneko jokatu dira Football Robotizatuaren Nazioarteko Txapelketak. Azkenengoa Lisboan izan da: RoboCup 2004 . Ekainaren 27tik uztailaren 5era, eta 37 lurraldeetako 346 taldeek parte hartu zuten. Kategoria ezberdinetako emaitzak hemen daude .

Datorren urteko txapelketa Japonen, Osakan, izango da, 2005eko uztailean, 13tik 19ra: RoboCup 2005 Osaka

Faboritoen artean, japoneko Team OSAKA Dream Team-a dago. Japoneko Robotika Industriak Munduko Txapeldun ateratzeko itxaropen eta ilusio handia du.

Beharbada datorren urtean ez, baina, 2050 urteko Munduko Txapelketa horretan, izango du euskal roboten selekzioak parte hartzeko eta japoniarrei aurre egiteko aukera?

Edo nazio ordezkariak utzita, etorkizuneko futbol txapelketetako parte-hartzaileak enpresa teknologikoak, ikerketa zentroak, laborategiak eta unibertsitateak izango dira?

Jarraitu beharrekoa...

Lemelson-MIT Programan azken 25 urteotan egin diren berrikuntzarik garrantzitsuenen zerrenda egin da eta CNN kateak zerrenda kaleratu du . Espero zen bezala Internet izendatu dute lehena: Internet barik ez zenuke hau irakurriko :-)

CNN-ren esanetan Internetek mundua aldatu du: Internet aurretik mundua diferentea zen.

Argitaratutako berrikuntzen zerrenda gazteengan berrikuntza sustatzeko Lemelson-MIT Program (web.mit.edu/invent ) delakoan parte hartzen duten Teknologia adituek osatu dute.

Lemelson-MIT Program-a Jerome H. Lemelson sortzailearen omenez familiak eta ondorengoak sortutako Lemelson Fundazioak bultzatzen du. Fundazioak Emelson-MIT sariak banatzen ditu, eta 2001 urtean Ray Kurzweil izendatu zuten 2001 urteko inbentorea

Internet, telefono mugikor edo zelularrak, ordenagailu pertsonalak, zuntz optikoak, e-posta, GPS, ordenagail portatilak, kamara digitalak eta RFID-a izan dira 10 berrikuntza nagusiak.

Top Innovations - Berrikuntza nagusiak

Hona hemen aukeratutakoen zerrenda osoa:

1. The Internet
2. Cell phone
3. Personal computers
4. Fiber optics
5. E-mail
6. Commercialized GPS
7. Portable computers
8. Memory storage discs
9. Consumer level digital camera
10. Radio frequency ID tags
11. MEMS
12. DNA fingerprinting
13. Air bags
14. ATM
15. Advanced batteries
16. Hybrid car
17. OLEDs
18. Display panels
19. HDTV
20. Space shuttle
21. Nanotechnology
22. Flash memory
23. Voice mail
24. Modern hearing aids
25. Short Range, High Frequency Radio

Anthony Townsend -ek "media" lokalizatuek eragin handia izango dutela hiriak ulertzeko dugun moduan dio Internet Actu frantziarrak argitaratu duen elkarrizketan .

Anthony Townsend Komunikazio eta Hiri Plangintzako irakaslea da New York Unibertsitatean. Era berean, NYCwireless ekimenaren ko-fundatzailea da. New York City wireless irabazi asmorik gabeko elkartea da, New York hirian haririk gabeko komunikazioa bultzatzeko sort zen.

Townsend-en iritziz komunikabide edo media lokalizatuak hirietaz jabetzeko dugun modua erabat aldatuko dute.

Oraindik guztiz garbi ez badago ere zer ulertzen duen Townsend-ek komunikabi lokalizatu batengatik, orain arte Interneten ezagutu dugunaren guztiz aurkakoa dela dirudi.

Azken 10 urteetan, Internetek sortu izan duen liluramendua geografia konkretu baten faltan zegoen, hau da, dena globala eta inon kokatu ezina izateak zen lilura sortzen zuena.

Baina, komunikabide lokalizatuetan liluramendua espazio, geografia eta izaera lokalean datza. Eta etorkizunari begira, komunikabide edo media lokalizatuen joera honek indarra hartuko du.

Gainera, Townsend-en iritziz gaur egun komunikabide lokalizatuetan kreatibitate eztanda dago. Artistikoki edo teknologikoki kultura edo herrialde bakoitzean sortzen ari diren proiektu guztien jarraipena egitea, ezinezkoa da, eta interes handikoa da.

Bestalde, oraindik erabiltzaile kopuruak gutzi badira ere, komunikabide lokalizatu hauek hiriguneak ulertzeko dugun modua aldatzen doaz. Eredu kontzeptuala sortzeko, Townsend-ek MIT-eko Kevin Lynch-ek 50 eta 60 hamarkadan erabilitako teoriak jarraitzen ditu: hiritarrek beraiek sortutako hiri ingurunearen irudikapen kognitiboaren teoriak.

Teknologia zehatzak ez baditu aipatzen, Internet, web semantikoa, mugikorrak, GPS-ak, RFID dispositiboak eta antzeko teknologiak soposa ditzakegu komunikabide lokalen eztanda honen atzean.

Gaiarekin jarraituz, gaur bertan Sareko Internet Actu-k "Les médias localisés : point de contact entre le réel et le virtuel" izeneko artikulua dakar . Geolokalizazioa, GIS sistemak eta horien gainean eraikitako Internet aplikazioak aipatzen dira artikuluan.

Elkarrizketa osoa da interesgarria. Gurera ekarriaz, lehen une batean "lokal" delakoa, geografiak eta kulturak definitu dezaketela suposa dezakegu. Azken finean Euskal Herria adibide lokal bezela aipatzen diren Boston edo Paris baino txikiagoa da.

Hala ere, erromantizismo kutsu bateaz, pesimista da Townsend. Hainbeste laguntza eta erraztasun teknologiko, hiriek duten erakartasuna ezabatuko dutelakoan dago:

Je crois aussi que les médias localisés vont réduire la sérendipité des environnements urbains, c’est-à-dire la capacité qu’ont les grandes villes à nous faire vivre des expériences excitantes et inhabituelles, tout en demeurant dans un environnement confortable. Le média localisé semble surimposer une géométrie cartésienne au monde urbain que nous avions jusqu’alors appréhendé d’une façon relative, typiquement humaine, en nous basant sur les endroits.

Zer egingo diogu bada, ... Hala ere, itxaropenarentzat lekutxoa gordetzen du Townsend-ek, eta erabilpen berriak sortuko direlakoan dago:

Peut-être suis-je trop pessimiste. Je pense en général que les technologies sont neutres, et que ce n’est que la façon dont on les applique qui détermine si leur impact est positif ou négatif pour nous. Toutefois, je suis enthousiasmé par le fait que des artistes s’approprient ces technologies et j’ai hâte de voir les multiples usages et expériences qui vont émerger à partir de là.

Eta gainera, beti izango ditugu pauso txikiak , Somera , Erronda , edo hiriko beste txoko batzuk berriro zapaltzeko...

Airbus 380 berria plazaratu da. Harrera handia izan du Europa osoan, Airbus 380 -a hegazkingintzaren etorkizuna dela, teknologikoki oso aurreratua dela, Europan Aeronautika sektorea finkatuko duela, enpleguak sortuko dituela, sektoreko lan karga zihurtatuko duela, ... Horrelakoak, Europa osoan, Euskal Herrian, Castilla La Manchan zein Walesen entzun dira.

Euskal aeronautika sektorean hogei urterako lana, bermatuta dagoela irakurri dugu egun hauetan, berdin diote Walesen, Airbus - this is the future for flying : demand for the A380 will be huge and profitable and long-term - hence the jobs eta antzerakoak Castilla-La Manchan: Illescas (Toledo) Se trata de un importante polo aeronautico y con gran futuro en Castilla-La Mancha , aipamen batzuk baino ez egiteagatik.

Horrela izan dadila guztientzat.

Boeing eta Airbus: Hegazkingintzaren etorkizunaren irudi kontrajarriak

Baina - beti bainak topatzen -, gaur IFTF's Future Now. Emerging technologies and their social implications blogean jakin izan dut Boeing-eko marketing burua den Randolph S. Baseler-ek, bloga hasi berri duela . Eta kuriositatez, super-enpresa bateko direktiboaren bloga interesgarria izan zitekelakoan, joan naiz Boeing-eko arduradunaren Randy's journal izeneko bloga ikustera.

Espero zitekeen bezala Airbusaren aurkezpenari buruz ari da: Today is a blue shirt and red tie day. I'm doing some TV interviews on what Boeing thinks of the A380 on the day of the big unveiling event.

Jakina, Airbus 380 eta Boeing 747 Jumbo lehiakide zuzenak dira.

Boeing-eko gizonak ez du hain garbi ikusten Airbus 380 etorkizuneko egazkina dela. Teknikoki oso ona omen da A-380a, baina aeroplano handiegia da merkatu txiki batentzat, joeren aurka doa. Beharbada, horrelako hegazkin erraldoiak Airoportuak ez daudela hartzeko prest esan zutenean bezala, konpetentziaren difamazio kanpaina bat Noel Forgeard Airbuseko presidentearen ustetan.

Baina, Baselerren iritziz, A380-ak ez da aro berri baten hasiera, pasatutako aro baten gailurra baino. Bere ustez merkatuaren joera egazkin txikiagoak erabiltzerantz doa. Eta datuak ematen ditu, konparagarria den Boeing 747 erabileraren datuak: gaur egun, 747 bezalako hegazkin handien irteera edo hegaldiak 90 hamarkadaren erdiak dira.

Boieng-ek defendatu egin behar du bere merkatua, baina datu kezkagarriak dira. Hala ere, batzutan eskaintza on batek merkatuaren joera alda dezake. Gerta izan da, behin baino gehiagotan.

Concorde-arena gerta ez dadila !

Gaur aurkeztu da Donostian Gaindegia Euskal Herriko ekonomia eta gizarte garapenerako behategia.

Gaindegiak (www.gaindegia.org) jatorri eta izaera desberdinetako eragileak bildu nahi ditu. Profesionalak, enpresariak, unibertsitarioak, sindikalgintzakoak, hedabideetakoak eta herrigintzako beste sektore batzuetakoak elkartu dira proiektu hau abian jartzeko.

Xabier Isasi GAINDEGIAko lehendakariak honela zehaztu du xede nagusia: Errealitate sozio ekonomiko nazionala abiapuntu, Euskal Herriko sozio ekonomia esparru zabala bizitzea eta biziberritzea, eraketarako zein garapenerako ildo nagusiak aztertuz eta aurrera urratsak egitea ahalbidetuz.

Gaindegiaren sortze-helburuak hiru alor nagusietara laburbiltzen dira:

1. Egoeraren azterketa,
2. Loturak sortu, sareak eratu,
3. Informazioa hedatu eta eztabaidak sustatu.

Webgunea hau da: www.gaindegia.org

Datu Talaia: Euskal Herriko Datuen Talaia. Estatistikarako tresna

Zenbat udalerrik osatzen du Euskal Herria? Zenbat biztanle dago? Zein da langabetuen kopurua? Zeintzuk dira Euskal Herriko sozio-ekonomiaren esparruan daturik esanguratsuenak? Nola gaude Europako estatuekin alderatuz?

Askotan horiek eta tankera horretako makina bat galdera burura datozkigu. Gehienak erantzunik gabekoak. Nor garen dakigulakoan zer garen oraindino ez dakigu. Datu batzuk badaude egon, jakina, baina horiek ere estatistika zerbitzu desberdinetan sakabanaturik han-hemenka, antolatu gabe.

Zalantza horiek gainditzeko Gaindegia ekimenaren barruan Datu Talaia, datu bilgunea sortu da.

Euskal Herriko datuen TALAIA proiektua gabezia hori gainditzera dator. Iturri estatistiko sakabanatu horietan arakatuz eratu da TALAIA.

Euskal Herria osoagoa, berriagoa eta kohesionatuagoa ahalbidetu nahiean sortu da.

Euskal Herriaz hitz egin nahi duen ororentzat informazio zehatza, kalitatezkoa, kontrastatua eta osoa eman nahi da. Baina hitz egitetik harago Euskal Herria artikulatu, osatu eta garatu nahi dutenentzako tresna eraginkorra izateko sortu da Euskal Herriko datuen TALAIA.

Momentuz gaiak lau dira:

• Demografia
• Lurraldea eta biztanleak
• Ekonomia eta gizartea
• Euskara eta hezkuntza

Informazioa formatu ezberdinetan eskaintzen da (taula estatistikoak, grafikoak, mapak), aukera ezberdinekin, eremu ezberdinetan (Euskal Herria, Herrialdeak, Eskualdeak, Udalerriak) eta lau hizkuntzatan eskaintzeko asmoa dago: euskara, frantsesa, ingelesa eta gaztelania.

Webgunea hau da: www.datutalaia.net

Euskal Herriari buruzko ikerketetarako tresna baliogarria izango delakoan, hurrengo egunetan frogatu beharko dugu.

Harritu nauen artikulua irakurri dut Tendencias Cientificas -en: La responsabilidad social es genetica. Los genes determinan la mitad de los comportamientos altruistas o agresivos de una persona

Bizkien artean egindako ikerketa baten arabera gure portaera soziala, erantzukizun soziala, altruismoa, enpatia, agresibitatea, ... neurria handi batean - %50etik gora diote - geneek baldintzatzen dute.

Ikerketa Kanadako Western Ontario Unibertsitatean irakasle den J. Philippe Rushton -ek zuzendu du eta Proceedings of the Royal Society aldizkarian argitaratu dute Genetic and environmental contributions to pro-social attitudes: a twin study of social responsibility izenpean. 80 KB duen .pdf artxibo honetan irakur daiteke laburpena.

Behin eta berriro, heziketa, sozializazio prozesua, giro sozialak, etabarren garrantzia entzuten eta azkenean geneek dute gure izaeraren errua. Baina, horrela izanik, etorkizunari begira sikologia, soziologia edo psikologia soziala eta, adibidez, ingeniaritza genetikoa batzen dituzten ikerketetarako eremu berriak zabalduko dira.

Portugalete kenduta, Hong Kong da munduko hiririk jendetsuena: 7.566 biztanle kilometro karratuko ditu Hong Kong-ek. Portugaletek, 15.958.

Baina, mundu mailan Hong Kong-ek sona handiagoa du eta horregatik Z+blog -ek Asian ematen ari den Hiper-urbanizazioaren joerak ikertzeko, Hong Kong hiria oinarrizko laborategia dela dio.

Zentzu honetan izugarriak joera honi buruz pare bat argazkilarien lanak:

• Michael Wolf: Architecture of Density webgunean erakusten duen lana (merezi du introa aguantatzea pixkatean...), eta
• Andreas Gursky: New york-eko MOMA-n egindako erakusketan

Irudi ederrak eta harrigarriak...

Metropolismag aldizkariaren webguneak aipatzen du Electrolux Design Laboratory delakoak antolatzen duen Electrolux Appliances for the Future Competition. Hau da, etorkizunari begira, 2015 urteari begira alegia, Electrolux -ek etxeetan erabiltzeko diseinatutako elektrogailuak asmatzeko lehiaketa.

Denetatik ikus daiteke. Aipagarrienen artean sukaldean egiteko mahaia, frutak eta barazkiak fresko-fresko mantentzeko FooZoo delakoa, Washman erropa garbitu eta lehortzeko tresna, etabar .

Etxeko edonolako lanetan laguntzeko inbento eta aurrerakuntza ederrak aurkeztu dira lehiaketara. Baina etorkizuneko etxeko lanen irudietan agertzen diren pertsonai guztiak emakumezkoak dira ... Horretan ez dirudi aldaketa handirik aurreikusten dutenik Electrolux-ekoek. Ez dut uste Emakunde n pozik egongo direnik.

We Make Money not Art blogean ikusia.

Europako estatuei zuzendu behar zaien Teknologia Berrien Irisgarritasunari buruz eta ezinduei eskeinitako zerbitzu digitalei buruzko komunikazioa prestatzeko, Europar Batasunak sareko inkesta martxan ipini du. Otsailaren 12arte eman daiteke iritzia, Public on-line consultation on a proposed COMMISSION COMMUNICATION on eAccessibility.

Sustatu blog kolektiboan eta Etiam-ek erabilgarritasunaren ikuspuntutik, ukitu dira gai hauek.

Europar Batasunaren komunikazio hori prestatzerakoan kontutan izan diran ideia batzuk:

• Sektore publikoetan irisgarritasun baldintzak aurreikustearen derrigortasuna. Bai kontratatutako tresna eta zerbitzu digitaletan, bai bertan garatzen direnentzat.
• IKT-etan lan egiten duten profesionalen sentsibilizazioa eta formakuntza irisgarritasun gaietan.
• Irisgarritasunaren eremuan estandarizazioa eta ikerketa bultzatu.

AEB-etan neurri asko dagoeneko legez, 508 Law delakoaren eraginez, indarrean daude.

Iturria: Internet Actu

Tokiko Agenda 21ak direla eta, garapen jasangarria eta jasangarritasuna hitzak erabiltzera ohituta nengoen. Aldiz, Euskaltzaindiak garapen iraunkorra hobetsi zuen, nahiz eta Eusko Jaurlaritzak behin eta berriro garapen jasangarria terminoa erabili.

Baina tira, blogera ekarri nahi nuena jasangarritasuna edo iraunkortasuna eta prospektibaren eremuak lotzen dituen webgune interesgarri hau da: Scenarios for Sustainability. A consortium to support open methods and tools(www.scenariosforsustainability.org ). Metodoak, softwarea, ... intereseko gauzak, bai.

Iraunkortasuna etorkizuneko joera da eta prospektibak gero eta arreta gehiago eskaintzen dio, ikuspuntu ezberdinetatik gainera.

Eta aurrekoekin batera, Sustainability Now ( www.sustainability.ca ), jasangarritasunaren inguruko errekurtsoak. Kanadan sortua, apur bat Ingurumena webaren estilora, baina ekimen profesional eta pribatutik sortua, British Columbia-ko ingeniero talde batek egina.

Gure artean, esate baterako Euskadiko Portu, Ubide eta Bideetako Ingeniarien Kolejioak edo Euskadiko Baso Injineru Teknikoen Elkarteak sortuko balu bezala. Ez legoke gaizki dena administrazioaren eskuetan ez uztea ...

Alex Steffenek idatzita, gure osasuna hobetzeko aholku batzuk World Changing blogean ikusi ditut, ...

Bai, bai, prospektiba da, etorkizunerako hazia, etorkizunean aginduko duen indarra. Osasunagatik kezkatzea, ez bakarrik Iruinean, azken urteetan gorantz doan joera da, eta datozen urteetan gorantz joko duena, edo hori dirudi behinik behin.

Beno, etorkizunerako joera ezbada ere, ondo etorriko zaizkigun aholkuak. Japonen Manpo-Kei egitaraua gomendatzen dute: Ibili zaitez 10.000 pauso egunero!! (ordu erdi edo ordu bete egunero, gutxi gora behera. Ez da asko eta merezi du)

• Ibili, paseatu, zure bikotearekin, semeekin edo lagunekin.
• Txakurra atera kalera
• Erabili eskailerak, aszensorearen ordez
• Joan zaitez oinez dendara, eskaparateak ikusi.
• Jaiki zaitez telebistako kanala aldatzera
• Bilerak oinez egin
• Joan zaitez auzokide bat bizitatzera
• Parkera edo dendak ikustera joan...

Tabakoa utzi dudanez, horrelakoekin hasi beharko dut...

Hainbat herri eta hirietan ez da erreza, baina Copenhagen, zein hiri polita, horrelako egitaraua ipini dute martxan, baina beste neurri osagarriak hartuaz:

-) kaleak oinezkoentzat bihurtu eta prestatu, -) trafikoa eta aparkalekuak pixkanaka kentzen joan, -) erdigunea biziberritu eta jendea bizitzera joan dadila, -) animatu erdigunea ikasleekin... -) eta horrela beste neurri asko, bizikletak, tabernak, terrazak,...

Aspaldiko kontuak, baina ez da plan txarra, ezta?

(bide batez New Yorken egon ginenean Irigoien lagunak atera zituen argazkietariko bat erabili dut)

Martxoaren 4an eta Informazioaren Gizarteari Buruzko Munduko Gailurrearen barnean, Interneten Prospektiba egingo dute Namur hirian Jules Destrees Institutuak antolatuta.

Hiru ardatz nagusi jorratuko dituzte:

• Teknologia informazioaren gizartean
• Giza baliabideak ezagueraren gizarterantz
• Internet Gobernatzearen zeharkako erronkak

Ardatz gehiago azter daitezke Interneten etorkizuna aurreikusterakoan, baina aukeratutakoak oso garrantzitsuak dira. Ikusi behar ekarpenak nolakoak diren.

Informazioaren Gizarteari Buruzko Munduko Gailurrearekin zerikusia duen gertaera pisuduna izango dugu urte amaieran Bilbon: Bilbao 2005. Cities & Regions World, Hirien eta Agintari Lokalen Informazioaren Gizarteari Buruzko Munduko II. Goi-Bilera , Tunisiako gailurrari begira.

Egitaraua zehaztu gabe dago oraindik, baina hiru lan talde izango ditu:

• Aplikazioak eta zerbitzu publikoak
• Interkonexioa eta Lurraldeak
• Solidaritate Lokala eta Nazioartekoa

Ekitaldia azarorako dago iragarrita, 9tik 11ra.

Garagoittiko Orakuluak Linuxari agur esan dion egunean eta azkenean Gari Linuxeroak Teknosexua Geek euskaldun baten memoriak bloga aurkeztu duen egunean, Porto Alegreko Foro Sozialean itzulpengintzan soft librearen erabilera goraipatzen dela irakurtzen diot Roland Piquepaille-ri bere How new technologies are modifying our way of life blogean.

Eremu honetan, itzulpengintzan, software libreko itzulpen automatikorako sistema iragarri dute duela gutxi. CodeSyntaxen ere software librean garatu ditugu itzulpengintzarako , itzulpen memorietarako, lagungarri izan daitezken tresnak.

Beraz, argi dago software libreak etorkizuna duela. Esate baterako Firefox 1.0, Plone 2.0-Zope , Linux 2.6 , ... 2004 urteko produkturik onenak (Top Products of 2004) izendatu ditu eWeek bezalako aldizkari batek. Milaka produktu eta aplikazio daude.

Kode irekiak garapen teknologiko endogenoa bideratzen du, ezagueraren teknologikoaren zabalkundea, gehitzea eta biderkatzea azkartzen du. Beraz, administrazioak bultzatu beharko luke eta ez oztopatu .

Normalean, CodeSyntaxen Software librearekin lan egiten dugu: Zope, Coreblog, OpenGroupware, Tumatxa eta beste aplikazio askorekin, baina arrazoia du Oierrek soporte gutxi eta formazio gutxi dagoela esaten duenean: Linux sistema eragilliaren tripak aztertzen genduzen, eta... nik ez najuan hori nahi. Nik Windowseko ordenadore bat erabiltzen ikastea besain azalpen errezak nahi najittuan. Neri Linuxa zelan funtzionatzen daben ez zestan ardura; ni zelan erabiltzen zan nahi najuan jakin bakarrik.

Bada, bai software libreko aplikazioak zelan erabili irakasteko ikastaro gutxi daude: Openoffice - word, excel eta accesen ordez - nola erabili, Linuxeko lau gauza nola egin, eta horrelakoak behar dira, baina KZ-etan edo eskoletako informatika orduetan ez dira irakasten. Behin eta berriro, Microsoft aplikazioak erakusten dira, hori ezagutzen dugu eta horregatik Oierrentzat eta gehienontzat hori da naturala.

Noizbait aldatu beharko dugu.

Shanghai Jiao Tong University-ko Institute of Higher Education delakoak munduko 500 unibertsitate onenen zerrenda argitaratu du .

Ez dakit nolako fidagarritasuna duen, baina sailkapena egiteko metodologia agerian dute: Nobel sarien kopurua ikasle izandakoen artean, berdin gaur egun irakasle edo ikertzaile direnen artean, artikulu akademikoen kopuru eta kalitatea, etabar.

Ondorioz, 500 onenen zerrenda egin dute, eta erabilitako kriteriaren arabera, munduko 10 unibertsitate onenak hauek dira:

• Harvard University
• Stanford University
• Cambridge University
• University of California, Berkeley
• Massachusetts Inst Tech
• California Inst Tech
• Princeton University
• Oxford University
• Columbia University
• University of Chicago

Beste hiru zerrenda ageri dira, Amerika, Europa eta Asiako 100 unibertsitate onenekin.

Ez dago unibertsitate euskaldunik Europako 100 unibertsitate onenen artean. Tokiko edo inguruko eraginkortasuna dute helburu eta estrategiatzat hemengo unibertsitateak eta ez, ordea, estrategia globala. Inportantea da tokiari ondo lotua izatea, erroak ondo sustraituak izatea, baina gaur egun gero eta globalagoak dira Unibertsitateak.

Esate baterako, azken bi urteetan Michael Porter Harvard-eko irakasleak zuzenduta Competitividad Empresarial y Desarrollo Regional izeneko ikastaroa eman da ESTEn. Zenbait klase bideokonferentziaren bitartez jarraitzen direlarik. Etorkizunean joera hau areagotu egingo da.

Europako Top 100 zerrenda horretan, oso atzean, baina ageri dira, estatu espainoleko bi unibertsitate: Universidad Autonoma de Madrid eta Universitat de Barcelona eta askoz aurrerago sailkatuta Frantziako hamairu unibertsitate: Paris 06, Paris 11, Universite Strasbourg 1, Ecole Normale Superieur de Paris, Paris 07, College de France, Universite Grenoble 1 , Universite Montpellier 2, Paris ondoan dagoen Palaiseau-ko Ecole Polytechnique, Universite Lyon 1, Paris 11, eta sailkapen honetan gertuen ditugunak Universite Bordeaux 1 (www.u-bordeaux1.fr2 ) eta Universite Paul Sabatier - Toulouse 3 (www.ups-tlse.fr).

Udalerri sortzaileen sarea antolatu nahiean dabiltza Kanadan. Oso interesgarria eta gurera inportatzeko modukoa iruditu zait ideia.

Hona hemen, ekimenak duen webgune helebidunean (Frantzesa /Ingelesa ) ematen den azalpena:

Artea, kultura eta ondarearen sostenu, garapena, plangintza eta politikataz arduratzen diren Kanada osoko enplegatuek eta udal enplegatuek osatzen duten erakundea da.

Errekurtsoak, direktorioak, praktika onak, ... trukatzeko erakundea da. Esan bezala, webgune helebidunarekin: www.creativecity.ca

Ez dakit praktikan funtzionatuko duen, baina ideia oso ona da. Artea, kultura, ondarea, ... bezalako arloak indartu egingo direlakoan ezagueraren gizartean eta horietan ere berrikuntzaren premian gaudelakoan.

Atzo, Garik teknosexua izeneko bloga ireki zuen, igandean Andu Lertxundik teknosexualen sexu birtualarekin kezkatuta zebilenean aitzakia eman ziolako.

Gaur, gaiaren inguruan Guardianek albistea argitaratu du eta Robotics edo we make money not art blogek erreferentzia dakarte:

Hego-Koreako Intelligent Robot Research Lab delakoan Kim Jong-Hwan bezalako koreanoek, robotei futbolean jolasten irakasteaz aparte, kromosoma artifizialak ezarriko dizkiete izaera propioa eta sentimenduak izan ditzaten (gozea, logura, haserrea, poza, beldurra, ...).

Horien artean, ezaugarri sexualak jarriko dizkiete robotei, kromosoma ezberdinak alegia, eta etorkizunean, nahi badute, robokumeak (?) egiteko prest izango dira.

Momentuz ez dute argitu roboten artean kromosomak trukatzeko beharko den pendrivearen tamaina minimoa, baina laborategi koreanoetan zurrumurrua dabil: tamaina ez omen da izango erabakikorra ...

Banketxe eta aurrezki kutxen kopurua beherantz doa: fusioak, erosketak, ... Aldi berean Internet bidez egiten ditugun finantzial operazio eta aktibitateak gorantz doaz.

Seguruenez erabiltzaile gehienei bost axola, baina sektorean aspaldidanik kezka dabil: zein da finantzial sektorearen etorkizuna?

Argitu nahiean, duela gutxi AEBetako FDIC - Federal Deposit Insurance Corporation ( www.fdic.gov ) banketxeen etorkizunari buruzko ikerketa argitaratu du: The Future of Banking in America , non gaiari buruz argibide eta tendentzia batzuk ematen diren.

George Hanc-ek egindako laburpena sarean dago.

Guztira lau txosten dira, kritikotzat jota, honako gaiak aztertzen dituztenak:

• Banketxeen tokia finantzial sisteman
• Banketxe kopurua
• Banketxe komunitatea
• Ordainketa sistemak

Aste honetan iragarri dute hainbeste eztabaida sortarazi duen Mutrikuko portu berriaren proiektuan itsasoko olatuez baliaturik energia elektrikoa sortzeko planta eraikiko dutela Mutrikun. Mutrikuko Atxukale.com webguneak dakar albistea, baita Yahoo-k ere.

Olatuen indarra energia sortzeko aukerak oraindik oso gutxi erabili dira. Mutrikun ezarriko dena Wavegen enpresa eskoziar espezializatuak ( bere lema Wave Energy Wave Power Clean Renewable Electricity Generation da ) garatutakoa da.

Munduan bakarrenetarikoa dela zabaldu da gure inguruan, baina itsasotik energia garbia lortzeko ahalegin ugari daude munduan, aspaldidanik.

Mutrikukoa iragartzen zen egun berean, AEB-ko Oregon-en, Oregon Department of Energy, US Navy eta beste eragile batzuk bere asmoak aurkeztu zituzten, eta energia mota hau serioski aztertzen ari direla esan zuten, ezartzeko prest daudela, alegia. Waves power future dio Gazette Times-ek eta Oregon may lead future of wave energy zioen Eurokalert-ek

Alan K. Wallace irakaslearen esanetan, gaur egun itsas olatuen energia ustiatzea haizearen energia ustiatzea baino 15-20 urte atzerago dago teknologien garapenari dagokionez. Baina, bere ustetan dagoeneko teknologiak ekoizpen mailara ailegatu dira.

Ikusirik gure inguruan haize generadoreek ez dutela ekologista eta mendizaleen artean harrera onegia izan, energia garbia lortzeko itxaropenak itsas generadoreetan jarri beharko ditugu. Baina seguruenez, etorkizuneko energia garbia soluzio anitzetik etorriko zaigu: haizea, eguzkia, itsasoa, berziklaketa, pila sugarriak, kontsumoa gutxitu, ... (zenbaitek nuklearraren aldeko apostua egiten dute berriro). Ez dut uste datozen 20-30 urteetan erabateko soluzio bakarrik aurkituko dugunik.

Argazkiak Sustatu eta Euskonews

Joan zen ostiralean IK4 Aliantza Teknologikoa aurkeztu zuten. CEIT, Gaiker, Ikerlan eta Tekniker ikerketa zentroen artean sortu dute eta Eibarren izango du egoitza administratiboa.

Lan eremu nagusiak mekatronika, microteknologiak, ekoizpen eta kudeaketa industriala, materialeak eta prozesuak, bioteknologia, Informazio eta Komunikazio Teknologiak (IKT-ak), ingurugiroa eta energia izango dira.

Horretaz gain, zentroen arteko elkarlanak eremu berriak sortuko duela uste dute proiektuaren bultzatzaileek.

Printzipioz albiste ona. Proiektuak koordinazioa, elkarlana, sinergiak eta gero eta lehiakorragoa den ikerkuntzaren eremuan jokatzeko tamaina ekarriko dietelako aliantzan parte hartzen duten ikerketa zentroei.

IK4 Aliantza Teknologikoa Partaideak

IK4 Aliantza Teknologikoak guztira 800 langile, 700 ikertzaile, izango ditu, eta partaideak honako hauek dira:

• CEIT (www.ceit.es ): Donostia. Universidad de Navarra delakoaren Ingenieritza Fakultateko ikerketa zentroa. 260 langile. 9,6 miloiko fakturazioa. Materialak, electronika, komunikazioak, mekatronika, simulazioa eta ingurugiroa.
• Tekniker (www.tekniker.es ): Eibar. 152 ikertzaile. 12 miloiko fakturazioa. Besteak beste, Fabrikazioa Teknologiak (manufacturing) eta mikroteknologiak .
• Ikerlan (www.ikerlan.es ) : Arrasate eta Gasteiz. MCC-ko ikerketa zentroa. 225 ikertzaile. 15,25 miloiko fakturazioa. Mekatronika, mikroteknologiak, IKT-ak, diseinu eta ekoizpen industriala eta energia.
• Gaiker (www.gaiker.es ): Zamudio. 100 pertsona. 8,2 miloiko fakturazioa. besteak beste, plastikoak y konpositean, ingurugiroa, berziklaketa eta balorapena, bioteknologia.

Tecnalia Corporación Tecnológica

Aurrerago, duela pare bat urte, beste aliantza teknologikoa ezagutu dugu, 2002an Tecnalia Corporacion Tecnologica sortu zen. Gure inguruko beste bost zentro teknologikoen, - AZTI, ESI, Inasmet, Labein eta Robotiker -, arteko aliantza estrategikoaren ondorioa izen zen TECNALIA, eta helburua IK4-k aurkeztu duenaren antzerakoa da: inguru ekonomiko eta sozialaren garapenari laguntzea, Ikerketaren Garapenaren eta Hedapenaren bidez Berrikuntza Teknologikoa erabili eta sustatu.

Tecnalia Korporazioak partaideen arteko integrazio handia suposatzen du, planteamendu eta estrategia korporatibo bakarra eta amankomuna. Ez da, momentuz, IK4 Aliantzako partaideek azaldu duten estrategia: IK4 osatzen duten lau zentroek autonomia osoa mantenduko dute. Helburua gehiago da zentro guztien ezagueren gehikuntza, sinergiak bilatzea eta Europara begira tamaina eta konpetentziak lortzea.

Bestalde, Tecnaliak eta IK4-k ikerketa eremu amankomun batzuk dituzte, eta, printzipioz behintzat, elkarlanerako ildoak aurreikus daitezke Europara begira, baina era berean hobekuntzarako ezinbesteko elkarlehia izango dutela dirudi. CSIC-en inbertsioen faltan, ez dago gaizki inguru txiki honetan horrelako bi ikerkuntza aliantza indartsuak izatea.

Ongi etorria IK4!

Eguneratua 2005-02-24

IK4 Research Aliance webgunea

CEIT, Gaiker, Ikerlan eta Tekniker ikerkuntza zentroek sortutako IK4 Research Aliance - Aliantza Teknologikoa, webgunea berria dauka: www.ik4.es . Normala denez informazio gutxikin oraingoz, joango dira osatzen.

Honetaz ari da Dave Pollard kanadiarra bere How to save the world Papers on business innovation & knowledge management blogeko artikuluan.

Seguruenez ezaguna da premisa hori gure artean, horregatik albiste ontzat jotzen nuen IK4 aliantza teknologikoaren sorrera .

Hala ere, guztiz gomendagarria Pollard-en artikulua (Innovation as Collaboration ) argi ikusten duelako beste elkarlan batzuek, esate baterako bezeroekin ditugun elkarlanak, berrikuntza eta aurrerakuntzarako iturri ezin hobeak direla.

Ildo berean, Doblin Group -eko 10 berrikuntza motak oso interesgarritzat jotzekoak dira.

IFTF's Future Now Emerging technologies and their social implications delakoan irakurria.

Argazkia: How to save the world

Joan zen egunean aipatzen nuen unibertsitateak gero eta globalagoak direla, ESTE-k antolatzen duen ikastaro bat adibide bezala ipiniaz.

Bada, gaur ailegatu da nere postontzira ikastaro horren aipamena eta hemen doa, copy-paste eginda, norbaiti interesatzen bazaio edo.

ESTE-Deustuko Unibertsitateak eta SPRIk hirugarren aldiz Enpresa Lehiakortasunari eta Herrialde Garapenari buruzko Ikastaroa antolatu dute.

Ikastaroa, Michael E. Porter irakasleak eta Harvardeko Unibertsitateko Institute for Strategy and Competitiveness-eko (www.isc.hbs.edu ) bere lan-taldeak prestatua izan da.

Ikastaroa zabaltzeko folletoak dioenez, irakasteko material bikainean oinarrituta, enpresa, sektore, cluster eta herrialde txit ezberdinez osatutako hainbat kasuren azterketaren bidez, ikastaroaren parte-hartzaileengan lehiakortasuna eta haren baldintzatzaileak era sistemiko eta berritzailez analizatzeko ahalmena garatzen da, eta halaber lankidetzan aritzeko bideratu. Esperientzia berezi honetako kide izatera gonbidatu nahi zaitugu, 5 kontinenteetan banatutako nazioarteko 50 baino gehiago ikastetxe entzutetsuekin, metodologia, prozesuak, interesak eta ekintza-planak elkarbanatuz.

Informazio zehatzagoa lortzeko ikastaroaren webgunean, www.ccedr.com , edo zuzenean egingo diren lau aurkezpenetara joan:

• Bilbo. Otsailak 14an. Deustoko Unibertsitatean. Hitzaldi Aretoan. 19:00 - 20:00
• Gasteiz. Otsailak 15ean. Merkatal Bazkundea. 19:00 - 20:00
• Iruñea. Otsailak 17an. Nafarroako Club de Marketing . 19:00 - 20:00
• Donostia. Otsailak 18an . ESTE-ko Graduondoko aretoan. 12:00 - 13:00

Frantziako Groupe de Reflexion sur les Industries de l'Information et les Industries de la Langue (GRIIIL) delakoak, liburu zuri interesgarria kaleratu du Hizkuntza Teknologien inguruan.

Liburu zuriak Hizkuntzen Trataera Automatikoa Informazio Industrietan (Le traitement automatique des langues dans les industries de l'information), Hizkuntzaren Industrien eta Hizkuntza Teknologien ikuspegi orokorrak eskeintzen ditu.

Bi erakundeen elkarlanaren emaitza da: l'Association des Professionnels des Industries de la Langue (APIL - www.apil.asso.fr) eta le Groupement Francais de l'Industrie de l'Information (GFII - www.gfii.asso.fr ). Liburua Zuria erakunde bien webguneetan eskuragarri dago.

CodeSyntax-en hizkuntza teknologien eremuan lan egiten dugu, batez ere webgune eleanitzen garapenean eta softwarearen lokalizazio eta internazionalizazioan . Beraz, arretaz jaso dugu Frantzian kaleratu berri den liburu zuri hau.

Egoera eta joerak aurkezteko, neurri handian Technologies de la langue en Europe : marche et tendances ikerketara jotzen dute. Ikerketa hau Technolangue ekimenaren barne (www.technolangue.net ) egin zuen Bureau Van Dijk aholkularitza etxeak, Frantziako Ministère de la Recherche-ren kontratupean.

Hizkuntzaren Teknologien Industrian koka daitezken aplikazioen artean, honako segmentuak bereizten dituzte Le traitement automatique des langues dans les industries de l'information liburu zurian:

• Edukien kudeaketa
• Dokumentu kudeaketa
• Itzulpenak
• E-Business
• Testu eta ahotsezko hizkuntza errekurtsoak
• Ekoizpena eta edizioa
• Interfazeak, ahots eta moduanitzekoak
• E-learning
• Bilaketa motore inteligenteak

Sailakapen honetan ageri diren lehendabiziko biak dute merkatu kuota handiena, bien artean merkatu osoaren %50a baino gehiago dutelarik.

Hizkuntzaren Teknologien Industriaren etorkizuna epe laburrera

Ikerketaren egileen arabera, hizkuntza teknologien merkatu mundiala 2005 urtean 2.000 milloi euro izatetik, 2007 urterako 3.000 milloi euro izatera pasatuko da.

Europar merkatuari dagokionez, 1.000 miloi euro inguruan egon beharko luke 2007 urtean. IKT-en erabilera gehitzearekin batera, hizkuntza tresnen erabileraren gehitu beharko litzatekelako.

Baina, txostenaren egileen arabera marketing ekimen sendoak beharko dira eskaerak eta eskaintzak bat egiteko. Hala ere, ikerketaren arabera hizkuntza industriek gora egin beharko dute hurrengo urteetan.

Aplikazioak

Testuen Trataera Automatikoaren teknologiari sarreratxoa eskaintzen dio Le traitement automatique des langues dans les industries de l'information Liburu Zuriak eta, adibide moduan, Testuen Trataera Automatikoaren zenbait aplikazio zehatzak aipatzen ditu.

Besteak beste, honako hauek:

• Zelata estrategikoa
• Zelata adimen ekonomikoan
• Web Atariak
• Sailkapen Automatikoa
• Patente kudeaketa
• E-merkataritza
• Enpresa Terminologia
• Lan eskaintzen kudeaketa
• Bilaketa motoreak

Testuen trataera automatikoaren aplikazioak aurrerakuntza eta errentagarritasun handia eskein diezaizkiete, beste beste, arlo hauei.

Estandarrak

Datuen trataeran estandarrak erabiltzean dago gakoetariko bat. Hau da, behar beharrezkoa da trukaketa eta interoperabilitatea arlo ezberdinetan:

• datu testualetan
• hizkuntz errekurtsoetan eta terminologietan
• meta data delakoetan

Ikerketaren arabera, de facto-ko estandarrak lortu ez direnez, soluzioa de jure-ko estandarrak definitzean dago.

ISO-k Hizkuntzaren Trataera Automarikoari zuzendutako arau familia definitu du, ISO-TC37-ren barnean. Bi mailatan:

• Maila bajuko arau edo norma batzuk: hizkuntz kodeak (ISO-639), script kodeak (ISO-15924), lurralde kodeak (ISO-3166), Unicode karaketeren kodeaketarako, etabar
• Maila altuko arau edo normak, askoz ere egiturauak: TMF (Terminological Markup Framework ISO-16642), enpresas terminologiei buruz elebakarrak edo eleanitzak; LMF (Lexical Markup Framework ISO-24613), hiztegiak hartzen ditu neurria handian; eta MAF (Morpho-syntactic Annotation Framework ISO-24611) Korpusen anotazioei buruz.

Hirurak XML lengoaian definituak daude, beraz interoperatibitate handia eskeintzen dute.

Atzo jakin izan dugu Eleka eta beste eragile batzuen eskutik, Espainieratik euskarara automatikoki itzultzeko asmoa 2006rako izango dela. Atzo ere, Europar Komisioaren IST Results aldizkariak argitaratu zuen artikuluan Creating linguistic resources for automated translation , 13 hizkuntzetan hiztegiak, corpora, eta lexicak batu dituztela LC-STAR (www.lc-star.com ) (Lexica and Corpora for Speech-to-Speech Translation Components) proiektuaren barnean. Momentuz, euskara ez dago 13 hizkuntza horien artean.

LC-STAR proiektua 2005eko urtarrilaren 31ean amaitu zen eta aipatutako hizkuntza datu-baseak itzulpen automatikorako sistemetan erabiliko dira. Izan ere, Siemens etxeak erabiltzen omen ditu jada ikerketa proiektuaren emaitzak eta Turismo eremuan (Hau da eremu mugatu batean, Turismo eremura zuzendutako hiztegiekin, alegia) Gaia izeneko telefono zerbitzarian ingelesa, gaztelera eta katalanera hizkuntzetan lan egiten duen itzultzaile automatikoa martxan omen dago.

Gainera, aipatutako LC-STAR proiektuan sortutako hiztegiak eta itzulpengintza automatikorako teknologia epe luzeari begira hasiberri den TC-STAR proiektura gehituko dira. TC-STAR proiektua (www.tc-star.org ) hurrengo sei urteetan ahots ahotsko itzulpen aurreratuan lan egingo du. Proiektuan enpresa handiak daude sartuta: Sony, IBM, Nokia, Siemens, ... eta Catalunyako UPC -Universitat Politècnica de Catalunya delakoa.

Saiakera ugari egin dira, baina itzulpen automatikoak oso eremu mugatuetan eta oso hitz kopuru mugatuekin funtzionatu dezake momentuz. Hala ere, batek daki zer lortu daitekeen etorkizunean... Comspeak eta VIVO-ak gero eta gertuago?

Duela gutxi, René Duringer-ek bloga hasi du idazten: SmartFutur Hypotheses de situations de vie quotidienne en 2033 izenekoa.

Aitortzen duenez Renék prospektiba maite du eta argi uzten du ez dagoela ideien faltan: bere blogean 2033 urtean eguneroko bizitza nolakoa izan daitekeen deskribitzen saiatzen da.

Momentuz, bostpasei artikulu idatzi ditu. Egun batean, hasieran atxilotuentzat pentsatuta zegoen Sleep programak populazio zibilaren artean izan duen arrakasta kontatzen digu zorroztasunez:

Une équipe de neurologue, de spécialistes de l’hypnose et des chercheurs du labo Long Life Neuro-nutriment avaient mis au point une méthode révolutionnaire pour désactiver les prisonniers en sureffectif afin de pouvoir les maintenir en état de vie végétative (réversible) dans des silos réfrigérés. Le budget des prisons fut ainsi diminué par trois en 5 ans. C’est l’agence de marketing et design Dragon Jaune qui proposa de revisiter le programme Sleep afin de l’étendre à la population civile, avec un concept enthousiasmant ! A partir de 2023 presque 20 % de la population avait adhéré à ce programme.

Beste batean, 2012an Parisko Joko Olinpikoetan erabiltzen hasi zen Pink Sky pilularen generalizazioaren onurak kontatzen dizkigu

Gaur, RAPPO legeari esker 2033 urtean lortu ziren emaitzen berri eman digu (RAPPO = Respiration-Alimentation-Plaisir-Pause-Obligatoire ).

Imaginazioa, umorea eta kritika ez zaio falta Réneri, gainera 2033 urteko irudi batzuk ekarri dizkigu.... hori bai zenbait irudi Vodafone-ren "Vodefone Future Site"-an oinarrituta dirudite.

Artikulu eztabaidagarria argitaratu zuen Wired aldizkariak azaroko zenbakian: The Decline of Brands . Gaur berriro ikusi dut famatua egin den artikuluaren erreferentzia Tod Maffin kanadarraren Future File, blogging the future of business blogean.

Bihar, ESTE -n zuzendaritza estrategikoaren moduloaren klaseak hasten ditugunez, gai egokia iruditu zait blogera ekartzeko.

Tesia marka kontzeptuak gero eta balio gutxiago duela da. Gaur egun, produktua da balorea duena.

James Surowiecki artikulugilearen iritziz, Coca-Cola eta beste banakako batzuk kenduta, markek ez dute zerikusirik enpresak benetan egiten duenarekin. Horregatik, eta adibide ugari ipintzen ditu, markak eta markismoa hilda daude.

Esate baterako, CyberHome -k Sony -k baino DVD erreproduktore gehiago saltzen ditu, antzerako kalitatean askoz merkeagoak direlako. Jendeak markagatik gehiago ordaintzeko prest dagoela dio, baina errealitatean duela 5 urte Sony batek %44 gehiago kostatzen zuen bitartean, gaur egun bakarrik %16a gehiago balio du, eta hala eta guztiz ere jendeak CyberHome DVD erreproduktoreak erosten ditu.

Kevin Roberts, Saatchi & Saatchi (www.saatchi.com ) publizitatearen erraldoiaren zuzendariaren arabera, gaur egun kontsumitzailea da nagusia, agintzen duena, markek ez dute lekurik inon.

Printzipioz, ez da batere berri ona marketinarentzat eta marketing gizon-emakumeentzat. Markei eman zaien balorea, miloietan kalkulatutakoa, zalantzan jartzekoa, beraz. Baina, era berean, jende asko dago markek oraindik zer esana dutela diotenek, eta Surowiecki-k plazaratzen dituen tesiak zalantzan jartzen dituena. Ildo berean zihoan Harvard Business School-eko HBS Working Knowledge aldizkarian apur bat lehenago argitaratutako artikulua , How Consumers Value Global Brands: markek kalitatea ziurtatzen dutela, markek esanahia kulturala dutela, ...

Ez dakit topikoa den edo, baina betidanik entzun dugu beste herrialde batzuekin konparatuz, markak sortzen inoiz ez garela onak izan, aldiz produktu onak egiten ditugula. Kalitatea, ikerketa eta berrikuntza bultzatzeak produktuaren aldeko lanak dira. Baina, topikoak topiko, polita Wired-eko artikuluaren azken esaldia:

The aristocracy of brand is dead. Long live the meritocracy of product. (Markaren aristrokazia hil da. Bizitza luzea produktoaren meritokraziari.)

Social Software delakoaren atalean, social bookmarking bezala ezagutu dena, beharbada, arrakastatsuenetarikoa da.

Zer da "Social Bookmarking"-a?

Bookmark edo esteka bildumak gorde eta sailkatzeko (ikusi folksonomia ) Internet zerbitzu mota berezia da. Norberak beste batzuek gordetako loturen bildumak ikusi eta norberaren bildumara gehitu ditzake, edo beste batzuen esteka-zerrendetara harpidetu daiteke. Era berean, norberak aukeratutako loturen bilduma publikoa da. (Ikus Wikipedian Social Bookmarking )

Social Bookmarking-aren abantailak

Denham Grey-ek bere Knowledge-at-work blogean, besteak beste honako abantailak ikusten dizkio social bookmarking-ari:

• Gure erreferentzia gogokoenak sarean gordetzen ditugu, gure ordenagailuan gordeta izan beharrean. Horrela edozein tokitik kontsulta ditzakegu: etxetik, lanetik, unibertsitatetik, herriko liburutegitik, gure bezeroaren bulegotik, ...
• interesatzen zaizkigun gaiak jarraitzeko oso modu azkarra da. RSS irakurtzaileei esker gure intereseko gaien berri izango dugu berehala.
• aukeratutako estekeei jendeak ezartzen dien "tag"-a edo komentarioak ikusterakoan, besteek gauzak nola "ikusten" dituzten ideia ematen digu, gure ikuspuntu propioarekin konparatu ahal izateko.
• etiketa edo "tag" sinpleak erabiltzerakoan, estekak karpetetan gordetzea baino askoz ere malguagoa da.
• jendeak gehitzen dituen esteka edo lotura berrien jarraipena egin daiteke. Edo popularrenak. Edo zure intereseko gaiarenak.

Sozial bookmarking-a orain hemen (web loturak konpartitzen)

Dudarik gabe, zerbitzu ezagunena eta erabiliena Del.icio.us da. Zenbaitek hasi dute gure artean erabiltzen. Luistxok, bere blog eleanitzean, ondo azaldu zuen nola erabiltzen dugun sustaturako tag-a Jamaika atalean: kolektiboki lotura edo esteka interesgarriak markatzeko eta biltzeko. Ingelesez, Using del.icio.us collaboratively in a Basque collective weblog artikuluan dago; espainolez, Tags convergentes, ideas convergentes artikuluan; eta euskaraz Jamaika ikusteko jaio gara: Sustatuko atal berria azaltzen Del.icio.us: ze tresna ona, dagoeneko zenbait euskaldunen eskuetan artikuluan.

Orain atal osoa du Aurki berriak bere jarioen artean: del.icio.us jarioa atala. Hau da, euskarazko tag ezberdinak (liburuak, argazkiak, blogak, euskara, hezkuntza, ...) erabiliz trukatzen ditugun estekak jasotzen ditu Aurki berriaren atal honek, del.icio.us zerbitzuak RSS bitartez banatzen dituelako, eta Aurkik jasotzen dituelako. Benetan gomendagarria.

RSS-en iraultzari buruz, joan zen astean hitz egiten zen Business Week aldizkarian All Your Info in One Place artikuluan, eta gure artean badugu informazio biltzaile baten adibide ona: Aurki berria, eta bereziki Jarioa atala.

Etorkizunerako joera: Sozial bookmarking espezializatua? Social bookmarkingaren gaineko zerbitzu berriak?

Del.icio.us ez da "social bookmarking" zerbitzu bakarra. Espezializazioak sortzen ari dira, batez ere ikertzaile eta ikasleei zuzendutakoak, bere erreferentziak gorde eta konpartitu ditzaten.

Horrela, esan bezala, erabiltzaileen arabera artikulu popularrenak edo berrienak ezagutu eta kontsultatu ditzakezu, eta zuk aurkitutakoak gorde, besteek ikus ditzaten jakina.

Zentzu horretan nahiko ezaguna zen Cite U Like eta orain Connotea zerbitzua sortu da. Oraindik hasi berriak dira zerbitzu mota espezializatu hauek, baina joera gero eta gehiago erabiltzekoa da, nik uste.

Aurrekoa bezala, Connotea komunitate zientifikoari zuzentzen dela dio bere aurkezpenean. Eta Cite U Like-kin elkartzeko tratuetan dabiltza, bien artean zerbitzu indartsuagoa egiteko. Ikusi behar nolako arrakasta lortzen duen.

Bestalde, del.icio.us-en arrakastari jarraituz, zerbitzu eta aplikazio berriak asmatzen dituzte ia egunero bere gainean edo beste aplikazio batzuekin lotzeko. Durl, Pasta, sid.vicio.us, avar.icio.us, nutr.itio.us, gre.gario.us, ... eta beste hamaika. Hona hemen zerrenda oso bat: Absolutely Del.icio.us - Complete Tool Collection , arrakastaren seinale.

Hasi-berrientzat gida erabilgarriak daude: ingelesez (Us.ef.ul A beginner's guide to The Next Big Thing eta espainolez (Us.ef.ul : La guia del principiante )

Sozial bookmarking tresnen arteko konparaketa

Estekak edo bookmarkak kudeatzeko tresnak kolaborazioa, trukaketa edo sareak eraikitzea izan dezakete helburutzat.

Esan bezala del.icio.us ez da tresna bakarra. Gaur aurkitu dut tresna ezberdinen arteko konparaketarako taula bat, pare bat orritan egina: Social bookmarks' charts version 1.0 (pdf formatoan, 73 kb)

Konparatzen dituen tresnak hauek dira:

• Furl (www.furl.net )
• Spurl (www.spurl.net )
• del.icio.us (del.icio.us )
• HLOM(www.hyperlinkomatic.com )
• Gibeov (gibeo.net. )
• CiteULike (www.citeulike.org )
• Connotea (www.connotea.org )
• Linkroll
• openBM
• Simpyv
• FeedMe Links

Zein da onena?

Ba ez dago guztiz argi, konparaketaren egilearen iritzia hau da:

This is a really difficult question. It depends on your needs. Personally I use del.icio.us combined with Spurl, but maybe you prefer another service combined with an off-line browser that keeps copies of pages interesting you. Working with LaTeX and BibTeX, Furl and CiteULike will probably be your favorites, and so on.

Baina, kasu honetan, beste zenbaitetan bezala, kontua ez da bakarrik onena izatea, baizik eta erabiliena izatea. Are gehiago informazioa trukatzeaz ari garenean, zenbat eta jende gehiago parte hartu hobe.

Ikusi behar zer ematen duen iragarritako CiteULike eta Connotea-ren arteko aliantza, baina, horretan, momentuz del.icio.us-ek abantaila osoa du.

Eguneraketa, 2006-09-19

Denbora pasa da hau idatzi nuenetik, urte t'erdi baino gehiago, baina Read/write web-en Alex Iskold-ek The Social Bookmarking Faceoff artikulu interesgarria idatzi du. Bertan Alexaren sailkapenean 100.000. postutik behera dauden Social Bookmarking proiektuen konparaketa egiten du eta aste honetan 3 urte bete dituen del.icio.us-en nagusitasuna ondoriotzen du, StumbleUpon (www.stumbleupon.com) delakoarekin batera. Azken hau errekomendazio edo aholkuetan oinarritzen den sistema bat da.

Social Bookmarking -ari buruz hitz egiterakoan inguru elkargarri edo bateragarri batean pentsatzen dugu: komunitate zientifikoa, ikerketa zentroa, unibertsitatea, hirugarren sektorea, NGO-ak, ... baina, baldintza berdinak betetzen baditu ere, ez zaigu burura etortzen informazioa trukatzeak enpresa munduan duen erabilgarritasuna.

Baina, sozial bookmarking delakoak baliogarritasun handia dauka enpresa munduan, besteak beste barne-ezaguera trasmititu eta kudeatu ahal izateko.

Eremu honetan CodeSyntax -en tresnak garatzen ditugu eta, besteak beste, bookmarkak edo anotazioak garrantzia handia zuten RODA izeneko proiektu interesgarrian parte hartu genuen.

RODA, Red de Conocimiento Descentralizado a traves de Anotaciones delako proiektuan, Mozilla nabigatzailearen gainean instalatzen den Annozilla (annozilla.mozdev.org ) anotatzailearekin egindako marka edo erreferentziak inguru itxi eta kontrolatu batean gordez, W3C-Perllib Annotations Server delakoan, proiektuaren parte hartzen genuen enpresak gure bookmark-ak gordetzen genituen.

IBIT, Illes Balears Innovación Tecnológica, IAT , Instituto Andaluz de Tecnología, eta Robotiker izan ziren proiektuaren gidaritza eraman zuten teknologia zentroek.

Annozilla eta W3C-Perllib Annotations Server W3C barnean dagoen Annotea Projet (Annotea Projet ) delakoan kokatzen dira.

Kasu honetan, bookmark-ak edo anotazioak ez ziren publikoki ixten baizik eta zerbitzari pribatu batean.

Beraz, anotazioa edo informazioen erreferentziak partekatzeari dagokionez, enpresaren interesaren arabera, bizpahiru aukera posible daude:

• anotazio edo bookmarkak gordetzeko publikoki lan egitea, Soft libreko proiektuetan bezala. Nire ustez, kasu gehienetan hobe da: asko ematen da, baina askoz gehiago jasotzen da komunitatea handi batekin lan egiterakoan.
• anotazio edo bookmarkak pribatuan gorde, zerbitzari propio batekin lan egitea. Kostea handiagoa da, eta elkarlanean dagoen komunitatea askoz txikiagoa da. Bestalde, enpresan bertan ondo landu behar da lantaldeko partaidea eta informazio trukaketa, bakoitzarentzat informazioa konpartitzeak dituen onurak ondo azaldu behar dira.
• hirugarren aukera mix bat egitea da: zenbait proiektu komunitate publikoarekin landu, eta beste batzuk enpresaren barnean mantendu. Kasu honetan, porrot egiteko arriskua handienak sistemen bikoizketan, eta bestalde, jendearen artean sor daitezkeen nahasketetan daude.

Baina, eredu bat edo bestea hartu, argi dago anotazioa edo bookmark-ak konpartitzeak onura handiak dakarrela enpresa batentzat eta, nola ez, indibidualki enpresako langileentzat aberasgarria dela.

RODA-ren ondoren ANOTA izeneko proiektua ipini da martxan, eta bi produktu piloto garatzeko asmoa dago:

• Anotazio sistema bat (pos-its eta libreta digitala)
• Web semantikoan oinarritutako informazio sistema, turismo arloan oporretarako paketeak sortzeko. (Normala, proiektuaren lidergoa Illes Balears-en bait dago)

RODA-ren kasuan bezala , ANOTA proiektuaren jarraipena egiteko bloga edo katalanez esaten duten moduan bloc-a dago: http://anota.ibit.org/bloc/

Aste honetan hasi dira klaseak Fakultatean eta postontzian pilatutako Unibertsitateko BIU Buletinak jaso nituen atzo. Urtarrilaren 17koan zeukan ESIDE -koek , RoboCup -aren antzera, abenduan antolatu zuten Mikroboten Euskadiko IV Txapelketaren berri. Goiko argazkian ikus daiteke finaletariko bat eta webean dute txapelketaren iragarkiak eta arauak

Urtero, Deustoko ESIDE Ingeniaritza Fakultateak antolatuta egiten den Euskadiko Mikroboten Txapelketak hiru kategoria ditu:

• mikrobot aztarnariak (Ikusi arauak )
• mikrobot sumo borrokalariak (ikusi arauak ) eta
• mikrobot garbitzaileak (ikusi arauak ) .

Aurtengo txapelketak 140 parte-hartzaile izan zituen eta Deustuko Campus-eko Auditorioan egin zen.

Euskadiko txapelketa Salamancako Unibertsitateko robot batek irabazi zuen. Hemen dituzue Salamancako Euskadiko Txapeldunak poz-pozik: Un robot de la Universidad, premiado en el IV Campeonato de Euskadi de Microbots : El robot "Noelia", diseñado por el Departamento de Informática y Automática, consigue el primer premio en la categoría de ‘Sumo’.

Noelia izeneko Euskadiko Txapelduna

Jakina da gaur egun Japon, Europa eta AEBak direla ekonomia indartsuenak munduan, baina Z+Blog! emerging futures issues blogean pare bat berri ikusi ditut etorkizunean derrigorrez ez dela horrela izan behar gogorarazi eta adierazten dituztenak.

Azkenengo G7 famatuen bileran, hau da munduko herrialde garatuenen bileran, beste herrialde talde garrantzitsu batzuen ordezkaritza egon zen, azkar garatzen ari diren herrialdeen blokea: BRIC delakoa.

BRIC taldeak Brazil, Russia, India eta Txina batzen ditu eta eremu askotan plazaratzen den aliantza da: ikerkuntza, osasuna, energia , etabar.

Finantzial informazioa eta albisteak eskaintzen dituen Bloomberg News -eko William Pesek-ek International Herald Tribune-eko artikulu batean komentatzen zuen energiaren arazoak eta gehiago.

Oraingoz G7-ko azken bilerara gonbidatu egin dituzte baina badago zeinek esaten duen hurrengo 50 urteetan BRIC taldeko ekonomiek G7-koekin lehiatu egingo dutela. Behintzat, Goldman Sachs finantzial etxe famatuko ekonomistek prestatutako Dreaming with BRICs: The Path to 2050 (adi, .pdf formatoa 580 KB) txostenean, horrelako aurreikuspenak isladatzen ziren.

BRIC delako taldean ematen ari den garapen ekonomikoa eta etengabeko produktibitate igoerak alde batetik, eta indar demografikoak eta energia kontsumoaren joerak bestetik, potentzialki behinik behin, 2050 urtea baino lehen BRIC taldea G6-aren (AEB, Japon, Britaina Handia, Frantzia, Alemania eta Italia), hau da munduko 6 ekonomi aurreratuenen aurretik ipini daiteke. Buru hauste geopolitiko bat baino gehiago ekarriko du, seguru.

Milaka tokitan irakurri dezakegu Txinan dagoela gure enpresen etorkizuna. Aurreikuspen guztien arabera, datozen urteetan Txinak ezagutuko ditu ekonomia hazkunde nabarienak, Txinak izango du kontsumitzaile kopuru handiena - kontsumitzaile solbenteak, noski, besteak ez dira kontuan hartzekoak -, Txinak kontsumituko du izugarrizko energia bere biztanleek eskatzen dituzten produktu eta zerbitzuak ekoizteko, Txinak ...

Z+Blog! emerging futures issues blogean ere, Boeing etxean prospektiba egin dutela, eta Boeing-eko Marketing buruak duen Randy's Journal blogean joan zen otsailaren 2an Txinaren etorkizunari buruzko beste adierazle ezanguratsua aipatzen zuela irakurri dut: 2023 urteari begira Europa eta Txinaren arteko egazkinez egingo diren bidaien aurreikuspenak.

Goiko eta beheko irudiak konparatuz, espero den aldaketa nabaria da: berdez gaur eguneko bidaiak, gorriz 2023 urterako aurreikusten direnak. Bataz beste, 20 urte barru trafikoa lau aldiz handiagoa espero da. Baina irudietan behinik behin, ez da aurreikusten Bilbotik aterako den hegazkinik.

Etorkizuneko eszenategiak egiterakoan eszenategi oso baikorrak, miragarriak, txundigarriak egiteko arriskua izaten da, edo ... alderantzizkoa: ezezkorrak, pesimistak, ondagarriak, egoera ezin txarragoak isladatzen dituztenak egitekoa arriskua.

Vodafone's Future Vision lehenengoen adibide garbia da. Vodafone telekomunikazio etxeak etorkizun miragarria iragartzen digu, flash animazioak gustokoak duenarentzat oso ondo aurkeztua.

Izan ere, FWA-etan Site Of The Year - Urteko Webgunea izendatu zuten Vodafone's Future Vision webgunea. Eta egia esan, flash guztiak kargatzeko pazientzia izanez gero animazio oso ederrak ditu, Vodafonek proposatzen digun etorkizuna imajinatu eta aurreikusteko balio dizkigutenak.

Esan bezala etorkizun baikorra eta sinplea aurkezten digu, lehen mundu garatu batean, arazorik gabeko tokietan. Etorkizuna hiri ezberdinetan (London, Munich, Rome, Stockholm, ...) , egoera ezberdinetan (lanean, aisialdian, bidaian, erosketetan, ...) , eta elkar komunikatzeko tresna ederrekin osatutako egoretan azaltzen digute etorkizuna. Era berean gogaikarri eta gatzbarikoa .

Hori bai, jakin nahia asetzeko baino ez bada ere, Vodafonen etorkizunetik osteratxoak merezi du: www.vodafone.com/flash/futures

Baina uste dut ondorengo urteetan Vodafonek eta bestelako komunikazio konpainiak nahiko kezka izango dutela Skype eta hurrengo datozenekin borrokatzen, aliatzen edo erosten.

Kontaketak egiteko modua fidagarregia ez bada ere, gaur egun munduko biztanleen kopurua 6.500 miloi inguruan kalkulatua dago.

Egunkari askok, Associated Press bidez jaso dutenaren arabera, atzo ONU -k plazaratu zuen World Population Prospects; The 2004 Revision txostenaren arabera, hurrengo 45 urteetan %40a gehituko da eta 2.600 miloi biztanle izango gara munduan. Guztira 9.100 miloi biztanle 2050 urtean.

Hurrengo urteetan herrialde garatuetan populazioa antzerakoa, 1.200 miloiren inguruan, mantentzea espero den bitartean, herrialde atzeratuenetan populazioak nabarmen gora egingo du, gaur eguneko 5.300 miloitik 7.800 miloira 2050 urtean.

Gaur eguneko bederatzi lurraldeen artean munduko populazio erdia izango dute 2050 urtean. Biztanleetan txikienetik handienera, hauek dira bederatzi horiek: India, Pakistan, Nigeria, Congo, Bangladesh, Uganda, AEB-ak, Ethiopia eta China.

Beste datu asko daude txostenean, bizitza itxaropena, ugalkortasun tasak, etabar. Baina, espero diren datuak ikusita, migrazioak eta populazio tentsioak ez dute behera egingo, ez.

Prentsa oharra hemen: WORLD POPULATION TO GROW FROM 6.5 BILLION TO 9.1 BILLION BY 2050 (.odf formatoan) eta informazio gehiago Population Division/DESA-ren www.unpopulation.org webgunean.

Frantziako Datar, Commissariat au Plan , Futuribles eta LIPSOR (Laboratoire d’Investigation en Prospective, Stratégie et Organisation), Travaux et recherche de prospective ekimenaren partaideak dira eta orain, agortuak edo aurkitu ezinak diren prospektiba liburu eta dokumentuak batzen saiatzen den beste ekimena ipini dute martxan: Memoire de la prospective.

Horretarako lanen editoreekin - PUF, Dunod, OCDE, DATAR,... -, harremanetan ipini dira eta hauek prospektiba lan horiek berriz kaleratzeko asmorik azaldu ez dutenez, erreferentziak eta testu osoak Memoire de la prospective delako Internet gunean ipini dituzte.

Teknologikoak ez diren beste iraultza garrantzitsuak daude munduan, dudarik ez, baina Internet munduari dagokionez, RSS -en iraultza hasi baino ez da egin.

Gaur Garik RSSen hurrengo pausoa: publizitatea dela aipatzen zuen, eta duela egun gutxi, Acrobat 7 bertsioak RSS-etatik PDF-etara pasatzeko aukera ematen duela irakurri nion Master New Media-ko Robin Good -i.

RSS-en aplikazio honek aukera berriak zabaltzen ditu edizioan, Internetetik edizioara doan prozesua errazteko.

Izan ere, teknologia berriak eta giza usadio berriak direla, etorkizunari begira edizioaren mundu horretan aldaketak iragartzen dira edizio pertsonalizatua-ren inguruan eta, adibide legez, egon badaude Blogbinders edo Qoop bezelako zerbitzuak, gutxi gora behera 16 dolarren truke, blog bat liburua bihurtzen dituztenak.

RSS-ak PDF-etara pasatzea lortuta, zein izango da hurrengo pausua? MyST-Technology.com -ekoek etorkizunari begira batzuk imagina daitezkela diote:

• RSS-tik MDI -ra?
• RSS-tik FlashPaper -era?
• RSS-tik JPG-ra?
• RSS-tik Word, Excel ,... -era?

Beharbada, baina Garik aditzera ematen duen bezala komunikazio eta informazioaren trukaketa erraztetik datorkigu RSS-en ekarpen handiena, eta azken finean publizitatea komunikazioa eta informazio trukaketa ere bada.

Irudia: Master New Media

Gehitua 2005.03.01 - 22:07

RSS-ak nabigatzaileetan, urteko eskontza

Aurrerago komentatu ez dudan arren, RSS-ak nabigatzaileetan integratzen hasi dira. Batzuen ustez, RSS + nabigatzaileak urteko eskontza izango da. Izan ere, Maxthon , FireFox , edo AvantBrowser , bezalako nabigatzaileek RSS jarioak irakurtzeko tresnak integratzen dituzte.

Etorkizunaren ipuinak nolakoak ziren iraganean..., horrelako zerbait jaso nahi du David H. Szondy -ren Tales of Future Past webguneak.

Hau da, duela urte batzuk etorkizunari buruz ematen ziren irudipenak eta, neurri handian, gaur klasikoak bihurtu direnak, jasotzen ditu: pilula-janariak, irratia eskuko erlojuetan, txakur robotikoak, auto hegalariak edo bizitza ilargian.

Askotan aipatu izan da, neurri handian zientzi-fikzioa berrikuntza eta ikerkuntzaren inspirazio iturri bezela funtzionatu izan duela eta, ildo horretatik, zientzia-fikziotik errealitatera dioen esaldia askotan entzundakoa da.

Berrituta eta eguneratuak, baina egia esan duela urte batzuek gure aurrekoek irudikatzen zituzten irrati ordulariak eta txakur robotikoak lasai asko konpara ditzakegu gaur egun imajinatzen ditugun eskumuturreko komunikatzaile edo robot futbolariekin .

Irudian 1960 inguruan aurreikusitako txakur robotikoak , bitartean, beti bezala, denboraren kapsula edo makinekin amesten jarraituko dugu.

Near near future, We Make Money Not Art eta Future Feeder blogetatik.

Noizean behin umore pixkat ondo dator.

La Navalaren etorkizunari buruzko elkarrizketa irakurri dut bazkal orduan, eta gero Forges sobre las empresas y la economia irakurri dut, aholkulari anonimo baten bidez gaur ezagutu dudan La Gacela de Wirayut. Comentarios estupidos en un mundo inteligente blogean .

Batak bestea gogorarazi dit...

Standford Unibertsitateko teknologia eragileen laborategian edo Stanford Persuasive Technology Lab disziplina berria sortu eta Captology bezala izendatu dute (www.captology.org ). Captoloy delakoa, honela definitu daiteke: gizakien jarrera edo portaerak aldatzeko sortutako produktu informatikoak ikertu, aztertu eta sortzen dituen disziplina.

Kaptatu hitza euskaraz erabiltzen da, beraz euskaraz kaptologia erabili daitekelakoan nago.

Irudian ageri dira kaptologiaren oinarrizko kontzeptuak . B.J. Fogg (www.bjfogg.com) hasi zen gai hauetaz idazten bere tesian. Interesgarriak ere Fogg-en berrikuntzarako zazpi pausuak

Adibide bezala: erretzeari uzteko motibazioa, gazteen artean loditasuna aurrezaindu, shareware erabiltzaileei ordaintzen ohitu, ... hori guztia ordenadoreen bidez egitea, aztertzen eta frogatzen ari dira Standforren. Blog baten bitartez, Captology Notebook , Stanford University Insights from the Persuasive Technology Lab, azken berriak, adibideak ematen dituzte, eta laborategiko kideen aurkezpen, ponentzia, etabar.

Web sinisgarritasuna

Stanford-eko Teknologia eragileen laborategian Captoloy edo Kaptologia-ren inguruan lanean ari direnak Web sinisgarritasuna aztertzen ari dira ere. Beste webgune batean (credibility.stanford.edu ), aurrekoarekin lotuta - ia talde berdina da-, dagoen Standfor Web Credibility Research taldearen lanaren berri dugu. Hau da, web sinisgarritasuna aztertzen ari dira. Besteak beste, honetara dedikatuz:

• Web sinisgarritasunaren inguruko ikerketa kuantitatiboak egin
• Web sinisgarritasunaren inguruan dagoen informazioa bildu.
• Informazio horren inguruan argibideak eman
• Web sinisgarritasunaren inguruko ikerketa eta eztabaida bultzatuz
• Diseinatzeileei web sinisgarriak sortzen laguntzea

Kaptologia, Captology, Captologie, Captologia, ... Informazio gehiago

Honen inguruko informazio gehiago aipatutako www.captology.org , credibility.stanford.edu eta persuasivetech.info , Persuasive Technology: Using Computers to Change What We Think and Do webguneetan, gutxi gora behera Teknologia Eraginkorrak: pentsatu eta egiten duguna aldatzeko konputagailuak erabiltzen.

Frantzesez Internet Actu-n artikulua: La captologie : l'ordinateur outil de persuasion

Espainolez Infonomia-ko artikulua: Captologia, o tecnologia persuasiva

Zergaitik irakurri blogak.

Ostiralean, Roland Piquepaille blog teknologikoak Why Do You Read Blogs? artikuluan Blogads -eko Henry Copeland aipatuz, duela urte bete blogen erabilerari buruz egin zen ikerketaren datuak argitaratzen zituen.

Ikerketa horren arabera - 17.000 erantzun jaso zituen -, jendeak blogak irakurtzeko dituen arrazoi nagusiak hauek dira:

• Beste inon aurkitu ezin diren albisteak irakurtzeko %79,7 (12.713)
• Perspektiba hobea eskeintzen dutelako %77.9 (12.421)
• Albisteak beste inon baino azkarrago daudelako %65,9 (10.504)

Aipatutako beste arrazoi batzuek ondraduagoak direlako edo azkenengo joerak jarraitzeko izan ziren.

Euskal blogosfera oraindik oso mugatua eta txikia da, ez du irakurle larregirik, baina seguruenez irakurleen arrazoiak ez dira horiengandik oso urruti ibiliko.

Bide batez, laster Blogadsekoek atzo itxi egin zen inkesta berriaren datuak emango dituzte.

Euskal blogosfera zabaltzen doa.

Mugatua dela esan dut lehen, baina euskaldunak hain arraro eta extralurtiarrak ez garenez, espero zen bezala euskal blogen mundutxua hedatzen eta zabaltzen doa astetik astera.

Goienak blogari team polita hasi du osatzen. Horrela, Joxe Aranzabal-en Faroa blog eredugarriaren aldamenean Mikel Irizar-en Piperrautsa , Edu Mendibil-en Mathiasen kopilotua , Leire Kortabarria-ren Arrosak latan eta Antonio Zabala-ren Zinema blogak ikus ditzakegu.

Aurki -ren berri ematen dituen Jarioa Blog bitakoran Littera: Deustuko Unibertsitateko blogariak gehitu dituztela dio, Gorka Palazio-k kontatzen digu hilaren 2an Leioako bitakoragileen bigarren bilera egin zela (Izaskun Altuna, Joseba Etxebarria, Jon Goikouria, Naiara Olague eta Gorka bera egon ziren bertan, baina taldean jende gehiago dabil) eta, aste berean, Inaki Irazabalbeitia Ixinet - Izarren Hautsa blogarekin hasi da.

Ez dago gaizki aste arrunt baterako. Gainera, blogak sortzearen joera areagotu eta irakurleen eta ohizko medioen arreta sortarazi egingo duelakoan nago.

Euskal blogosfera aipatzen ..., mundiala Patxitrapero-ren Blogosfera santuko pokastina

Barne blogak enpresetan

Blogen erabilgarritasuna eta etorkizuna gutxi gora behera konprobatuta dagoenez, blog publikoetatik aparte, enpresa barrenetan, Intranetetan, blogak ezartzen ari dira. Ikusi bestela IAOC (International Association of Online Communicators) erakundearen blogean agertutako Blogging at IBM izeneko albistea: IBM enpresan, 2.800 barne blog aktiboak daude!

To, lagun batek dioen bezala blogak geratzeko etorri dira!

Marketinaren arrakastarako joera berria: Software Librearen baloreak marketinera aplikatzea. Oraindik teorizatu gabe dago, baina James Cherkoff-ek, nere ustez oso dokumentu edo manifesto interesgarri batean, laburki azaltzen digu.

Tesi nagusia, hasi baino ez bada ere, Open Source inguruan marketing joera berria sortzen ari dela, nagusiki garai hauetan, software librearen kontzeptuekin mugituz eta teknologia berriei esker, gero eta gehiago, kontsumitzaileek agindua eta kontrola dugulako.

Mozilla komunitateak Firefox sortu eta bi orri osoko publizitatea ordaindu zuen The New York Times-en; Howard Dean-en kanpainak Open Source teknikak erabiliz 600.000 lagun ipini zituen martxan, 25 miloi dolar bilduz; Koreako Ohmynews egunkarian 40.000 pertsonak hartzen dute parte; ...

Horrela, Mercedes, Nike, Redbull,... bezelako marka handiak kontsumitzaileen partaidetza bilatzen ari omen dira kanpaina berrietarako... Software Libre komunitateen eredua jarraituz: kontsumitzaileen komunitateari markarekiko inplikazioa edo ideiak eta partaidetza eskatuz, esate baterako.

The power of Open Source values can be unleashed to create marketing campaigns that are innovative, surprising, energetic and engaging. Campaigns that people want to join. All the qualities that the marketing and advertising industry once loved about TV are alive and well in the Open Source Movement.

But this time, the consumer is in command and control.

Manifestoa hemendik deskargatu daiteke osorik. Espero zen bezala Creative Commons lizentziapean dago, beraz lasai banatu dezakezu, eta informazio gehiagorako, www.collaboratemarketing.com webgunera jo daiteke.

Joan zen astean Ana Agirre Industria Sailburuak eta Juan Jose Ibarretxe lehendakariak, 3E-2010 Euskadiko Energia Estrategia aurkeztu zuten. Ekitaldian, bere aurkezpenak egiten, Europar Batasuneko Fernando de Esteban, IDAE , Instituto para la Diversificación y Ahorro de la Energía delako Jose Antonio Sanchez Quintanilla eta ICAEN , Institut Catala d'Energia delakoaren Ignasi Nieto i Magaldi izan ziren.

3E-2010 Euskadiko Energia Estrategia

Aurkezpenean, Ibarretxe-k 2010. urtean ehuneko 15eko energi aurrezpena lortzea nahi dela, kalitate handiagoko energia, merkeagoa eta garbiagoa lortzea nahi dela eta gas naturala izan dadila erabiltzen dugun lehen energia iturria esan zuen. Gasaren aldeko apustu argia, beraz, orain arte ekonomiaren euskarria izan den sektore honetan.

Ia Europa osoan bezala (Frantziarrek martxan ipini zituzten nuklearrei heltzen diete oraindik) gasa izango da, zalantzarik gabe, hurrengo urteetarako gure energia iturri nagusia, 2000 urtean guztiaren %21a izatetik, %52a izatera pasatuko da. Bikoiztea baino gehiago. Horretarako Boroa, Santurtzi, Zabalgarbi, Bahia Bizkaia Gas eta elektrizitatea, Europako gas konexioa, Gaviota depositoa eta ALGA-1600 instalakuntzak,...

Energia berriztagarrien arloa gehitzearekin batera, %4a izatetik %12a izatera pasatuz, 3E-2010 Euskadiko Energia Estrategiaren helburu nagusiak dira. Helburu garrantzitsuak pixkanaka energia jasangarritasuna bermatzeko. Haize, eguzki, biomasa edo itsas olatuen indarra Baina, oso gutxi aipatzen da energia aurrezteari buruz, eta arlo horretan guztiok zer egina dugu ( I jo què puc fer?).

Bakarrik bi eszenategi eta epe laburrera, 2010 urtera begira.

Bestalde, EVE -k kontsultagarri ipini dituen dokumentuen arabera pare bat kritika:

• Aurkezpenean ikus daitekenaren arabera, Plana diseinatzerakoan bi eszenategi baino ez dira kontutan izan, ia bakarra esan daiteke. Tendentziala edo joerazkoa, eta proposatutako energia politikak aplikatuz lor daitekeena. Ez dakit sukalde lanetan eszenategi gehiago aurreikusi dituzten, baina bestelakoan oso gutxi dirudi bi aurreikuspen baino ez erabiltzea.
• Aurreikuspenak epe laburregira, 2010 urtera, begira egin dira. Kontutan izanik, energia sektorea kapitalean intentsiboa dela, inbertsio handiak behar dituela, eta amortizazio epeak oso luzeak izaten direla, sektorean egiten diren aurreikuspenak, normalean askoz epe luzeagora izaten dira.

Aurkeztutako power pointak pisutsuak dira eta gazteleraz daude, baina euskarazko word laburpena Eraginkortasun energetikoa eta energia berriztagarriak dira 2010erako Euskadiko Energia Estrategia berriaren bi ardatz nagusiak izenekoa hemen dago (MS-word formatoa 365 KB). Bestelako aurkezpen guztiak www.eve.es/jornadas/ponencias helbidean kontsultatu daitezke.

International Meeting: Management Knowledge Innovation 2005

Ezagutzen Klusterrak bidali didan mezuaren arabera, ekainaren 23 eta 24an bitartean Kursaal Kongresu Jauregian Ezagutzaren Clusterrak eta Gipuzkoako Foru Aldundiko Berrikuntzarako eta Jakintzaren Gizarterako Departamentuak antolatuta Nola sortu ikaskuntza eta ekintzailetasun gaitasunak izenburupean VI. Nazioarteko Jardunaldiak International Meeting: Management Knowledge Innovation 2005 ospatuko dela esaten.

Interesgarria dirudi eta Euskadiko NEBT Sarea (Nuevas Empresas de Base Tecnológica, uste dut esan nahi duela) eta World-Kafe berritzailea iragartzen dira...

Momentuz, zabaldu den folletoaren arabera, honako hau izango da egitarua:

Emoziozko adimena

Nazioarteko adituek norberaren sentimenduak ezagutzeko, motibatzeko eta harremanak modu egokian erabiltzeko trebeziei, jarrerei, ahalmenei eta eskumenei buruz hitz egingo dute.

Honako hauek parte hartuko dute:

• www.inteligencia-emocional.org
• Mundu mailako emoziozko adimen adituak

Berrikuntza eta ikasketa

Erakundeak soilik haz daitezke, erakunde horiek osatzen dituzten pertsonen ikasketa eta gaitasunaren bidez. Ikaskuntza XXI. mendeko lehiakortasunerako benetako abantaila da.

Honako hauek parte hartuko dute:

• Vienako Unibertsitateko Enpresa Ikasketen Institutuko Ordezkaria
• Nazioarteko mailako aditu nabarmenak

Jarduera berriztatzaileak:

• World-Kafea: "World-Kafea" ekimenak ikaskuntza kolektiborako sistema berriak esperimentatzea bilatzen du. Nazioarteko VI. Jardunaldiak elkarrizketarako espazio interaktiboa bilakatuko dira, hizlarien eta entzuleen parte hartzea bultzatuz.

Ekintzailetasuna herrialdeko ingurugiroan

Pertsona ekintzailea izateko esperientzien, hobekuntza praktikoen eta gaitasunen hedapena. Hainbat espezialistak antzinako egiturak erorarazi eta ekintzaileak buru izango diren gizartearen oinarriak jartzen ahaleginduko dira.

Honako hauek parte hartuko dute:

• Team Academy (Finlandia), Jyväskylä Polytechnic-eko ekintzailetzarako eta buruzagitzarako unitate berezia
• Euskadiko NEBT eta agente sustatzaileen sarearen aurkezpena Ezagutzaren Clusterreko Ekintzaile Teknologikoen Foroaren eskutik

Egitarua, .pdf formatoan, hemendik jaitsi dezakezue (ADI, .pdf 578 KB)

Clusterretik diotenez, gehiago jakin nahi izanez gero, informazio gehiago behar izanez gero edota edonolako zalantzaren bat edukiz gero, Ezagutzaren Clusterraren www.portaldelagestion.com webgunera jo dezakezue, bseijas [a bildua]clusterconocimiento.com helbide elektronikora edo 94 420 98 09 telefonora deitu dezakezue.

Gaur Bilboko Euskalduna Jauregian azaroan aipatzen genuen Euskadi 2015 Lehiakortasun Foroa -ren emaitzetariko aurkezpena egin da: Euskadiren 2. Eraldaketa Ekonomikorako Oinarrien aurkezpena.

Ana Agirre eta Juan Jose Ibarretxe lehendakariak egin dute aurkezpena eta Ainhoa Arteta sopranoa entzuteko aukera zoragarria izan dugu. Egia esan, txalogarria da Euskadi 2015 ekimena, baina gaur txalo gehien eraman dituena, duela bi urte zendutako Javier Garcia Egotxeaga Sailburua ohiarekin batera, Ainhoa Arteta izan da.

Emanaldi hunkigarria, musika kontuetan ni bezalako erdi gorra eta ezjakin batentzat ere bai. Eta ohitura ederra, berritzailea eta beharrezkoa, kultura, ekonomia eta berrikuntza lotzearena. Azken boladan ohitura bihurtzen ari dira horrelako esperientziak: Andoni Egaña eta Ezagutzaren Klusterra, Fran Lasuen eta Nanoteknologiak, Andu Lertxundi eta Xuxen, edo artistek eta enpresa berritzaileak: laster hasiko den artes divergentes Artetik Berrikuntzara / Arts & innovation... ohitura ona eta etorkizunerako joera, espero.

Aurrerago aipatu zen bezala, ekimena parte hartze oso interesgarriarekin egin da eta hausnarketa mailan emaitzak eman ditu.

Gaurko ekitaldian Ibarretxe eta Agirre-k aurrekoei, I Eraldaketa Ekonomikoa bideratu zutenei esker beroak eman dizkiete egindako lanagatik, ( izan ere banatutako dokumentazioan www.politicaindustrialvasca.net webguenaren berri ematen zen), eta orain datorkigun Eraldaketaren ardatzak, erronkak, Estrategiaren Oinarriak eta Lan Ildoak aurkeztu dituzte. Plan zehatzak edo egitarauak datozen gobernuek ipini beharko dituzte martxan, gizarte osoaren kontua izango da onartzea eta aurrera eramatea

Standard & Poor's etxearen rating-ak

Baina, bestalde, gaur gehien azpimarratu dena , etxera nentorrela irratian behin eta berriro entzun dut, Standard & Poor's (www.standardandpoors.com ) rating-agentziak Euskal Erkidegoari gaur bertan eman dion rating berria izan da: AA+ . Nolabait gauzak ondo egiten ari direla bermatuz. Sekulako lorak bota dizkio Standard & Poor's-ek Jaurlaritzaren Politikari. Ibarretxe-k pozik egoteko arrazoiak zituen:

Kanpotik esaten ari zaizkigu: Herri serio eta fidagarria gara zioen :

Rating igoera finkatu ahal izateko, Standard & Poor's agentziak hurbiletik jarraitu du Euskal Estatutuak izan ditzakeen aldaketei buruzko eztabaida ere. Ez da itxaro bete-betean konponduko denik, ez eta eragin ezkorrik izan dezakeenik ere epe ertainean, erregioko aurrekontu-kudeaketari buruz. Bitartean, autonomi-gobernuak bere konpromisoari eutsiko dio, finkatze fiskalari zein zor-kontrolari dagokienez

Uste dut antzerako rating-a eman ziotela duela gutxi Gipuzkoa Lurraldeari, kasu honetan Fitch Rating (www.fitchratings.com ) etxeak. Fitch Rating nazioarteko agentziak Gipuzkoako lurralde historikoaren epe luzerako kalifikazioa hobetu du, lehenago genuen A bikoitza plus (AA+) kalifikaziotik A hirukoitzera (AAA) igoz. Azpimarratzekoa de Gipuzkoako foru ogasuna dela, estatuz peko entitateetan, kreditu-kalifikazio gorena lortzen lehena eta bakarra Espainiako estatuan zioen harro Joxe Juan Gonzalez de Txabarri Gipuzkoako Diputatu Nagusiak urteroko agerraldiko diskurtsoan (Adi ms-word dokumentua)

Zorionak guztioi, orain arteko lorpenak dira eta poztekoak, baina etorkizunari begiratuz ezin dugu gaur eguneko rating-ak edo lortutako adierazleekin (hezkuntzan, ekonomian, giza garapenean, ...) konformatu behar, etorkizunekoak prestatu behar ditugu. Eta Ibarretxe dixit: eskarmentua, neurria eta prestakuntza dira gure gaitasunak

Datozen urteetarako lehiakortasunaren erronka nagusia Berrikuntza indartzean datza. Berrikuntzan Europa eta lurralde aurreratuarekiko konbergentzia lortzean, alegia.

Baina, era berean, oso garrantzitsuak iruditu zaizkit eraldaketarako beharrezkoak bezala aipatu eta diren ardatzak:

• Garapen jasangarria
• Gizarte Kohesioa

Enpresa Lehiakortasuna eta Giza Berrikuntzarako Estrategia

Euskadi 2015 Lehiakortasun Foroaren Webgunean sortzen diren materialak eskuragarri daude. Besteak beste Eztabaidarako elementuak (452 KB .pdf formatuan) txosten laburra baina interesgarria, hainbat elementu giltzarri plazaratzen dituena edo Lehen Fasearen Balantzea (515 KB .pdf formatuan) txostena, non 2015 urteko Euskadiren erronkak eta giltzarri estrategikoak aipatzen diren.

Gaur Enpresa Lehiakortasuna eta Giza Berrikuntza: Estrategiaren Oinarriak eta Lan Ildoak izeneko txostena banatu da. Hemen dago eskuragarri (ADI .pdf txostena 1,53 MB) . Planteamendua intesgarria dirudi eta Kluster ezberdinen estrategia planen laburpenak ditu. Begirakada ematea merezi duelakoan nago.

IFTF's Future Now-en irakurria : ostiralean Gallup inkesta etxe famatuak oraindik blogek ez dutela hedapen handia zioen, blogen inguruan egindako inkesta baten harira argitaratutako Blogs Not Yet in the Media Big Leagues artikuluan.

Zenbait datu interesgarri artikuluan... Gazteen artean zerbait hedatuagoa dago blogen jarraipena, baina AEB-n populazioaren %75ak erabiltzen du Internet, eta Gallup-en inkestaren arabera, bakarrik %12ak jarraitu eta irakurtzen ditu blogak.

Zapatuan, Jean-Pierre Cloutier kazetari kanadiarrak blogen irakurleen inguruko aipamena zeukan bere blogean, hemen bezela Blogads agentziak egindako inkesta interesgarria aipatuz Qui lit les blogues? artikuluan, non blogen irakurleen kantitateai baino gehiago irakurleen kalitateari erreparatzen dion.

Blogek ez dute oraindik Komunikabideen Champions-ean jokatzen beraz, baina blog euskaldunen inguruan zalapartatxoa dabil azken boladan. Paperezko argitalpenak (Argia, Berria, Deia, Correo/DV, Gara, ...) blogen inguruko artikuluak argitaratutako dituzte eta, gainera, blogista euskaldunen lehen bileratxorako deialdia (B&B, Besta , BeSeTea edo dena delakoa) , egin da.

Blogistak poz-pozik, eta kultur eragileek ere, diot nik: eredu jasangarri batekin, blogak, Internet euskaraz idazten da.

Elgetako deialdia justu Xerez Ipuruara datorren egunean da, horregatik, partida zapatura ez badute aurreratzen, blogista euskaldunen kuadrilarekin bat egitera joango naiz Elgetako Espaloira, baina berandu. Ipuruakoa amaitutakoan :-)

Oraindik blogek ez dituzte irakurle larregirik, are gutxiago blog euskaldunak, jendeak ez omen dauka horretarako astirik, baina Gallup bezalako etxe batek, eta marketing eta publizitate agentziek arreta eskeintzen badiete blogei, ez dakit gaurko egiturarekin edo beste batekin, seguru etorkizunari begira indarra hartuko dutela.

Energia eszenategiak. Nolakoa gure etorkizuna?

London-eko Zientzia Museoak (Science Museum ), besteak beste etorkizunari buruzko erakusketa omen du: Is this your Future? izenekoa.

Berez, Energiaren etorkizunari buruzko erakusketa, Onkar Singh, Anthony Dunne eta Fiona Raby-k egindako hiru eszenategirekin eraiki da. Eta produktu eta argazki hipotetikoen bildumen bitartez energiaren etorkizun ezberdinak etikan, kulturan edo gizartean sortu dezaketen eragina aztertzen laguntzen dituzte.

Lehen eszenategian komunitate bakoitzak bere energia ekoizten du. Bigarren eszenategian energia hondakinetatik dator eta seguruenez hipotesiak gure jokaera eta giza etiketen aldaketa ekarriko luke. Hirugarrenean gauzak odolarekin dabiltza, animalien odola aprobetxatuz gehien bat. Gastrobot -etan omen dago inspiratua azken hau.

Apur bat harrigarriak guztiak, egia esan.

Iturria: Near Near Future, we make money not art.com

Metaatem izeneko tresna batekin jolasean.

Zure izena sartu eta flickr zerbitzuan oinarriturik irudiak sortzen ditu. Spell with flickr bezala izendatu du kastner sortzaile gazteak.

Tresnan ageri den laukitxoan, Eibar izena sartu dut. Metaatem-ek irudiak eta html bat sortzen du eta blogeko sarrera honetan pegatu dut. Ea zer ikusten den...

Beno, ba ez dago hain txarto :-)

Dena den, Metaatem-ek sortutakoa ez baduzu gustokoa, hizki bakoitzean klikeatuz irudia aldatu dezakezu.

Beste froga bat Korrika hitzarekin:

Ernest Lilley SFRevu eta TechRevu aldizkarien editorea da, eta freelance moduan zientzia eta teknologiari buruz idazten du.

Orain Washington-era bizitzera joan da eta Washington-en etorkizunari buruzko historiak idazteko deialdia egin du. Eskaera zientzia-fikzioa, hurreneko historia eta prospektibaren tartekoa dirudi.

Azken 100 urteetan Washington munduko botere indartsuenaren erdigunea izan dela aitortuz, etorkizunari buruzko zenbait galdera interesgarriak egin ditu Lilley-ek eta horiei erantzun nahiean www.futurewashington.com webgunean bota du deialdia.

Zenbaitek baietza eman diote, baina martxoaren bukaerarte Politika-Fikzioa izendatu dezakagun sailkapen batean sartuko liratekeen idazlanak onartzeko prest dago.

Esan esan bezala, Washington-en batzuk animatu dira idazten, baina ez dut uste gure inguruan horrelako deialdi egituratu batek arrakasta handiegirik izango zukeenik ...

Hemen, www.donostiafutura.net askoz konplikatuagoa dugu, bai antolaketa eta egituran, bai webean: sarrerako flash eternoa, agenda eta albistegi zaharkituak, 3 MBeko dokumentu deskarga ezinak, ... hainbeste lan eta oraindik ere Usandizaga kexati .

Blog honetan bezala, etorkizuna aztertzera jo dute Maria San Gil-en webgunean , eta Ibarretxe planak independentzia lortzen badu etorkizunean jubilazio-pentsioekin zer gertatuko den hausnartzen dabiltza.

Horretarako, adibide patologiko moduan Soziologia Fakultateetara eramateko moduko galdera egiten da webgunean. Mundiala benetan:

Si el plan Ibarretxe consigue la independencia ¿qué ocurre con las pensiones?

• Quiebra el sistema
• Se reducen las pensiones
• Aumentan los impuestos

Jakina, ez da posible Ibarretxe planarekin lotzen den independentziaren hipotesi hori betez gero, pentsio hobeak izatea, zerga txikiagoak, sistema sendoagoa izatea, ... eta abar.

Baina, horrelako aukeren aurrean erantzuleek ez dute gauzak batere argi ikusten eta antzerako portzentaiak lortzen dituzte aurkeztutako hiru erantzun posibleek. Harrigarria. Ez dago argi sistemak porrot egingo duen, pentsioak gutxitu edo zergak gehitu egingo diren. Izugarrizko nahasketa. Edo hirurak batera eman daitezke? Norbaitek argitu beharko luke asuntu hau. Ikusi bestela gaur arratsaldean ageri ziren emaitzak...

Iñigo Aranberrik duela pare bat hilebete hizlandiako artikulu batean esaten zuen bezala, inolako kontrolik gabe, hau da boto-emaile identifikatu gabe, egindako interneteko inkestak ez dira batere fidagarriak. Horrez gain, galderak egiteko moduak neurri handian erantzuna baldintzatzen duenez... inkestak beti irabazteko hutsezinezko metodoa aurkitu dugu!

Energiarekin gora eta behera berriro. Energia kontuetan etorkizunari begira energia berriztagarriak gehitzearen premia aldarrikatu dugu ia denok.

Baina, aldi berean, ez zaigu batere gustatzen gure mendiak haize errota erraldoiekin betetzea, gure itsas ertzeetan kilowatio faktoriak eraikitzea edo gure etxe ondoan zentral hidroelektriko edo gasez mugitutakoak jasotzen ikustea. Zarata, ostopoa, irudia, azken finean traba baino ez digute egiten. Eta era berean, ezin da ukatu, gustora eta erosoagoa bizitzeagatik, gero eta energia gehiago kontsumitzen dugu. Kontraesanak.

Horregatik, bitxia iruditu zait Japonen, Nagoyan, eremu komertzial batean Inaba Electric Work-ek eraiki duen haize eta eguzki indarrez mugitutako zentral elektrikoaren goiko irudi hori.

Kolorezko liburuak diruditen panelak haizez mugitutako argi-indar generadorearenak dira eta eraikinaren teilatuan eguzki panelak jarri dituzte.

Agian horrelako energi-zentralak errazago onartuko genituzkeen ...

Erreferentziak:

• Mainichi Daily News
• World Changing another world is here
• We make Money not Art

Business Week aldizkariak Ospitale Digitalei buruzko erreportaia dauka. Bertan osasun zerbitzuen etorkizuna eta, batez ere, teknologia berriek sanitate zerbitzuetan eta bere ekonomietan izan dezaketen eragina aztertzen da.

The Digital Hospital How info tech saves lives and money at one medical center. Is this the future of health care? da erreportaiaren izenburua.

AEB-etan ospitaleetako produktibitatea beherantz jo bazuen ere, gaur egun eten gabe igotzen ari da teknologia berriei esker. Beharbada, kontutan izan beharreko apuntea, Osakidetzan dituzten eztabaiden ingururuko hausnarketarako.

Aldizkariaren azalaren irudian Mr. Rounder etorkizuneko medikua: 24 orduko zaintza egunean, 7 egun astean, 365 egun urtean. Hori bai, errebisioa, mantenu txiki bat eta software eguneraketak behar ditu. Horrez gain, kostoa gorantz joan beharrean mediku digitalaren kostoa beherantz doa.

Abantaila teknologiko horiek izanda ere, gizakiak beharrezkoak izango dira etorkizuneko osasun zerbitzuetan, dudarik gabe. Baina teknologia berrien erabileran prestatuak. Ospitalen barnean informazio eta komunikazio arloan ematen ari dira aurrerapausu handiak. Eta teknologia berriek osasun zerbitzuen kalitatea hobetzen dute, mediku preskripzioen akatsak %80an murrizten omen dituzte, eta gainera nabarmenki merketu egiten dituzte.

Gaur eguneko Ospital Digitalaren ideia izateko irudi sorta eskaintzen du Business Week-ek. Irudiak Hackensack University Medical Center-ekoak dira.

Info gehiago:

• The Digital Hospital ( Roland Piquepaille's Technology Trends)
• L'hopital numerique sert-il d'abord a controler la productivite ? (Internet Actu)
• Mr. Rounder is On-Call at Hackensack University Medical Center (Prentsa oharra)
• InTouch Health, Inc. (Mr. Rounder mediku digitalaren sortzaileek)

Duela 100 urte Jules Verne hil zen eta horregatik egun hauetan zenbait erreportai argitaratzen ari dira. Javier Armentia-k Entre La Ciencia Y La Ficcion izeneko artikulu gomendagarria idatzi du bere Por la boca muere el pez blogean (El Correo-ko Territorios gehigarrian argitaratu zen atzo). Jabiren gustokoa uste dut.

"Uno de los géneros literarios más populares, la ciencia-ficción, es objeto de análisis incluso por parte de científicos. ¿Visionarios o científicos? " dio Armentiak.

Seguruenez, ametsetan aurreikusteko gai garenak baino ezin ditugu errealitatean asmatu ...

Blogak eta wikiak, interneterako komunikazio tresna egokiak eta azken boladan CodeSyntax-en lantzen ari garen eremua.

Gaiari buruzko artikulua zekarren atzo Infoworld aldizkariak: Enterprise collaboration with blogs and wikis . Aurrerago aipatu izan da hemen software sozialaren esparruan koka daitezkeen tresnek erabilgarritasun handia dutela enpresa munduan eta, horren inguruan, deskribapen ona egiten du Michelle Delio-k aipatutako artikulu horretan.

Franz Dill-eren eritziarekin bat eginez, hona hemen artikuluaren zenbait pasarte aipagarriak:

• Informazioa inteligentzia edo ezaguera bezala izendatzeko, etengabe erabili eta berritu egin behar da.
• Erabiltzeko errazak eta informalak direlako, e-posta eta bapateko mezularitza (Instant Message) dira langile gehienek aukeratzen dituzten ezaguera tresnak. Baina behin bidali eta irakurriak izan direnean, ez dago e-posta batean edo bapateko mezu batean trukatutako informazioa berriz erabiltzeko aukera edo posibilitate handirik. Posta-zerrendek arazoa zerbait konpontzen duten arren, ez da erraza trukatzen den informazioa ezaguera lan-sare batean konpartitzea.
• Horregatik, informazioa eta ezagueraren trukaketa bideratzeko eta profitatzeko Cisco, Disney, Hewlett-Packard, General Motors, IBM, Intel, Microsoft, Nokia, Novell, edo Yahoo bezalako enpresak blogak eta wikien erabilera bultzatzen ari dira. Normalean, OpenGroupware bezalako ohizko groupware tresnen osagarri gisa darabiltzate.
• Martin Wattenberg -ren esanetan blogek eta wikiek zeregin ezberdinak dituzte.
• Blogak pertsonalagoak dira, iritzi edo komunikazio pertsonala banatzeko sistemak dira, wikiak kolektiboki eraikitzen dira, batek esandakoa zuzentzeko aukera ematen dute eta denen artean egiten dira. Reading a blog is like listening to a diva sing, reading a wiki is like listening to a symphony. .... (Blogak irakurtzea solistak entzutea bezalakoa da, wikiak sinfoniak entzutea bezala.)

Tresnak eskura ditugu, tresnen erabilpena bultzatzean dago erronka.

Praktika onak Blog eta Wikietan

InfoWorld-eko Enterprise collaboration with blogs and wikis artikuluan ageri den iruditik hartuz, hona hemen Blog eta Wiki praktika onerako aholku batzuk:

• Aukeratu tresna egokia: Wikiak errazago eguneratzen dira; Blogak estatikoagoak dira
• Indartu dagoeneko martxan dauden prozedurak: aztertu jendeak elkarrekin lan nola egin dezaken
• Bultzatu iritzi ireki eta zintzoak. Hobe ez ematea blog bat jendearekin ondo konpontzen ez diren exekutiboei.
• Komunikazio politika finkatu. Hasieratik garbi esan zer mezu mota idatzi daitekeen eta zein ez.
• Arrakasta duten blogak errekonozitu. Blogintzak denbora eta esforzua eskatzen du, aintzat hartu eta saritu.
• Egon daitezken akatsak planifikatu. Seguru noiz edo noiz publiko egingo direla, publiko egin behar ez zirenak. Prestau zaitez horretarako.
• Maiz berrikusi edukiak. Batez ere ziurtatu Wikiaren edukiak eguneratuak eta zuzenak direla.

Argazkia: JL Irigoien

Earth Policy Institute delakoak egindako ikerketa baten arabera, Txinak daraman garapen bideak benetako hondamendi ekologikoa ekar dezake, behintzat, orain arte bezala, datozen urteetan estatubatutarren bizimodua jarraitzen badute.

Earth Policy Institutek mundu ekonomiaren proiekzioa egin du eta garapen eredu hau jasanezinezkoa dela diote. 2030 urtean Txinan 1.450 miloi biztanle izango dira, eta gaur egungo hazkunde erritmoarekin per capita errenta 38.000 dolarrekoa litzateke.

Eta munduan ez dago errekurtsorik (energia, janaria, papera, ...) horrelako errenta batek sortzen duen eskaerari erantzuteko.

Suposatzen dut antzerako zerbait gertatuko dela lehenegunean aipatzen genuen BRIC (Brazil, Russia, India, China) delako guztietan.

Ondorioa: oso zaila dirudien errekurtso gehiago bilatu, edo bizimodua goitik behera aldatu behar dugu.

Aurreikuspenak betetzen badira, hau bai erronka!

Informazio gehiago:

• Leraning from China. Why the Western Economic Model Will not Work for the World (Earth Policy Institute )
• Una catastrofe ecologica se perfila en 2031. El dia que China alcance el nivel de vida norteamericano, el modelo de desarrollo colapsara (Tendencias sociales )

Apirilaren 26an, 19.00-etan, Ezagutzaren Clusterretik bultzatutako Nola txertatu euskara erakundeen kudeaketan: gakoak eta esperientziak txostenaren ondorio nagusiak aurkeztuko dira Bilboko Euskalduna Jauregian.

Ezagutzaren Clusterrean Euskara eta Kudeaketa izeneko foroa 2003 urtean sortu zen, eta era iraunkorrean Azti Fundazioa, Batz S. Coop., Euskal Herriko Unibertsitatea, EITB, Elhuyar Aholkularitza, EMUN, ESTE Unibertsitatea, Eusko Jaurlaritzako Hizkuntza Politika Saila, Gaiker Fundazioa, IDOM, Ikerlan, IMH, Labein Fundazioa, MCC S. Coop., Mondragon Goi Eskola Politeknikoa, Robotiker Fundazioa Tekniker Fundazioa, UZEI eta VISESA-k parte hartu dute.

Gainera beste, erakunde batzuk puntualki lagundu edo sustatu dute foroa. Esate baterako, Bizkaiko Foru Aldundia eta Gipuzkoako Foru Aldundia.

Bestalde, foroak eskatutako informazioa bere esku jarri duten erakundeak, besteak beste, Energiaren Euskal Erakundea, Kondia, Danobat, Pasaiako Portuko Agintaritza, Ekonomilarien Euskal Elkargoa, Elkargi, Urola Kostako Hitza eta Niessen izan dira.

Bilbon aurkeztuko den argitalpenak bi atal nagusi ditu:

• Egindako hausnarketaren emaitza: 2004. urtean zehar egindako lanaren bilduma da. Atal honetan Euskararen balioerantsiaren inguruan egindako hausnarketa eta edozein erakundetan euskararen erabilera txertatzeko zenbait gako jasotzen dira.
• Kasu praktikoak: lan hau egiteko urtebete horretan parte hartu duten erakundeek egindako aurkezpenak jasotzen dira. Kasu praktikoen artean, izaera eta aktibitate diferenteetako duten erakundeak izan dira: enpresak,unibertsitateak, fundazioak eta abar.

Ongi etorria eta baliogarria izan dadila!

Gehienetan bezala, txosten interesgarriak Aurrezki Kutxen Federazioaren Ekonomi Gerizan argitalpean. Joan zen astean, zenbaki berria plazaratu zen. Ekarpen asko eta mamitsuak, eta ekarpenen laburpenak irakurrita ideia ona har dezakegu txostenetan aurkituko dugunaren inguruan.

Ostegunean kaleratu zen zenbaki berriak 19 txosten edo ikerketa dakar, hiru ataletan sailkatuak:

• Lehen atalak Epe luzerako hazkunde ekonomikoa: ikuspegi orokorra du izenburutzat
• Hazkunde ekonomikoan eragiten duten faktoreen analisia da bigarren atalaren ardatza.
• Hazkunde ekonomikoa: zenbait ebidentzia enpirikoren analisia da azken kapituluaren izenburua.

Mikel Navarro-ren Lehiakortasunaren analisia EAE eta Nafarroan edo La Competitividad del Pais Vasco y Navarra frente a los nuevos paises miembros de la UE. Las falacias de la competitividad aipatu nahi nuke hemen. Alde batetik ESTE -ko irakaslea delako baina, batez ere, fundamentu askorik gabe EAE-ren bilakaera ekonomikoari buruzko iritzi eta artikuluak idazten diren garai hauetan, datu zehatzetan oinarritutako analisi sakonak eskaintzen dituelako Mikel Navarrok.

Askok ukatu arren, azken urteotan per capitako errenta mailen eboluzio ikusgarria izan da, bai EAE-n bai Nafarroan. Baina etorkizunari begira kezkagarria da hobekuntza okupazio tasetatik etorri delako eta ez, ordea, produktibitate-tasaren gehikuntzetatik.

Aztertutako produktibitate faktoreetan (langilegoaren kualifikazioa, kapital-zuzkidura, I+G gastua, sektore egitura), azken urteetan asko hobetu arren, nahiko atzean gabiltzala dio Mikel Navarro irakasleak. Espainaren gainetik, bai, baina Europako eta AEBetako bataz bestekoen oso-oso azpitik!

Mikel Navarroren ustetan, lehiakortasunari dagokionez, Euskal enpresentzat mehatxua ez dago, askotan pentsatzen den bezala, Europa Batasunaren ekialdeko estatu berrietan zeuden enpresetan, baizik eta herrialde horietan kokatutako kapital atzerritarreko konpainietan. Konpainia horiek geuriek duten antzeko produktibitate, edo kasu askotan hobea, dute, baina lan-kostu urriagoak dituzte, eta horietan dago mehatxua lehiakurtasunaren ikuspegitik.

Txostena, .pdf formatoan, hemendik deskargatu daiteke. (Adi 335 KB. Erregistroa beharrezkoa, baina doan da)

Gaurko Irratia.com saioa entzuten, Wired aldizkariaren The End of Radio alearen, irratiaren etorkizunari buruzko zenbakiaren, berri izan dut.

Gainetik begiratuta, beti bezala, Wired-en alea interesgarria dirudi.

Podcasting-ari buruz ari dira une honetan Jabi Zabala eta Patxi Gaztelumendi . Gure artean beraiek dira aitzindariak, baina nonbait irakurri dut Bideo-blogging-ak podcasting-a gaindituko duela: 2005 : Le video-blogging va-t-il surpasser le podcasting ?

Izan ere, gaur goizean entzun dut AEB-etako hauteskundeetara aurkeztu zen Al Gore jaunak gazteei zuzenduta eta bideo-blogging-arekin zerikusia duen Telebista proiektu berri batean sartu dela. BBC News dixit: Al Gore launches youth TV channel . Al Gore hor badago ez da izango txantxetako kontua. Etorkizuneko telebista, blogak bezala gu geuk egina.

New Scientist aldizkariak Corpora Software aipatzen du bere artikulu batean : Software agents give out PR advice

Beste batzuk bezala, Corpora Software enpresak Lengoaia Naturalaren Prozesamenduan (LNP) erabiltzen diren algoritmoak erabiliz, zelatarako, ezaguera agertarazteko eta kudeaketarako softwarea garatzen ditu.

Adibidez, artikulu edo albiste baten zentzua aztertzeko - funtsean positiboa, negatiboa edo neutroa den automatikoki jakiteko -, software produktua daukate eta merkatuan harreman publikoetan izan ditzakeen aplikazioak aztertzen ari dira. Nolabait dokumentu elektronikoen "tonua" aztertzen ari dira.

Zentzu berean, IFTF -en diote blogek kontsumitzaileengan duten eragina eta kontsumitzaileek "erosteko erabakia" nola hartzen duten aztertzen ibili dira.

Ailegatu diren ondorioetariko bat: irakurtzeko larregi dago eta gero eta gehiago izango da, beraz informazio fluxuak eta edukien azterketa egiteko sistema automatizatuen premina gero eta handiagoa izango dugu.

Ba ez, agente horiek ez dira txarto etorriko irentsi behar dugun informazio guztia digeritzeko eta, Cornella-k zioen bezala, infoxikatuak ez bukatzeko